நோபல் பரிசையும் விட உயர்ந்த பரிசு!

“அங்கேயிருந்தும் திருப்பி அனுப்பிட்டானுகளா?! ஏன்டா டேய்! இதுவரை நூறு ஜேர்னலுக்கு இந்த ஆர்ட்டிகிளை அனுப்பிட்ட! ஒருத்தன்கூட உன் ரிசல்ட்டை சரினு ஏற்றுக்கொள்ளவில்லை! எல்லோரும் ரிஜெக்ட் பண்ணிடுறானுக!” என்று சிரித்தான் நண்பன் பாலு.

“இல்லடா, அந்த ஆளு ஜான்சனுடைய ஃப்ரெண்டு எவனுக்காவது ரிவியூ வுக்கு போயிருக்கும். அதான் ரிஜெக்ட் பண்ணிட்டாங்க! ஜான்சன் வெள்ளைக்காரன் மற்றும் நோபல்பரிசு வென்றவர். அவரை இன்னொரு வெள்ளைக்காரனே விட்டுக்கொடுப்பானா?” என்றான் மதிமாறன் வருத்தத்துடன்.

“நம்ம இந்தியன் ஜேர்னல் எதுலயாவது பப்லிஷ் பண்ணப்பாருடா, மதிமாறா!”

“நம்ம மக்கள் அதைவிட மோசம்டா. அதெப்படி நோபல்பரிசு பெற்ற ஜான்சன் ரிசல்ட்ஸ் தப்பா இருக்கும்? நீ ஏதோ உளறுற என்பதுபோல் எழுதி எல்லோரும் ரிஜெக்ட் பண்ணுறானுக. எனக்கு இதுவரை ஒரு நல்ல பப்ளிக்கேசன்கூட இல்லையேடா. அதான் பிரச்சினை”

“உன் பாஸ் என்னடா சொல்றான்?”

“அவனுக்கும் எனக்கும் என்னைக்கு ஒத்துப்போச்சு? அவனும் என் ரிசல்ட்டை இப்ப நம்ப மாட்டேன்கிறான். இதுவரை 100 ஜேர்னலுக்கு அனுப்பியாச்சா? இனிமேல் இதை வேற எங்கேயும் அனுப்ப அவனால் முடியாதுனு சொல்றான்”

“ஒண்ணு பண்ணுடா, ஜான்சன் ஆர்ட்டிக்கிள் சயன்ஸ்லதானே வந்தது? அதனால் சும்மா சயன்ஸ்க்கே உன் ஆர்ட்டிக்கிளையும் அனுப்பிப் பாருடா”

“நீ வேற! சயன்ஸ்ல எல்லாம் நம்ம பேப்பர் எடுப்பார்களா? அது டாப் க்ளாஸ் ஜேர்னல்டா. மேலும் அதுலதான் ஜான்சன் எடிட்டோரியல் அட்வைசரா இருக்கான். போன வேகத்தில் நேர திரும்பி வந்துடும். அவர் ரிசல்ட்டை எப்படி தப்புனு ஒரு இந்தியன் சொல்றதுனுதான் எல்லோரும் ஏகமனதாக திருப்பி அனுப்பிடுவானுக”

நண்பன் பாலு போன பிறகும் ஒரு சிகரெட்டை பற்ற வைத்துக்கொண்டு அங்கேயே இருட்டில் உட்கார்ந்திருந்தான் மதி. சிறு வயதில் இருந்தே அவனுக்கு பிடிவாதம் மட்டுமன்றி தன்னம்பிக்கையும் அதிகம். இதனால் அவனுக்கு கெட்ட பெயரும் அதிகம். இந்த ஆராச்சிக்குறிப்பை அவன் ஏதாவது ஒரு ஜேர்னலில் பப்ளிஷ் செய்தால்தான் அவன் தீசிஸ் எழுதமுடியும். ஆராய்ச்சிப் படிப்பில் ஐந்தாவது வருடத்தில் இருக்கும் மாணவன் அவன். பிரச்சினை என்னனா நோபல் பரிசு வின்னர் வில்லியம் ஜான்சனுடைய ஒரு ஆராச்சிக்குறிப்பில் கொடுத்த எல்லாமே இவனுடைய ஆராய்ச்சியின்படி தவறு என்று வருகிறது. இவனுடைய அனுகுமுறையில் தயாரித்த வேதிப்பொருள்கள் ஜான்சன் தயாரித்த அதே வேதிப்பொருள்களின் வேதித்தன்மைகளைவிட முற்றிலும் மாறுபடுகிறது. எந்த முறையில் தயாரித்தால் என்ன? ஒரே வேதிப்பொருளுக்கு ஒரே ப்ராபர்டீஸ்தான் இருக்கனும். யார் தயாரித்த தண்ணீராக இருந்தாலும் தண்ணீருக்கு பாய்லிங் பாய்ண்ட் 100 செல்சியஸ்தான் இருக்கனும். அதன் ஃப்ரீஸிங் பாயிண்ட் 0 செல்சியஸாகத்தானே இருக்கனும்? அதே போல்தான் இவன் தயாரித்த வேதிப்பொருளும், ஜான்ஸன் தயாரித்ததும் ஒரே வேதிப்பொருள். அவைகளின் வேதித்தன்மை மாறக்கூடாது. ஆனால் ஜான்சன் சொல்லுவதற்கும் இவனுக்கு வரும் ரிசல்ட்ஸ்கும் சம்மந்தமே இல்லாமல் வருகிறது. யாரோ ஒருவர் சொல்வது தவறு. அது ஜான்சன் என்று இவன் நம்புகிறான். ஆனால் உலகத்தில் எந்த ஒரு சயன்டிஸ்ட்டும் இவனை நம்ப மாட்டேன்கிறாங்க.

மதியைப் பொறுத்தவரையில் அவன் தயாரித்தமுறையிலோ, அல்லது தயாரித்த வேதிப்பொருள்களிலோ எந்த சந்தேகமும் இல்லை. ஆனால் எந்த ஜேர்னலுக்கு அனுப்பினாலும், உடனே திரும்பி வந்துவிடுகிறது. காரணம்? ஜான்சன் ஒரு நோபல் பரிசு பெற்ற வெள்ளைக்காரன். மதிமாறன் ஊர் பேர் தெரியாத ஒரு தமிழன். அதனால் இவனுடைய ஆராய்ச்சி ரிசல்ட்ஸை யாரும் ஏற்றுக்கொள்ள மறுக்கிறார்கள். எங்கே போனாலும் ஜான்சன் நண்பர்கள், அதனால் இவன் அனுப்பிய அடுத்த நாளே, இவன் ஆர்ட்டிகிள் திரும்பி வந்துவிடுகிறது. மதிமாறனுக்கு என்ன செய்வதென்றே தெரியவில்லை. கடைசியில் பாலு சொன்னது போல சயன்ஸுக்கும் அவன் பாஸிடம் கெஞ்சி அனுப்பினான். 100% திரும்பி வந்துவிடும் என்று தெரிந்தும் சும்மா பேருக்கு அனுப்பி வைத்தான்.

ஒரு 6 வாரம் கழித்து வந்த இ-மெயிலில்:

Your paper has been accepted for Publication in Science என்று வந்தது, சயன்ஸ் ஜேர்னல் எடிட்டரிடம் இருந்து! இதுவரை அவன் ஆராய்ச்சி மாணவனாக இருக்கும் யுனிவேர்சிட்டி ஆஃப் ஹைதராபாத் ல இருந்து ஒரு ஆர்டிக்கிள் கூட சயன்ஸ் போன்ற ப்ரஸ்டிஜியஸ் ஜேர்னலில் வந்ததில்லை. இவன் பாஸ் மற்றும் இவனுக்கு மட்டுமல்ல, அந்த யுனிவேர்ஸிட்டிக்கே இதுதான் சயன்ஸ் ஜேர்னலில் முதல் பப்ளிக்கேஷன்.

நிச்சயம், எப்படியோ ஜான்சனை பிடிக்காத யாரோ ஒருவரிடம் இந்த ஆர்ட்டிக்கிள் ரிவியூவுக்கு போயிருக்கு. அதனால்தான் இதை அக்சப்ட் பண்ணிக் கொண்டார்கள் என்று புரிந்தது, மதிமாறனுக்கு. நண்பர்கள், தோழிகளெல்லோருக்கும் ஒரு பெரிய பார்ட்டியே கொடுத்தான் மதிமாறன். ஒழிந்தான் ஜான்சன்! என்று கத்திக்கொண்டே அந்த வெற்றியைக் கொண்டாடினார்கள்.

பார்ட்டியெல்லாம் முடித்துவிட்டு திங்கள் கிழமை ஆய்வகம் சென்றதும் இ-மெயில் செக் பண்ணினான். அவன் பாஸிடம் இருந்து ஒரு ஃபார்வேர்டெட் மெயில் ஒண்ணு வந்திருந்தது.

Dear Shanmugam and Mathimaran,

I am William Johnson from Harvard University. Congratulations for your recently accepted Publication in Science. In an unofficial note, I just want to let you know that I am the one who reviewed your article, and accepted for publication in Science. It took a long 5 weeks to complete reviewing your paper because I asked my co-worker to repeat your experiments and prepare those compounds and check the results to make sure your results are really reproducible as you claimed. Then I wanted to compare them with what I reported two years ago. Well we learnt that your results are reproducible and perfectly all right. Then I asked my coworker to repeat my own research work and asked him to make those compounds we reported again by the method published by me. To my surprise, what we found was, the compounds prepared by our method are not as pure as yours and the results we published are not reproducible. Somehow the coworker of mine who carried out these experiments earlier did hide the problems associated with the procedure, we published. So, my results and what we claimed in our paper have problems. But your method seems to work perfectly all right. So, I decided to accept your paper in the Science magazine in order to fix the FACTS and SCIENCE right. I will also withdraw my published paper with an apology in the near future.

I am really sorry that I published misleading irreprodicible results. Because of my published contradictory results, you might have gone through difficulites to publish your results, mainly because of my reputation as a Nobel Prize winner. Best wishes!

Sincerely yours,

William Johnson.

கடித்ததை வாசித்தவுடன் மதிமாறன் தொண்டையெல்லாம் அடைத்தது. இந்த அளவுக்கு ஹானஸ்டான, பெருந்தன்மையுள்ள ஒரு விஞ்ஞானி ஜான்சனை அவன் திட்டாத நாளே இல்லை. ஒவ்வொரு முறையும் அவன் பேப்பர் ரிஜெக்ட் ஆகும்போது, இது ஜான்சன் வேலையாக இருக்கும் என்பான். உலகமெல்லாம் அவன் நண்பர்கள் இருக்காங்க, அவங்கதான் வேணும்னே அவன் பேப்பரை ரிஜெக்ட் பண்ணுவதாக நம்பினான் மதிமாறன். ஆனால் இன்று அதே ஜான்சன், தன் தவறை ஒத்துக்கொண்டது மட்டுமல்லாமல் மதிமாறனுடைய ஆர்ட்டிக்கிளை பப்லிஷ் செய்ய உதவியதால் அவனைப்பொறுத்தவரையில் அவர் நோபல் பரிசை விட பெரிய பரிசை பெற்றுவிட்டார். திரு ஜான்சன் உண்மையிலேயே எவ்வளவு பெரிய மனிதர் என்று நினைக்கும்போது அவன் கண்களில் நீர் வந்தது.

அவரு..அவரு..ஒரு...(சர்வேசன் -500-போட்டி)

சர்வேசன்500 - நச்னு ஒரு கதை 2009 - போட்டி

"மாப்பிள்ளை வீட்டுக்காரங்க வரப்போறாங்க! சீக்கிரம் பட்டுப்புடவை கட்டிக்கொண்டு, அலங்காரம் பண்ணிக்கோம்மா லதா!" என்றாள் அம்மா, வாசுகி!

"இதோ ஒரு நிமிஷம் அம்மா!" என்று தன் அறையில் ஜி மெயிலை மட்டும் செக் பண்ணிவிட்டு, எல்லா விண்டோஸையும் க்ளோஸ் பண்ணிவிட்டு எழும்போது அவள் மாணிட்டரில் இருந்த ஃபேவரைட் நடிகரின் போஸ் கம்ப்யூட்டர் ஸ்க்ரீனில் வந்து நின்றது. லதா, எழுந்து புடவை மாற்றி, மேக்-அப் பண்ணுவதற்காக ஓடினாள்.

லதாவுக்கு காதல் கல்யாணத்திலெல்லாம் நம்பிக்கை இல்லை. அதுவும் இந்த கம்ப்யூட்டர் ஆண்-லைன் காதல் தலைவிரித்தாடும் இந்தக்காலத்தில்! நேற்றைய காதல் ஜோடிகளெல்லாம் இன்று பிரிந்து தியானமும் மெடிட்டேஷனும் செய்துகொண்டிருக்கிற இந்த நவீன உலகத்தில், காதல் எல்லாம் சும்மா கொஞ்ச நாள் உடல்ப்பசிக்குத்தான் என்று நம்பினாள், லதா. ஆனால் கணவன் மனைவி உறவு பலப்பட ஓரளவு ஒரே டேஸ்ட் இருக்கனும். ஒருவர் ரசிப்பதை இன்னொருவர் நிச்சயம் வெறுக்கமட்டும் கூடாது என்று முழுமையாக நம்பினாள் அவள்.

லதாவை பெண்பார்க்கவந்த மாப்பிள்ளை குடும்பம் உயர்தரமானதாகவும், மாப்பிள்ளை மோகன் நல்ல உயரமாக, மாநிறமாக, ஆள் ரொம்ப அழகா இருந்தார், மேலும் நல்ல வேலையும் பார்த்துக்கொண்டிருந்தார். புன்னகையுடன் நல்ல மேன்னர்ஸுடன் நாகரீகமாகப் பேசினார். அப்பா, அம்மா, அண்ணாவுக்கும், அவள் தங்கை ஹேமாவுக்கும், ஏன் அவளுக்கும் அவரை ரொம்பவே பிடித்துவிட்டது. அன்று இரவு அப்பாவிடம் ஒருமாதிரி மாப்பிள்ளையைத் தனக்குப் பிடித்ததாக சொல்லிவிட்டாள், லதா.

அதன்பிறகு ஒரு நாள் குடும்பத்துடன் போய் அவர் வீட்டில் ஸ்னாக்ஸ், காஃபி சாப்பிட்டுவிட்டும் வந்தார்கள். இன்னொரு நாள் அவள் அம்மா அப்பாவின் ஏற்பாட்டின்படி, அவளும், மோகனும், அவள் அப்பா சீனிவாசன், மற்றும் அம்மாவுடன் சேர்ந்து கோயிலுக்கு போனார்கள். கோயிலில் இவர்களை தனியாக பேசிக்கொள்ள வசதி செய்துகொடுத்தார்கள், அவளுடைய அன்பான அப்பா, அம்மா. லதா ஒரு பச்சைகலரில் பட்டுச்சேலை கட்டிப்போயிருந்தாள். மாப்பிள்ளை மோகனுக்கு அந்த சேலையில் அவள் இருக்கும் அழகு ரொம்பவே பிடித்ததாக சொன்னார். அவர் அணிந்துவந்த பேண்ட்ஸ், டி-ஷிர்ட்டும் கலர் செலக்ஷன் அவளுக்கும் பிடித்தது. போகப்போக அவரை ரொம்ப ரொம்ப பிடிக்க ஆரம்பித்தது அவளுக்கு. இருந்தாலும் ஏதோ ஒண்ணு அவரிடம் கேக்கனும்னு அவள் மனதில் உறுத்தல் இருந்தது. அது ரொம்ப சில்லியான விஷயம் என்பதால அதை எப்படி ஆரம்பிப்பது என்று தெரியவில்லை.

ஒரு மாதிரி நிச்சயதார்த்தம் முடிந்தது. இன்னும் 3 மாதத்தில் திருமணம் என்று கல்யாணத்தேதியும் முடிவானது. நிச்சயம் செய்யப்பட்டு முடிந்து சில நாட்களில் அவளுக்கு கல்யாணத்திற்கு வாங்கிய நகை, பட்டுப்புடவை காட்டுவதற்காக லதாவையும் தன்னுடன் அழைத்து சென்றார் தந்தை சீனிவாசன். கொஞ்ச நேரம் பேசியபிறகு அவளை மோகன் தன்னுடைய அறைக்கு தனியாக அழைத்துச் சென்றார். லதா, மோகனின் அறையில் ஒரு 5 நிமிடம் இருந்துவிட்டு அங்கே இருந்து அவருடன் வெளியே வந்தாள்.

வந்தவள் முகம் வேற மாதிரி ஒரு கலவரத்துடன் இருந்ததை கவனித்தார், தந்தை. மகளின் முகத்தில் ஏற்பட்ட மாற்றத்தை கவனித்த அவர், "சரி, ஒண்ணும் இருக்காது, நாளைக்கு சரியாகிவிடும்" என்று ரொம்ப கேள்வி கேட்காமல் விட்டுவிட்டார். ஆனால் அடுத்த நாளும் லதா முகத்தில் அதே போல் ஒரு கலவர உணர்ச்சி இருந்ததை கவனித்தார். கடைசியாக, அவள் அறைக்கு சென்று உட்கார்ந்து மெதுவாக லதாவிடம் கேட்டேவிட்டார்,

“என்னம்மா லதா, ஒரு மாதிரியா இருக்க?”

“இல்லப்பா ஒண்ணுமில்லை”

“சும்மா சொல்லும்மா” என்றார்.

“இனிமேல் இந்தக் கல்யாணத்தை நிறுத்த முடியாதாப்பா?” என்றாள் பரிதாபத்துடன்.

“என்னம்மா நடந்தது?”

“ஒண்ணுமில்லைப்பா அவரோட குடும்ப வாழ்க்கை ஒத்துப்போகாதுனு தோனுதுப்பா எனக்கு”

“என்னம்மா நடந்தது, அவர் ரூமிலே? எதுவும் தப்பா நடந்துகொண்டாரா உன்னிடம்?”

“இல்லைப்பா. அவர் எதுவும் தப்பா எல்லாம் நடக்கவில்லை. எனக்குத்தான் அவர் டேஸ்ட் பிடிக்கலை அப்பா”

“விபரமா சொல்லும்மா. எதுனாலும் பரவாயில்லை” என்றார் அன்புடன்.

லதா, அழ ஆரம்பித்துவிட்டாள்.

“சும்மா சொல்லும்மா. கல்யாணத்தை நிறுத்திடுவோம். என்ன காரணமா இருந்தாலும் பரவாயில்லை” என்றார் அப்பா கனிவுடன்.

“அவர்.. அவரு, ஒரு.. என்று ஒருவழியாக விசயத்தைச் சொல்லி முடித்தாள் லதா. தன் மகள் மனதை நன்கு அறிந்தவர் சீனிவாசன். அவளுக்கு பிடிக்கிற சின்ன சின்ன விசயங்களையும், அவள் வெறுக்கிற சில்லியான விசயங்களையும் கவனித்து அவள் எண்ணங்களை மதிப்பவர் அவர். அவருக்கு தெளிவாக மகளின் அச்சம் புரிந்தது. "அதனால் என்னம்மா? இதெல்லாம் பெரியவிசயம் இல்லை" என்று சொல்லி அவளை ஃபோர்ஸ் பண்ண விரும்பவில்லை அவர். அத்துடன் கல்யாணத்தை ஒரு வழியாக நல்லமுறையில் நிறுத்திவிட்டார்கள். நேரிடையாக மாப்பிள்ளையிடமே தன் மகள் பலஹீனத்தை சொல்லிக் கேட்டதும், மோகனும் சரி என்று சொல்ல, கல்யாணம் சுமூகமாக நிறுத்தப்பட்டது.

லதா, அவள் தந்தையிடம் சொன்னது இதுதான், "அப்பா! அவரு.. அவரு ஒரு. கமல் ரசிகர் அப்பா.. கமல் ரசிகரா இருந்தாலே பிரச்சினை, அவர் ஒரு கமல் வெறியர் போல இருக்குப்பா. கம்ப்யூட்டர் ஸ்க்ரீன் சேவர், மற்றும் ரூமில் உள்ள சுவரில் உள்ள போஸ்டர் எல்லாமே குணால யிருந்து தசாவதாரம் வரை எல்லா போஸ்டரருமாயிருக்கு. எனக்கு என்னவோ அவருடன் ஒத்துப்போகும்னு தோனலை. இது சில்லியான விசயம்தான் ஆனால் எனக்கு முக்கியமான விசயமும் கூட. என்னைப்பொறுத்தவரையில் ரெண்டு பேருக்கும் ஓரளவுக்கு ஒரே டேஸ்ட் இருக்கனும்” என்று அழுகையுடன் முடித்தாள் படித்த வேலைபார்க்கும் அறிவாளி மகள். புன்முறுவலுடன் அவள் ரூமிலும் அவள் கம்ப்யூட்டர் ஸ்க்ரினிலும் உள்ள ஸ்டெயிலானா போஸ்களை பார்த்தார், தந்தை.

கொஞ்ச நாள் சென்று மறுபடியும் மாப்பிள்ளை பார்க்க ஆரம்பிக்கும் போது தரகரிடமும், மாட்ரிமோணியிலும் முதலில் தெளிவாகப் சொல்லப்பட்ட ஒரு முக்கியமான மேட்டர், “மாப்பிள்ளை ரஜினி ரசிகராக இருக்கனும்” என்று.

சினிமா தயாரிப்பு என்கிற சூதாட்டம்!

சினிமா தயாரிச்சு சம்பாரிச்சு எத்தனை பேர் வெற்றியடைந்துள்ளார்கள் என்று பார்த்தால் விரல்விட்டு எண்ணி விடலாம். இதில் பணத்தைப்போட்டு அழிந்தவர்கள்தான் ஏராளம். சரி அழிந்தவர்கள்ல கொஞ்சப்பேரைப் பார்ப்போம்!

* அசோகன் ( எம் ஜி ஆர் வைத்து நேற்று இன்று நாளை தயாரித்து பல இன்னல்களில் மாட்டியதாக கேள்வி).

* சந்திரபாபு (எம் ஜி ஆர் வைத்து மாடி வீட்டு ஏழை என்கிற படம் தயாரிக்க முயன்று தோல்விடயந்ததாக கேள்வி)

* எ எம் ரத்னம் ( நல்லா மேலே வந்து கொண்டிருந்த இவர் இப்போ மகனை வச்சு ஒரு படம் எடுத்து விழுந்து ஆண்டியாயிட்டார்னு கேள்வி)

* காலஞ்சென்ற ஸ்ரீதர் (பல வெற்றிப்படங்களை தந்த இவர், கடைசிக்காலத்தில் ரொம்ப கஷ்டப்பட்டதாகக் கேள்வி)

* ஜி வெங்கடேஸ்வரன் (எல்லோருக்கும் தெரிந்த கதைதான் இவர் தற்கொலைக்கதை)

* ஸ்ரீ ப்ரியா (தயாரித்த "நீயா" ஓரளவுக்கு போச்சு . அப்புறம் வந்த "நட்சத்திரம்" ஃப்ளாப். நெறையா பணத்தை விட்டதாகக் கேள்வி)

* வி கே ராமசாமி கார்த்திக்கை வச்சு எடுத்த படங்கள் படுதோல்வியை தழுவின.

* தேவர் ஃபில்ம்ஸ் (எம் ஜி ஆரை வைத்து நிறைப்படங்கள் எடுத்த தேவர் ஃபில்ம்ஸ், பிறகு ரஜினியை வைத்து பல வெற்றிப்படங்களையும் தந்தது. ஆனால் இப்போ என்ன ஆச்சுனு தெரியலை). நல்ல நிலையில் இல்லை என்கிறார்கள் சிலர்.


சினிமா எடுத்து அப்போ யார்தான் சம்பாரிச்சா?

* எ வி எம் (அவர்கள் ஸ்டுடியோ இருந்தது பெரிய பலம்)

* காலஞ்சென்ற பாலாஜியின் சுஜாதா சினி ஆர்ட்ஸ் (இவர் ஒரு ரீமேக் பாலாஜி)

* எம் ஜி ஆர், ரஜினியை வைத்து சம்பாரிச்ச சத்யா மூவீஸ்

* பஞ்சு அருணாச்சலம் (பி ஏ ஆர்ட் ப்ரொடக்ஷன்ஸ்)

* பாக்யராஜ் மற்றும் டி ராஜேந்தர் (இயக்கி, நடித்து, தயாரித்து சம்பாரிச்சாங்க)

* இளையராஜாவின் பாவலர் க்ரியேசன்ஸ்

* கமலஹாசனின் ராஜ்கமல் பிக்ச்சர்ஸ்

* சிவாஜி ஃபில்ம்ஸ்

* பாலசந்தரின் கவிதாலயா (குசேலனில்கூட நஷ்டம் ப்ரமிட் சாய்மீராவுக்குத்தான்)

* மணிரத்னம்.

சினிமா தயாரிப்பு ஒரு மாதிரியான பெரிய அள்வுல விளையாடுகிற சூதாட்டம்தான். இதில் இறங்காமல் இருப்பது நல்லது!