வினவு (முகமூடி)யின் பதிவரசியல் சாக்கடை அலசல்!

எனக்கு வினவு குழுவிலிருந்து வரும் பதிவுகள் பொதுவாப் பிடிக்கும்! யாரை வேணா விமர்சிப்பார்கள்- நல்லாவே! பதிவுலகில் இவர்களுக்கு ஒரு மிகப்பெரிய இடம் உண்டு எனபதை மறுக்க முடியாதுதான். ஒருமுறை ஜெயராமுக்கு வக்காலத்து வாங்கியபோது எரிச்சலாகி இவர்களை விமர்சித்தேன்.

மற்றபடி பொதுவா நல்லாத்தான் எழுதுவார்கள்- வினவு என்கிற முகமூடி போட்டு அதில் மறைந்து எழுதும் பல மேதாவிகள். நான் போட்டிபோட்டுக்கொண்டு வினவுக்குப்போயி பின்னூட்டமெல்லாம் இடுவதில்லை. ஏன் னா இவங்க ரொம்ப ப்ரஃபெஷனல் மாதிரி இருக்கும். வளர்ந்துகொண்டிருக்கவங்களைத்தான் நாம படிச்சு பாராட்டி, திட்டி முன்னேத்தனும். பெரிய மேதாவிகளை அல்ல என்பது என்னுடைய மேதாவித்தனமான ஐடியா!

பதிவர் நரசிம்மை பிரபலமாக்கும் எண்ணத்துடன், தாமிரா-ஆதி பேட்டி என ஆரம்பிக்க, அதைத் தொடர்ந்து மயில் என்பவர் அதை விமர்சித்து ஒரு பதிவுபோட (இத நான் படிக்கலை), அதில் பதிவர் சந்தனமுல்லை ஒரு எரிச்சலைக்கிளப்பும் பின்னூட்டமிட (இதையும் நான் பார்க்கலை), இதைபடிச்சு நர்சிம் கடுப்பாகி அள்ளிக்கொட்ட! (வினவுக்கு நன்றி). அப்புறம் பதிவர நரசிம்மை பலர் கண்டிக்க...

ஆதி ஆரம்பிச்சது, நரசிம்மை பிரபலமாக்குவதுபோல ஒரு முயற்சி. அதுவே ஒரு அரசியல்தான். ஆனால் கடைசியில் நரசிம்மோட "பூக்காரி" (புனைவு)ப் பதிவால் ஆதி ஆரம்பிச்ச அரசியல் தடம் புரண்டு நர்சிம் தலையில் அவரே மண்ணள்ளிப்போட்டுக் கொண்டதுபோல கடைசியில் முடிஞ்சிருச்சு! இதெப்படி இருக்கு?

அவனுக்குத்தான் தெரியும் ஒரு ஆரம்பமும் அதன் முடிவும்!
அட யாருக்கடா புரியும்?
அவன் வேடிக்கையும் அதன் விளைவும்!

ங்கிற பாட்டுத்தான் ஞாபகம் வருது!

இப்போ யார் செஞ்சது தப்பு, ஆதியா? இல்லை அதை விமர்சித்த மயிலா? பின்னூட்டமிட்ட சந்தனமுல்லையா? இல்லை நரசிம்மா? னு பார்த்தால் நரசிம் உணர்ச்சிவசப்பட்டு கொஞ்சம் அள்ளிக்கொட்டிவிட்டார்!

சரி அதுக்கு என்ன தண்டனை? அதெல்லாம் நம்ம யாருங்க முடிவு செய்ய? பாதிக்கப்பட்ட பதிவர் காயத்துடன் இருப்பார். தப்பு செய்தவரை ஆளாளுக்கு பதிவுபோட்டு கண்டிச்சுக்கிட்டே இருக்காங்க! Everybody gets their turn. This time it is Narasim's!

வினவு முகமூடி போட்ட ஒருவர்தான் இதை "பதிவரசியல்" என்கிற பதிவில் எல்லாவற்றையும் பி டி எஃப் ஆக்கி அழிக்க முடியாதபடி ஆக்கியிருக்காங்க! வினவு எழுதிய இந்தப்பதிவை எழுதிய மேதாவி யாருனு தெரியலை! இவருக்கு பதிவுலகில் உள்ள எல்லாவிதமான அரசியலும் தெரிஞ்சிருக்கு! அளவுக்கு அதிகமாகவே மேதாவித்தனமாத் தோண்டி எடுத்து நாறடிச்சு இருக்கார்!

நரசிம் இன்னொரு பெண் பதிவரை அவமானப்படுத்தியது தப்புத்தான். ந்ரசிம்மின் பதிவு சாதாரணமாக கறபனையாக ஒரு பதிவரை மனதில் கொண்டு எழுதாமலிருந்தால் அது ஓ கே. ஒருவரை தாக்கவேண்டுமென்று அவரை நினைத்து எழுதியிருந்தால், அது தப்புனு சொல்லலாம். இதனால் பாதிக்கப்படும் பதிவர் எவ்வளவு பாதிக்கப்படுவார் என்பது நரசிம் சிற்றறிவுக்கு எட்டாமல் போய்விட்டதுபோல தோனுது.

இருந்தாலும் பதிவுலகில் It happens to everybody, when you try to pay off someone. I dont think narasim realized that he was crossing the line until other critics and readers pointed out that. Because that is a creator's weakness- we all should know that! When he/she gets emotional, he/she would not know the limit! இன்னைக்கு நரசிம். நாளைக்கு யாரோ?

சரி, நரசிம் செய்தது தப்பு! வினவுவுடைய பதிவரசியல் சாக்கடை அலசல்ப்படி நரசிம்மின் அந்தப் பதிவு மட்டுமா தப்பு? இல்லை!

* நரசிம் பார்ப்பனராக பிறந்தது தப்பு!

* நர்சிம் பணக்காரரா பிறந்தது தப்பு!

* " நரசிம் என்ன வேலை பார்க்கிறார். நர்சிம் அப்பா எப்படிப்பட்ட பார்ப்பனர். இப்படி போயிக்கிட்டே இருக்கு! இதெல்லாம் என்னங்க "வினவு முகமூடி"?

ஏன் நம்ம திராவிடர்கள் யாரும் இதுபோல் உணர்ச்சிவசப்படுவதில்லையா? ஆணாதிக்கவாதிகள் இல்லையா? திராவிடர்கள் எல்லாருமே பெண்ணியவாதிகளா, என்ன? நரசிம், ஒரு திராவிடரா இருந்தால் இதுபோல் உணர்ச்சிவசப்பட்டும் எழுதியிருக்கமாட்டார்னு நீங்க நெனச்சா, நீங்க ஒரு முட்டாள்!

நரசிம் செய்தது தப்புனு சொன்னதோட வினவு முகமூடி போட்டிருக்கும் அந்த மேதாவி நிறுத்தி இருக்கலாம், இல்லை நிறுத்தி இருக்கனும்.

அதுமட்டுமல்ல, * அபி அப்பா, *லதானந்த் * மங்களூர் சிவா போன்ற பதிவர்களையும் அவர்கள் பின்னூட்டமிடும் பதிவுகள் எழுதும் பெண் பதிவர்களையும் தேவையே இல்லாமல் சங்கடப்படுத்தியுள்ளார்கள். இதெல்லாம் கேவலமா இருக்கு வினவு முகமூடி போட்டிருக்கும் மேதாவி அவர்களே! குறையில்லாத பதிவர் யாருங்க? இந்த ஆரட்டிக்கிள் எழுதிய மேதாவி மட்டும் ஏதோ குறையே இல்லாத யோக்கியம் போலவும் வினவு என்கிற "முகமூடி"க்குள் மறைந்துகொண்டு அளவுக்கு அதிகமாக சின்னச் சின்ன விசயங்களையும் விமர்சித்து இந்தப் பதிவின் தரத்தை குறைந்து சாக்கடை அலசல் ஆக்கி விட்டார்கள்!

என்னவோ வினவோட இந்தப் பதிவைப்பத்தி விமர்சிக்கனும்னு தோனுச்சு! அம்புட்டுத்தான்! :)

விஜயுடைய “முதல்வர் ஆசை”க்கு விலை!

சுறா நல்லாப்போகலை என்பதென்னவோ எல்லோரும் ஏற்றுக்கொண்ட உண்மைதான். நம்ம ஊர்ல எப்படியோ, ஆனால் "மலேசியாவில் சுறாவை சிங்கம் வந்து முழுங்கிவிட்டது" என்பதை மலேசியா “நவ் ஷோயிங்” பார்த்தால் தெரியும். சுறா விழுந்தா? அதுக்காக திரையரங்கு உரிமையாளர்கள் எல்லாம் ஒண்ணு சேர்ந்து விஜயை மிரட்டனுமா?

படம் மினிமம் கியாரண்டியை க்கூட ஈட்டவில்லைனா, விநியோகஸ்தர்கள், திரையரங்கு உரிமையாளர்கள் படத்தயாரிப்பாளரைத் தானே கேக்கனும்? இல்லையா? விஜய்தான் இதற்கு பொறுப்பா? விஜய் எப்படி இதுக்கு பொறுப்பாவார்?

ரஜினியின் பாபா நல்லாப்போகாதபோது ரஜினி ஓரளவு பணத்தைத் திருப்பிக்கொடுத்தார். அது ஏன் என்றால் பாபா ரஜினியுடைய தயாரிப்பு. பாபா, மினிமம் கியாரண்டியை ஈட்டவில்லை அதனால் ரஜினி அதற்கானதை செய்தார். அதேபோல் குசேலன் சரியாகப்போகததால், மினிமம் கியாரண்டியை சம்பாரிக்க முடியாததால் கவிதாலயா மற்றும் ப்ரமிட் சாய்மீராவைத்தான் திரையரங்கு உரிமையாளர்கள் அனுகினார்கள். ரஜினியை அனுகவில்லைனுதான் நினைக்கிறேன்.

இப்போ சுறா சரியாப்போகலைனா அதேபோல் திரையரங்கு உரிமையாளர்கள் விநியோகஸ்தர்கள் மற்றும் தயாரிப்பாளர் சங்கிலி முருகனைத்தானே அனுகனும்?

திரையரங்கு உரிமையாளர்கள் ஏன் விஜய்யை அனுகுகிறார்கள்? என்பது என் குழப்பம்! திரையரங்கு உரிமையாளர்கள், விநியோகஸ்தர் மற்றும் தயாரிப்பாளரை அனுகி நஷ்டப்பணம் பெறனும். நஷ்டமடைந்த தயாரிப்பாளர்கள் மற்றும் விநியோகஸ்தர்கள் விஜையை அனுகனும்னுதான் எனக்குத் தோனுது.

திரையரங்கு உரிமையாளர்கள் => விநியோகஸ்தர்/தயாரிப்பாளர் => நடிகர் விஜய்!

அதைவிட்டுவிட்டு திரையரங்கு உரிமையாளர்கள் விஜயை அனுக, மற்றும் மிரட்டக்காரணம்?

மேலும் சம்மந்தமே இல்லாமல் அவருடைய பழைய படங்களை எல்லாம் சுறாவோட இணைப்பது?

இதுக்கெல்லாம் காரணம் என்ன?

விஜயின் “முதல்வர் கனவு” தான் இதற்கு காரணம்! விஜய்க்கு அந்த ஆசை இருப்பதால் விஜய் மீடியா/மக்கள் முன்னால் நல்லவராக நடிச்சே ஆகவேண்டிய கட்டாயம் இது! பெரிய தியாகி போலவும், நல்லவர்போலவும் நடிக்காமல் நான் சாதாரண வியாபாரி, ஒரு நடிகன் என்பதுபோல அவர் பேசலாம். ஆனால் அப்படிப் பேசினால் அவருடைய “முதல்வர் கனவு” வீணாகிவிடும்! முதல்வராக ஆசைப்படும் விஜயின் வீக்னெஸை அறிந்த திரையரங்கு உரிமையாளர்கள் இதுபோல் அரசியல் செய்து விஜயை மிரட்டுறாங்கனுதான் தோனுது. விஜய், அவர்களுடைய கோரிக்கையை நிறைவேற்றி அவருடைய “முதல்வர் கனவை” பாதுகாப்பாராக!

தயவு செய்து விஜய்க்காக யாரும் பரிதாபப்படாதீங்க!

ஏன்னா அவரு விவேகத்தில் 100 சாணக்யனுக்கு சமமாம்! அவர் பட வசனம்தான்! :)

சிங்கம்! வெற்றி நிச்சயம்!

ஹரி - சூர்யா இணையும் மூனாவதுபடம்தான் இந்தச் சிங்கம். என்னப்பா பேரு வச்சிருக்கீங்க? சிங்கம் கரடி, நாய், பூனையினு?னு சொன்னால், "அண்ணே, தொரசிங்கம்னு பேரு கேட்டதில்லையா? தமிழ்ப் பேருண்ணே "னு சொல்லி சமாளிக்கிறாங்க!

சரி, ஹரியுடைய ஆறு, வேல் ரெண்டுமே மசாலாப் படங்கள்தான் ஆனால் வெற்றியடைந்த படங்கள்! அதேபோல் சிங்கமும் ஒரு முழுநீள மசாலாப் படம்தான். இருந்தாலும் விமர்சகர்களை கவர்ந்திருக் கிறார்கள் ஹரியும் சூர்யாவும்! விமர்சனங்கள் எல்லாம் ஒரு மாதிரி பாஸிட்டிவாத்தான் வந்திருக்கு! எ செண்டர் மட்டுமல்லாமல் பி & சி செண்டர்களிலும் படம் நல்லாப் போகும்னு உத்திரவாதம் கொடுக்கிறாங்க, எல்லாரும். வெற்றி நிச்சயம் என்கிறார்கள்!

சில விமர்சகர்கள் என்ன சொல்றாங்கனு கேளுங்க!

Sify: பைசா வசூல்! அப்படினா, கமர்சியல் ஹிட் என்று அர்த்தம்னு நான் நெனைக்கிறேன்! சூர்யாதான் இந்தப் படத்தை தோளில் சுமக்கிறார் என்று கண்ணா பின்னானு சூர்யாவை மேலே தூக்கி வைத்துள்ளார்கள்! விவேக் காமெடி ரொம்ப சுமாருக்கும் கீழயாம்! அந்த ஹீரோயின், "அனு அக்கா" எப்படி? அவர் சும்மா க்ளாமருக்கு மட்டும்தானாம்! பிரகாஷ்ராஜ், வழக்கம்போல நல்லாவே செய்திருக்காராம்!

Rediff: என்ன சொல்றாங்கனா, இப்போ வந்த எல்லா மசாலாப் படங்களுக்கும் தாயாம்! இந்த சிங்கம்! இப்படியும் மசாலாப் படத்தை புகழலாமா? இரண்டரை நட்சத்திரங்கள்தான் கொடுத்தாலும் விமர்சனம் நல்லாவே எழுதி சூர்யாவை புகழ்ந்து தள்ளி இருக்காங்க! விவேக் காமெடி நல்லாயில்லைனுதான் சொல்லியிருக்காங்க இவங்களும். சரக்கு தீர்ந்து போச்சா விவேக்குக்கு? :( ஹீரோயின் சும்மா வந்து போறாராம்!

ஆமா, சுறா னா விஜயை திட்டுறீங்க, சிங்கம் னா சூர்யாவை புகழ்றீங்க? இதெல்லாம் அநியாயம்னு தோனுதா? சூர்யா தொடர்ந்து வெறும் சிங்கமா (மசாலாவா) ஒரேமாதிரி பண்ணாமல் எல்லா வகையிலும் படம் பண்ணுவதால்தான் இருக்கும். அப்புறம் அவரு இன்னும் முதல்வராகனும்னு ஆசைப்படலை அதுவும் ஒரு காரணம் போல!

அப்புறம், ஆறுச்"சாமி"யோட கம்பேர் பண்ணினால் இந்தச் சிங்கம் எப்படினு கேட்டால், நிச்சயம் சாமி இதைவிட நல்லபடம்னுதான் எல்லாரும் சொல்றாக! ப்ளாட்டும் சரி, காமெடி (விவேக்கிடம் அப்போ கொஞ்சம் சரக்கு இருந்துச்சு) எல்லாமே சாமி பெட்டர்தானாம்.

இப்படி படமே பார்க்காமல் விமர்சனம் எழுதுறது கொஞ்சம்கூட நல்லாயில்லைங் கிறீங்களா? நம்மளவிட இது போல் வலையில் எழுதும் ஆங்கில விமர்சகர்கள கருத்து தரம் மற்றும்ம் விலையுயர்ந்தது இல்லையா? அதான்!

நான் எழுதினா அங்காடி தெரு விமர்சனம் மாதிரிதான் வரும் எனக்கு! நான் எஸ்கேப்!