தமிழ் ஓவியாவைப் பாராட்டனும்!

தமிழ் ஓவியா அவர்கள், முழுநேரமும், பெரியார் புகழ்ச்சி, பார்ப்பனர் இகழ்ச்சி என்று எழுதுவதால், இவர் வலைதளத்தில் "வெரைட்டி" இல்லைனோ என்னவோ நான் ரொம்பப் போயி வாசிப்பதில்லை! பார்ப்பனர்கள் எல்லாமே இவருக்கு ரொம்ப நன்றி சொல்ல கடமைப்பட்டிருக்காங்க. இவரு அவங்கள விடாது திட்டுவதால, அவங்க மேலே ஒரு பரிதாபம் உருவாகி, அவங்களுக்கு திராவிடர்களிடம் இருந்து நெறையவே ஆதரவு திரட்டி தருபவர் நம்ம தமிழ் ஓவியாதான்! மேலும் இவரு யாரு? ஆணா, பெண்ணா? சின்னப்பையனா பெரிய ஆளா? என்னனு எனக்கு இவர்பற்றி ஒண்ணுமே தெரியாது. இவருக்கென்று பல ரசிகர்கள், விசிறிகளும் இருக்கத்தான் செய்றாங்க.

பொதுவாக ஒரு பதிவராகத்தான் வலைதளத்தில் எழுதுறவங்கள எல்லாமே நான்  பார்ப்பது வழக்கம். பர்சனலாக எனக்கு யாரையுமே தெரியாது.  பதிவுலகில் ஒருவர் நடந்துகொள்கிற விதம், அவங்க பதிவு, அவங்க பின்னூட்டம், மற்றும் அதில் தெரிகிற  அவங்களுடைய கொள்கைகள், அவங்க நேர்மை போன்றவைகளை வைத்துத்தான் தனக்கென்று ஒருவர் தன் பதிவுலக மரியாதையை சம்பாரிக்கிறார்னு நான் சொல்லுவேன்.

சமீபத்தில்தான் நம்ம டோண்டு ராகவர், 1945லயே பிறந்தவர்னு என் அறிவுக்கு எட்டியது!!! அவரு புகைப்படத்தைப் பார்த்துப்புட்டு அவரு ஒரு 45-55 ரேஞ்சிலே இருப்பாருனுதான் நான் நெனச்சேன். இப்போ  அவரே திரும்பத் திரும்ப அவர் தளத்தில் அவர் வயதைச் சொன்னதால அவர் வயதில் ரொம்ப  முதியவர்னு நான் கற்றுக்கொண்டேன். ஒரு முறை ஏதோ ஒரு விவாதத்தில் செந்தழல் ரவி வந்து (வழக்கம்போல எரிச்சலுடன்) "அவர் வயதுக்கு மரியாதை கொடுய்யா" னு ஏதோ சொன்னதாக ஞாபகம் வருது. என்னைப் பொறுத்தவரையில் நம்முடைய விவாத வார்த்தை ஜாலங்கள், கருத்துக்கள்தான் நம்மளா நமக்கு நாம் வரையறுத்துக் கொள்ளும்/சம்பாரித்துக்கொள்ளும் மரியாதை. நமக்கு பதிவுலகில் மரியாதை கொடுக்கலனு யாரையும் குறை சொல்வதைவிட, (அப்படி மரியாதை எதிர்பார்த்தால்) நம்மைத்தான் நாம் குறைசொல்லிக்கனும்.  மேலும் அனுபவசாலிகள், பெரியவர்கள்,  நேற்றுவந்த சாதாரண கத்துக்குட்டிகள் கத்துறதையெல்லாம்  கண்டுக்கக்கூடாது! ஏன், கண்டுக்கிட்டு ஒப்பாரி வைத்தால் அதைவிட அசிங்கமாயிருக்குமா?னு வீம்பெல்லாம் பேசாதீங்க! எனிவே, பதிவுலகில் சிறு வயதினர்கள் மரியாதையாக நடத்தப்படுவதும், மிகப் பெரியவர்கள் மரியாதைக் குறைவாக நடத்தப்படுவதும், அவங்க அவங்க தன் நடத்தை மற்றும் கொள்கையால்  சம்பாரித்துக் கொள்வது என்றுதான் நான் சொல்லுவேன்.

சரி, தமிழ் ஓவியாவை எதுக்குப் பாராட்டனும்?

சமீபத்தில் இவர் தளத்தில் இவர் பதிவுக்கு இவரே சாதாரணமாகப் பின்னூட்டங்கள் போட்டுக்கிறாரு!!! எவனும் நான் எழுதுறதை  படிக்க மாட்டேன்கிறான், படிச்சாலும் பின்னூட்டமிட மாட்டேன்கிறான் என்றெல்லாம் அதைப்பத்தி கவலைப்படாமல்,  நானே என் பதிவுக்குப் பின்னூட்டம் போட்டுக்கிறேன்னு இறங்கிட்டாரு மனுஷன். மொதல்ல நான் இதை கவனிச்சபோது, "ஏன் இப்படி காமெடி செய்றாரு?"னுதான் நெனச்சேன். அப்புறம் இன்னொரு கோணத்தில் இதைப் பார்க்கும்போது, யாரோ ஒருவராக "பொய்வேடம்" அணிந்து வந்து ஊரை ஏமாற்றி ஒரு அனானியாக வேறொருவராகப்  தன்  பதிவுக்குப் பின்னூட்டம் போடுறதைவிட இப்படி தமிழ் ஓவியாவாகவே வந்து பின்னூட்டம் போடுவது, நேர்மையானது, மேலும்  பாராட்டுக்குரியதுனு தோணுச்சு. அதான் அவரைப் பாராட்டுறேன்! :)