விஜய், அஜீத்தை முந்திய சூர்யா!

தமிழ்நாட்டைப்பொறுத்தமட்டில் ரஜினி, கமலுக்கு அப்புறம் விஜய்தான் அடுத்த பெரிய ஹீரோ. அதேபோல் அஜீத்துக்கும் ஸ்டார் வால்யூ உண்டு. ஆனால் அமெரிக்காவை பொறுத்தவரையில் கதை வேறமாதிரி போகுது. ரஜினி, கமல் படங்களுக்கு அடுத்தது விஜய் யோ, அஜீத்தோ இல்லையாம்! சமீபத்தில் சூர்யா படங்கள்தான் நல்லாப்போகிறதாம்.

அமெரிக்காவைப் பொறுத்தவரையில், படம் எவ்வளவு பெரிய ஓப்பனிங் கொடுக்கிறது என்பதுதான் ரொம்ப முக்கியம். ஏன்னா படம் பலவாரங்கள் எல்லாம் ஓடுவதில்லை. ஒண்ணு ரெண்டு ஷோலயே எவ்வளவு அள்ளுகிறார்கள் என்பதுதான் முக்கியம்.

பெரிய ஊர்கள் நியூ ஜெர்ஸி, சிகாகோ, டாலஸ், ஹ்யூஸ்டன், அட்லாண்டா, லாஸ் ஏஞ்சலஸ் போன்ற நகரங்களில் பொதுவாக தமிழ்ப்படங்கள் சில வாரங்களுக்கு மேலும் ஓடும். மற்ற சிறிய நகரங்களிலெல்லாம் ஒரு வீக் எண்ட்ல ரெண்டுல இருந்து ஆறு காட்சிகள் திரை இடுவாங்க அவ்வளவுதான். அதில் கிடைக்கும் கலக்ஷன்தான் முக்கியம். படம் ஊத்திக்கிட்டாக்கூட நல்ல ஓப்பனிங் இருந்தால் போட்டகாசை எடுத்து லாபமும் அடைந்துவிடுவார்கள்!குசேலனில்கூட லாபம் சம்பாரித்து விட்டார்களாம்!!