பதிவுலகில் திமுக காரர்களுக்கு பஞ்சம்!

ஒரு காலத்தில் பதிவுலகில் ரசினியை என்னவேணா திட்டலாம்! கேக்க நாதி இருக்காது! இப்போ அது ரொம்ப கொறைஞ்சி போயிருச்சு! பதிவர்களுக்கு போர் அடிச்சிருச்சா என்னனு தெரியலை!

மற்றபடி எப்போவுமே என்றும் காண்ட்ரோவேர்ஸியல் சாருவை திட்டி என்னத்தையாவது எழுதி எளிதில் சூடாக்கலாம். அதாவது சாருவின் தேகம் பத்தியும் எந்திரனில் ஐஸ்வர்ராய் பின்பிறம் பற்றியும் மிக்ஸ்ப் பண்ணி எதையாவது பேசி கோயிலப்பட்டி முறுக்கு விக்கலாம்! அதெப்படி இது ரெண்டையும் இணைக்க முடியும்? பதிவுலகில் எல்லாமே முடியும்ங்க!

சமீபத்தில் பதிவுலக சூப்பர் ஸ்டார் சாருக்குப் போட்டியா சீமான் போட்டிக்கு வந்து நின்னாரு. அதாவது மாவீரன் சீமான் பத்தி தலைப்பில் பேசினால்/எழுதினால் உங்க பதிவு ரொம்பவே விரும்பி வாசிக்கப் படும்! இப்போ சீமான் அண்ணே அம்மா ஜால்ரா ஆனதும் ஓரளவுக்கு அவர் சூப்பர் ஸ்டார் பதவிக்கு அழிவுகாலம் வந்துருச்சு. தன்னால் தனிப்பட்ட முறையில் செய்யமுடியாமல் ஜெயா பின்னால போய் நிக்கிற எவனுமே தன்மானமுள்ள தமிழனா எப்படி இருக்க முடியும்?னு மக்களுக்கு சந்தேகம் வந்துருச்சு.

அதிசயமாக இன்னைக்கு பதிவுலகில் திமுக காரர்களுக்கு ரொம்பவே பஞ்சமாகிப் போயிடுச்சு. கலைஞர் தும்மினாலும் இருமினாலும், அதிலும் அரசியல்தான் இருக்குனு சொன்னாலும், எதுக்கெடுத்தாலும் கலைஞரை கண்ணா பின்னானு விமர்சிச்சாலும் நியாயம் கேக்க ஒரு திமுக் காரன் இல்லாமல் நாதியில்லாமல் போச்சு.

ஒரு வேளை தி மு க காரங்க எல்லாம் எதையும் தாங்கும் இதயம் கொண்டவங்களா ஆகிட்டாங்களானு தெரியலை! அல்லது காங்கிரஸ் கூட்டணியோட நிக்கிற எப்படியும் நாங்கதான் ஆட்சியப் பிடிக்கபோறோம், தூற்றுவார் தூற்றட்டும்னு கண்டுக்காமல் இருக்காங்களானு தெரியலை!

இதிலென்ன கொடுமைனா திமுக அல்லாதவர்கள் எல்லாம் இப்போ கலைஞருக்கு வக்காலத்து வாங்க வேண்டிய பரிதாப நிலை உருவாகிப்போச்சு! பதிவுலகில் தி மு க காரங்க எப்போ திரும்ப வந்து ஆதிக்கம் செலுத்த போறாங்கனு ஒரே ஏக்கமாயிடுச்சு போங்க. அட் லீஸ்ட் அநியாயமாக/எந்த ஒரு நியாயமே இல்லாமல் கலைஞர் தாக்கப்படும் போதாவது வந்து என்னனு ஒரு பின்னூட்டம் போட்டுக் கேளுங்கப்பா!