உங்க கருத்துச்சுதந்திரம் பறிபோகும் அவல நிலையில்!

என்னைப் பொருத்தவரையில் நம் கருத்துச் சுதந்திரம்தான் பதிவுலகில் நமக்கு முதன்மையானது, முக்கியமானது. மத்ததெல்லாம் ரெண்டாவதுதான்! பதிவுலகில் நீங்க "பெரிய ஆளோ" இல்லை "சின்ன ஆளோ" ஒரு பதிவை வாசிச்சுட்டுட்டு உங்க கருத்தைச் சொல்ல உங்களுக்கு நிச்சயம் உரிமை வேண்டும்! அந்த உரிமை பறிபோகும் நிலை வந்தால் பதிவுலகில் இருப்பதே சுத்தமான வேஸ்ட்!

பதிவுலகில் ஒருவர் உங்களால் ஏற்றுக்கொள்ள முடியாத, சுத்தமாக முரணான ஒரு கருத்துள்ள பதிவை எழுதி வெளியிடுகிறார்னு வச்சுக்குவோம். பதிவுலகம் மிகப் பெரியது, நீங்க அதில் ஒரு துரும்புதான். அதனால அவரைப்போலவே சிந்தனைகள் உள்ளவர்கள் பலர் அந்தப்பதிவை ஆஹா ஓஹோனு சொல்லத்தான் போறாங்க. உங்களால் ஏற்றுக்கொள்ள முடியாததால் பொதுவா இதுபோல் ஒரு சூழலில் நீங்க இதை கண்டுக்காமப் போயிடலாம். ஆனால் ஒரு சில நேரம் அதை கண்டுக்காமப் போகமுடியாது! அந்தக் கருத்துடன் மாறுபட்ட உங்க கருத்தை சொல்லியே ஆகனும்னு சூழ்நிலை எழுகிறது.

எங்கே சொல்வது? அந்தக் கருத்தை சொன்ன தளத்திலா? ஆமா, வேறெங்கே சொல்வது? அதைத்தான் பின்னூட்டங்களில் வாசகர்களும் சக பதிவர்களும் தெரிவிக்க முயல்றோம். பின்னூட்டத்தில் ஒருவர் நல்லா எழுதியிருந்தால் பாராட்டுறோம். சுத்தமா அதில் சொன்ன கருத்து ஏற்றுக்கொள்ள முடியலைனா திட்டுறோம். இரண்டுக்குமே உங்க பொன்னான நேரம் செலவிடப்படுகிறது என்பதை யாரும் மறுக்கமுடியாது! ஆனால் உங்க கருத்தை அவ்வளவு ஈஸியா இன்னொரு பதிவர் தளத்தில் சொல்லிட முடியாது!

* சாரு நிவேதிதா, "நான் கடவுளை க் கண்டேன்" னு நித்யானந்தாவைப் பற்றி ஏதோ கேணத்தனமா எழுதுறார்!

* நித்யானந்தாவையும், தந்தை பெரியாரையும் சம்மந்தப்படுத்தி ஒரு சாதிவெறிபிடித்த வம்பர் இஷ்டத்துக்கு லாஜிக் பேசி உளறுகிறார்!

இந்த மாதிரி சூழல்களில் நீங்க உங்க கருத்தை சொல்லியே ஆகனும்! சாரு, தன் தளத்தில் ஜால்ரா இ-மெயில் மட்டும்தான் வெளியிடுவார்! அவர் சொல்றதை கேட்டுக்கிட்டு ஆமா ஆமானு ஜாலரா அடிப்பதுபோல் பின்னூட்டம் இல்லையென்றால் உங்க கருத்தை சொல்ல முடியாதே!

அதேபோல் பெரியாரை சம்மந்தா சம்மந்தம் இல்லாமல் இழுக்கும் இந்த வம்பரிடம் போய் என் மாற்றுக் கருத்தை வெளியிடுங்கனு கெஞ்சனுமா? தீண்டாமை சரினு சொல்றவனிடமெல்லாம் நியாயம் பேச முடியுமா? சாதி வெறி இன்னும் அடங்காமல் இருக்கும் ஒருவனிடம்? சாண்ஸே இல்லை!

ஒரு சில இடங்களில் பாராட்டும் பின்னூட்டம்தான் பொதுவா மாடெரேஷன் கடந்து வெளிவரும். பதிவர் கருத்துடன் உங்க கருத்து சுத்தமா ஒத்துப் போகலைனா (யார் சொல்றது சரி, தவறென்பது வேறு விசயம), உங்க பின்னூட்டம் பொதுவா வெளியே வராது. மேலும் உங்க பின்னூட்டம் பதிவருடைய "அகந்தை"யை தொடுவதுபோல இருந்தாலும் பின்னூட்டம் வெளியே வராது. ஒரு சில நேரம் உங்க பின்னூட்டம் உணர்ச்சி பொங்கி வேகத்தில் எழுதி அநாகரிகமாக இருந்தாலும் வெளியே வராது. உங்க பின்னூட்டத்தை போட்டுட்டு "ஐயா" அப்ரூவ் பண்ணூறாரானு நீங்க வெயிட் பண்ணிட்டு நிக்கனும்!

நாலும் நாலும் பத்துனு சொல்லுவான். நாலு அரைவேக்காடுகள் ஆமா ஆமா னு சொல்லும்! அதை நான் ஏத்துக்கனுமா? என் மாற்றுக்கருத்தை நான் சத்தமாகச் சொல்லனும்!

எனக்கு கருத்துச் சுதந்திரம் இல்லையா?

ஒரு பதிவர், அவருடைய தளத்தில் அவர் தன்னை அவமானப்படுத்த அலல்து இறக்க இடம் கொடுக்கனும்னு என்ன இருக்கு? அபப்டியெல்லாம் தியாகம் செய்ய வேண்டியதில்லை. ஆனால் ஒரு பதிவை வாசித்துவிட்டு, அதில் உள்ள கருத்தை ஏற்றுக்கொள்ள முடியாமல் (உங்க பின்னூட்டம் மட்டுறுத்தப்படுவதால்), நீங்க அதை சொல்லியே ஆகனும்னு நிலை வருவதுண்டு. அதுபோல் நிலையில் மற்றவர்கள் என்ன செய்வாங்கனு தெரியலை, நான் என் பின்னூட்டத்தில் சொல்ல விரும்புவதை ஒரு பதிவாக எழுதுவதுண்டு!

ஏன் இதுக்கெல்லாம் ஒரு பதிவா? னு பலர் இதை கேலி பண்ணலாம்!

என் பார்வையில் உங்க கருத்தை சொல்ல முடியாத, உங்க கருத்து சுதந்திரம் பறிபோகிற ஒரு அவல நிலையை நீங்க ஏன் ஏற்றுக்கனும்? உங்களுடைய பேச்சுரிமையை எவனோ ஒருவன் பறிப்பதை நீங்க ஏத்துக்க கூடவே கூடாது!

இதற்குத்தான் உங்க தளம் இருக்கு, இல்லையா? உங்க கருத்தை எவனையும் கெஞ்சாமல், எவனோட அப்ரூவலும் இல்லாமல் சத்தமாக அடித்துச் சொல்ல!

கமலஹாசனும் படுக்கை அறையும்!

கமலஹாசன் சொன்னது: ஆத்திக உணர்வுகளை, படுக்கையறை உணர்வுகளைப் போல கருத வேண்டும். அது, ஒரு மனிதனின் தனிப்பட்ட விசயம். அதை அடுத்தவர்களுடன் பகிர்ந்துகொள்வது,ஆபாசமானது, அர்த்தமற்றது.

நிச்சயம் இவர் ஒரு பகுத்தறிவுவாதி என்றால் இங்கே ஆத்திக உணர்வுகள் = நாத்திக கொள்கைகள், உணர்வுகள். அதாவது, கமல், "நாத்திக உணர்வுகளை, படுக்கையறை உணர்வுகளைப் போல கருத வேண்டும். அது, ஒரு மனிதனின் தனிப்பட்ட விசயம். அதை அடுத்தவர்களுடன் பகிர்ந்துகொள்வது,ஆபாசமானது, அர்த்தமற்றது." என்பதையும்தான் இங்கே சேர்த்து சொல்கிறார்.

அப்போ நாத்திக உணர்வும் படுக்கை அறை உணர்வுகள்தான்னு இவர் நினைத்தால். தந்தை பெரியார் ஏன் அவர் படுக்கை அறை உணர்வுகளை உலகுக்கு சொன்னார்?

* கடவுளை கற்பித்தவன் முட்டாள்!

* பரப்புகிறவன் அயோக்கியன்!

* வணங்குகிறவன் காட்டுமிராண்டி!

தந்தை பெரியார் அவர் எண்ணங்களை, அவர் நம்பிக்கையை சத்தமாக வெளியே சொல்ல வில்லையா?

கமலஹாசன், அடுத்த முறை என்ன எழவைனாலும் "படுக்கை அறை" மேட்டர்னு பேசுவதுக்கு முன்னால் கொஞ்சம் இதையெல்லாம் யோசிக்கனும். எதுக்கெடுத்தாலும் இது படுக்கை அறை சமாச்சாரம் போலனு ஏதாவது சொல்லக்கூடாது!

ஆத்திக கொள்கைகள் ஒருவருடைய தனிப்பட்ட மேட்டர்னா, நாத்திக கொள்கைகளும்தான் ஒருவர் தனிப்பட்ட மேட்டர் என்பது இவருக்கு புரிந்து இருந்தால், இவர் பல பெரியவர்களை தான் அறியாமலே அவமானப் படுத்தியுள்ளார்னுதான் சொல்லனும்.

கமலு சொல்லிப்புட்டாருனு, பண்டாரங்கள்ல இருந்து ஆண்மீகவாதினு சொல்லிக்கிட்டு திரியிறவர் பலர் இதை ரசிக்கலாம். ஆனால், உண்மையான பகுத்தறிவு வாதி, ஆத்திகன் உணர்வுகளையும், நாத்திகன் உணர்வுகளையும் மதிக்கத் தெரிந்தவன். அவர்கள் உணர்வுகளை புரிந்துகொண்டவந்தான்!

மேலும் நாத்திகர்களும் கடவுளும்னு (இங்கே க்ளிக் செய்யவும்) நானும் ஏதோ பதிவுபோட்டு இருக்கேன். இது என் படுக்கை அறை மேட்டர்னு நான் நினைக்கவில்லை! நினைத்து இருந்தால் அதை எப்படி உலகுக்கு சொல்லியிருப்பேன்?

சாருவின் எந்திரன் விமர்சனம் - செம காமடி!

சாருவுடைய எந்திரன் விமர்சனம் செம காமெடியா இருக்குப்பா! இவருடைய விமர்சனத்தில் சொல்ற மிகப்பெரிய பிரச்சினைகளில் ஒண்ணு என்னனா 61 வயது ரஜினி, 37 வய்தான ஐஸ்வர்யா ராயோட டூயட் பாடுவது, காதலிப்பது. அவங்க சினிமாவில் டூயட் பாடுவதைப் பார்த்து சாருவுக்கு வயிரெல்லாம் எரியுது. சினிமாவில், 61 வயது ஆண், 37 வயது பெண்ணை காதலிப்பது ஆபாசம், அருவருப்புனு ஏதேதோ உளறுகிறார், சாரு.

சரி, வயிரெரிந்தால் அதை இப்படியா வெளியே காட்டுறது மனுஷன்?

இதில், ஐஸ்வர்யா ராய் பச்சன், மற்றும் அவர் கணவர் அபிஷேக் பச்சன் எல்லாம் நடிப்பு என்பது ஒரு தொழில் என்பதை அறிந்து பேசாமல் இருக்காங்க! ஆனா, சாரு மட்டும் ஏன் தாந்தான் அபிஷேக் பச்சன் என்பதுபோல இப்படி குதிக்கிறார்?

இதே சாரு நம்ம கலாச்சாரத்தில் ப்ரிமாரிட்டல் செக்ஸ்லாம் தப்பு இல்லைனு ஒரு பக்கம் ஏதோ சொல்லிக்கிட்டு திரிகிறார். இன்னொரு பக்கம் சினிமாவில், ஆமா சினிமாவில், வயது வித்தியாசம் அதிகம் உள்ள ரெண்டு அடல்ட்ஸ் காதல் செய்வதை தப்புனு சொல்றார். ஆபாசம், மற்றும் அவவருப்புனு பொய் பொய்யா சொல்லிக்கிட்டு திரிகிறார். இவர் முன்னுக்குப் பின் முரணாக இப்படிப் பேசுறது இவருக்கே மட்டமாத் தெரியலையா?

ஹாலிவுட் சினிமா, உலக சினிமானு உளறிக்கொண்டு திரியும் இவருக்கு, ஹாலிவுட் லெஜெண்ட் க்ளிண்ட் ஈஸ்ட்வுட் நிஜ வாழ்க்கை பத்திகூடத் தெரியாதா?

After initially meeting in an interview in 1993,^[278] Eastwood married anchorwoman Dina Ruiz Shadow Creek Golf Course.^[279] She is 35 years his junior. The couple's daughter, Morgan Eastwood, was born on December 12, 1996. Ruiz commented, "The fact that I am only the second woman he has married really touches me."^[280] Eastwood says that she has brought his family close together, and Ruiz maintains a friendly relationship with Eastwood's other children and their mothers.^[264] He professes to be a much better father now at his age than when he was younger and worked constantly.^[281]


இவங்க ரெண்டு பேருக்கும் ஒரு மகளும் உண்டு. நிஜ வாழ்க்கையில் இதுபோல் உலகில் நடக்கும்போது, சினிமாவில் ஒரு பேராசிரியர் அவருடைய மாணவியுடன் இண்வால்வ் ஆவது அவரை மணந்து கொளவ்தெல்லாம் தெரியாமல் ஏதோ படிப்பறிவே இல்லாத உலகமே தெரியாத ஒரு ஆள் போல இதையெல்லாம் பெருசா பேசிக்கிட்டு திரிகிறார்.

சாருவுக்கு, நெறையா பெரிய படிப்பெல்லாம் படிக்க ரொம்ப வாய்ப்பு இல்லாமல் போனதால்தானோ என்னவோ விஞ்ஞான உலகம் மற்றும் அக்கேடமிக் லைஃப் பத்தி எதுவும் தெரியவில்லை. வயதான பேராசிரியர்கள் , அவர்கள் மாணவிகளுடன் (அவர்கள் விருப்பத்துடன்) இண்வால்வ ஆவது பத்தி இவரு படிச்சு தெரிஞ்சுக்கனும். சில நோபல் பரிசு பெற்ற பேராசிரியர்கள் பத்தியும் இவர் கொஞ்சம் படிச்சா இவருக்கு அறிவு வளரும்.

உலக சினிமாபத்தி வாய்கிழிய பேசும் இவர் நிஜ உலகம் அறியாத பச்சைக் குழந்தை போல், இரண்டு அடல்ட்ஸ் காதல் கொளவதை பெருசா எழுதி விமர்சனம் என்கிற பேரில் தன் வயித்தெரிச்சலைக் கொட்டிக்கொண்டு திரிகிறார்!

எந்திரன் படத்தில் காமெடி நல்லா வந்திருக்கோ இல்லையோ, ஆனால் சாருவின் எந்திரன் விமர்சனம் செம காமெடியா வந்திருக்கு! மேலே சொன்னது ஒரு சின்ன உதாரணம்.