2010 ல் வெற்றிப்படங்கள் மூன்று!

தமிழ் சினிமா, டி வி யால் (சின்னத் திரை) பாதிக்கப்பட்டது என்னவோ உண்மைதான். இருந்தாலும் தமிழ்ப் படங்கள் வருகைகள் எதுவும் குறையவில்லை. வாரத்துக்கு 2 படமாவது புதுசு புதுசா வந்துகொண்டேதான் இருக்கு. 2010 ஆரம்பித்ததிலிருந்து ஒரு 50க்கு மேல்ப் பட்ட படங்கள் வந்துவிட்டன. இதில் சந்தேகமே இல்லாமல் வெற்றி பெற்றவைனு பார்த்தால் ஒரு மூனு பட்ங்கள்தான்!

* தமிழ்ப் படம்

* விண்ணைத்தாண்டி வருவாயா?

* பையா

மற்றபடி முக்கியமான படங்கள் கோவா, அசல், தீராதவிளையாட்டுப் பிள்ளை எல்லாம் வெற்றியடைந்ததாக சொல்ல முடியாது.

தமிழ்ப்படம் கொஞ்சம் வித்தியாசமான படம் என்பதால் வெற்றி. இதுபோல் தமிழில் வந்த முதல்ப் படம் இதுதான்! இதுபோல் கிண்டல்களை பாஸிட்டிவாக நடிகர்களும் ரசிகர்களும் எடுத்துக்கொண்டதுதான் மிகப்பெரிய வெற்றிதான்!

விண்ணைத்தாண்டி வருவாயா? ஒரு சாதாரண காதல்ப் படம். காதலுக்கு குறுக்கே நிற்பது மதம். நம்ம ஏதோ முன்னேறிட்டோம்னு பிதற்றிக்கொண்டு இருக்கோம். இன்னும் நம்ம கலாசாதத்தில் காதலிச்சவரை கலயாணம் பண்ண தில்லு உள்ள இளசுகள் இல்லை என்பதை அடிப்படையாக வச்சு எடுத்த படம். அந்தக்காலத்தில் காதல்னா, சும்மா ஒருவரை ஒருவர் பார்த்துக்கிறது, ஏதாவது சூழ்நிலையில் பேசிக்கிறது அப்புறம் லவ் லெட்டெர் கொடுக்கிறதுனு போச்சு, இப்போ என்னனா காதல் ப்ரிமேரிட்டல் செக்ஸுடனும் அது போகுதுனு எல்லோருமே அடிச்சு சொல்றாங்க! ஆனால் ப்ரிமாரிட்டல் செக்ஸ் வச்சுக்கிறது தப்பில்லையாம். அவங்களை கல்யாணம் பண்ணினால்தான் பெரிய தப்பாம்! அதனால நம்ம முதலிரவு இன்னும் சிறப்பத்தான் போகும். அதுதான் அவங்க ரெண்டு பேருக்கும் முதலிரவு என்பதால்! இதுபோல் இருக்க நம்ம அரைவேக்காட்டுக் கலாச்சாரத்தில் உள்ள காதல் தோல்வியடைந்த கோழைகள் எல்லாம் இந்தப் படத்தைப்பார்த்து அழுதழுது கண்ணீர்விட்டுப் பார்த்து வெற்றியை பெற்றுத் தந்துவிட்டார்கள் போல இருக்கு! பெருமைப்பட வேண்டிய விசயம்தான்னு சொல்றீங்களா?

பையாவும் ஒரு சாதாரண காதல் கதைதான். அதே லிங்குசாமி ஸ்டயிலில் வந்து இருக்கு! ஆரம்பத்திலேயே முடிவு தெரியும். இருந்தாலும் ஒரு பொண்ணோட பையன் படம் முழுவதும் சுத்துவதையும், அந்த ஹீரோவுடைய அசாத்திய ஹீரோயிசத்தையும் நம்ம ஆளு இன்னும் ரசிக்கிறாங்க. பாடல்களும் நல்லா இருப்பது ஒரு பெரிய ப்ளஸ்னும் சொல்லலாம்! லிங்குசாமிக்கு இந்தப்படம் ஃப்ளாப் ஆகாம எப்படியோ தப்பிச்சிருச்சு! அண்ணே லிங்கு, காதல், சண்டை, பாட்டுனு எடுத்தால் நம்மாளு எப்போவுமே பார்ப்பான்னு நெனச்சா இதுக்கப்புறம் கஷ்டம்தான்.

அப்புறம் நெறையப் படங்கள் 10 லட்சம் போட்டு 20 லட்சம் அலல்து 40 லட்சம் எடுத்து இருக்கலாம். அதுபோல சின்ன பட்ஜட் சின்ன வெற்றியை எல்லாம் கணக்குல எடுக்கலை :)))