கோவியாரு ரம்ஷான், பக்ரித் எல்லாம் கொண்டாடுவாரா?

இஸ்லாமிய நாட்டில் குடிகொண்டுள்ள இந்துத் தமிழர்களுக்கெல்லாம் ஏதோ ஒரு மாதிரியான காம்ப்ளெக்ஸ் வந்துடுது. இவங்களுக்கு மட்டும் வரும் இது என்ன வியாதினு தெரியலை! பொங்கல், திராவிடர்களான தமிழ் இந்துக்கள் திருநாள்தான். தமிழர் திருநாள்னு சொல்லி பிற மதத்தவரை குற்றம் சொல்லுவது எந்த விதத்தில் நியாயம்?

பொங்கல் கொண்டாடப்பட்ட அந்தப் பண்டிகை முதன்முதலில் ஆரம்பிச்சபோது நம்ம திராவிட இனத்தில் இந்துக்கள் மட்டும்தான் இருந்து இருப்பாங்க. இன்றைய நிலையில் பொங்கல் தமிழர் திருநாள்னு சொல்வதே ஒரு வகையில் பார்த்தால் அபத்தம். நம்மளா அப்படி சொல்லிக்கிட்டோம்! சரி, பொங்கல்தான் தமிழ்ப்புத்தாண்டுனு ஆக்கியதை பிறமதத்தவரா தடுத்தாங்க?? யாரு அதை நடக்கவிடாமல் செய்வது??

தமிழ்ப் பார்ப்பணர்கள் கூட பொங்கலை அப்படி ஒண்ணும் பெருசா கொண்டாடுவதில்லை! பொங்கலை தமிழ்ப்புத்தாண்டா ஏற்றுக்கொள்ள-மனதளவில்- மறுப்பவர்கள் பார்ப்பணர்கள்தான்! இவர் வணங்கும் அன்னை ஜெயா முதல்க்கொண்டு!

தேவரும், தலித்துகளும் விவசாயக்குடும்பங்கள்தான்,! தமிழர்கள்தான்! தலித்துகளுடன் தேவர்கள் சேர்ந்து பொங்கல் கொண்டாடுறாங்களா என்ன? இது மாதிரி இந்து திராவிட மதம் இன்னைக்கும் நாறிக்கிட்டு இருக்கு. இவரு பிறமதத்தவரை பொங்கல் என்னும் தமிழர் திருநாள் கொண்டாடுங்கனு அதுபத்தி கவலைப்பட ஆரம்பிச்சுட்டாரு! மொதல்ல தலித்தும் தேவரையும், பார்ப்பணரையும் சேர்ந்து பொங்கல் கொண்டாட வைங்க! அப்புறம் பிற மதத்தவரைப் பார்ப்போம்!

பார்ப்பணர்களே பொங்கல் “ஊருக்காக”தான் கொண்டாடுறாங்கனு தெரியாதா என்ன கோவியாருக்கு? சங்க்ராந்தினு தெலுங்குக்காரன் கொண்டாடுறான். “தமிழர் திருநாள்”னா அவன் கொண்டாடுறான்? ஆனால் இன்னைக்கும், இஸ்லாமனவர்களும், கிருத்தவர்களும் பொங்கல் கொண்டாடுவதைப் பார்த்து எரிச்சலோ கோபமோ அடைவதில்லை! பொங்கல் கொண்டாடுவது எந்த மதத்தினரையும் பாதிப்பதே இல்லை! பொங்கல்னா சினிமா பார்ப்பார்கள். பிற மதத்தைனரும் தமிழர்களோட தமிழர்களா இருப்பாங்க. தமிழ்லதான் தங்களுடன் உறவாடிக்கிறாங்க. சும்மா தேவையில்லாமல் எதுக்கெடுதாலும் பிறமதத்தவரை தமிழ் உணர்வு இல்லைனு சொல்லி தாக்குதல் தேவையா?னு தெரியலை.