கொஞ்ச நாளில் பதிவெழுதுவது போரடிச்சுடுமா?

நான் பதிவுலகில் நுழையும்போது மிகவும் ஆவலாக பதிவெழுதியவர்கள் எல்லாம் இப்போ மாதம் ஒரு முறைதான் பதிவு போடுறாங்க!

ட்விட்டெர் ஃபேஸ் புக் னு வந்ததாலா இல்லைனா ரொம்ப பெரிய நிலையை அடைந்துவிட்டார்களா னு தெரியலை. பதிவு எழுதுவது ரொம்ப குறைந்துவிட்டது. அதே சமயத்தில் புதிதாக பல வலைதளங்கள் ஆரம்பிச்சு நெறையா பதிவுகள் போட்டு முன்னால் நிற்கிறார்கள் பல இளம் பதிவர்கள். இவர்களுக்கு அந்தக்காலத்தில் பிரபலமாக இருந்த பதிவர்கள் பெயர்கள்கூட தெரியாது போல இருக்கு!

அந்தக்காலத்தில் எல்லோர் ஆவலைத்தூண்டும்படி எழுதிய பதிவர்கள் இன்னைக்கு எப்போவாவது ஒரு பதிவுபோட்டால் அன்றுபோல இவர்கள் பதிவுகளைப் பார்வையிட ஆட்களும் குறைந்து விடுகிறது.

என்னதான் கேலி செய்தாலும் டெய்லி ஒரு பதிவு போடுவதும் எளிதல்ல! குப்பையையும், மொக்கையையும் எழுதவும் ஒரு தன்னம்பிக்கை அவசியம்! எதையாவது எழுதவும் தோனனும். இந்தப்பதிவு போல! :)

ஆவலாக எழுதிக்கொண்டு இருந்தவர்கள் எல்லாம் போர் அடிச்சு ஒதுங்கி, பதிவுகளை குறைத்துக்கொள்வார்கள் என்பதை நான் எதிர்பார்க்கவில்லை! வாரம் ஒருமுறை வெளிவரும் இப்போதுள்ள தமிழ்மண முன்னனி வலைபதிவுகளில் இடம் பெறனும்னா முதலில் நெறையப் பதிவுகள் எழுதனும்! என்னதான் பெரிய ஆளாயிருந்தாலும் பதிவுகள் குறைந்தால் முன்னனியில் நிற்கமுடியாது. நாளடைவில் பிரபலங்கள் பதிவுகள் எழுதாததாலேயே இதுபோல் முன்னனியில் நிற்காமல் போயி இன்னும் ஆவல் குறைந்து மறைந்துவிடுவார்கள் போல தோனுது!

பதிவுலகம் மிக வேகமாக மாறிக்கொண்டு போகிறது!