அங்காடி தெரு- நாடார்களை கேவலப்படுத்தவா?

அங்காடி தெரு பார்த்த கடைசி ஆள் நாந்தான்! வலையுலகில் அந்தப்படத்துக்கு கடைசி விமர்சனம் எழுதுவதும் நாந்தான் போல இருக்கு. இருந்தாலும் என்னுடைய கண்ணோட்டம் முற்றிலும் வேறு மாதிரியா இருக்கப் போவுது. “என்ன லூசுத்தனமாவா?” இல்லைனா "குருட்டுப்பார்வையா?"நு கேக்குறீங்களா? அப்படியும் எடுத்துக்கலாம். முழுக்க முழுக்க சாதிச்சாயம் பூசப்போகிறேன் இந்தப் படத்துக்கு! நான் பூசவில்லை! வசந்தபாலனால் பூசி மொழுகப்பட்டு இருந்ததை "unveil" பண்ணுகிறேன்.

வசந்தபாலனை எல்லாரும் பாராட்டிப் பாராட்டி டயர்டாகிட்டாங்க. சரி, நானும் அதையே செய்யனுமா? அது சுத்தமான போர்!

இந்தப்படத்தில் சரவணா ஸ்டோர் போன்ற கடைகள் வைத்து நடத்தும் நாடார்களை "மெயினா"கவும், கொஞ்ச வயசு ஏழைப் பெண்களை வேலைக்கு வைத்து இருக்கும் சென்னையில் வாழும் பார்ப்பனர்களையும் சைட்-லயும் கடுமையாக சாடுகிறார், வசந்தபாலன். இல்லை , நேரிடையாகவே திருநெல்வேலியில் இருந்து சென்னைக்கு வந்து சம்பாரிச்சு முன்னேறி பெரிய பணக்காரகளான “அண்ணாச்சி போல” நாடார்களை கேவலப்படுத்துறார். பிழைப்புக்காக வேலைக்கு வந்து இருக்கும் அதே சமூகத்தைச் சேர்ந்த ஏழைகளையும் பிச்சைக்காரகளைவிட கேவலமாக எவ்வளவு மட்டமாக் காட்டமுடியுயுமோ காட்டியுள்ளார், வசந்தபாலன்.

சரி, அதிலென்ன தப்பு? அதுபோல் இவர்களை விமர்சிப்பதால் நாலு பணமுதலைகள் திருந்தட்டுமே? நாலு ஏழைகள் பட்டணத்தில் வந்து அடிமைபோல் வாழ்ந்து பிச்சை எடுக்காமல் திருநெல்வேலியிலேயே இருந்து வயக்காட்டில் வேலை செய்யட்டுமே? ங்கிற நல்ல எண்ணத்தில் வசந்தபாலன் இந்தப்படத்தை எடுத்தார்னு விவாதம் செய்ய முடியாத அளவுக்கு இந்த வொர்த்த்லெஸ் சிறுவர்கள் காதல் சப்ஜெக்கட்டை பெருசுபடுத்தி வீணாக்கிவிட்டார்.

மனிதாபிமானமே இல்லாத மேனேஜர் "கருங்காலி" போன்ற மிருகங்களை மேனேஜர்களாக் ஒரு பக்கம் காட்டியது சரினு வச்சுக்கிட்டாலும். கருங்காலி போலில்லாமல் நல்ல மேனேஜர்கள் ஒருவர் கூட இருப்பதாக இந்தப்படத்தில் காட்டப்படவில்லையே! அது ஏன்? இதுபோல் மேனேஜர்களில் நல்லவர்களே இல்லையா? இல்லை நாடார்களை கேவலப்படுத்த இவர் செய்த சதியா?

சரி, ஒரு வியாபாரி, கடையில் உள்ள கஸ்டமர்களை வச்சுக்கிட்டே கூட வேலை பார்ப்பவனை அடிச்சு அடிதடியில் இறங்குவானா? வியாபாரிகள் பொதுவா கஸ்டமர் முன்னால நல்லவனாக நடிப்பார்கள். கருங்காலி மாதிரி ஒரு மேனேஜர் கஸ்டமரை வச்சுக்கிட்டே அடிதடியில் இறங்கினால், அண்ணாச்சிகள் கருங்காலியத்தான் முதலில் வீட்டுக்கு அனுப்புவார்கள். இது ஒண்ணும் பெரிய பரோபகாரம் எல்லாம் இல்லை! தன் வியாபாரத்தில் மண் விழுந்துவிடக்கூடாது என்கிற அண்ணாச்சிகளின் சுயநலமதான்.

அதென்ன இப்போ எல்லாம் நம்ம ஊர்ல காதல், காதல், செக்ஸ், ஏமாத்து, பொய் சொல்றது இதெல்லாம் சரி என்பதுபோலவும், அதுதான் இன்றைய சுதந்திரம் போலவும் எல்லாரும் நினைக்கிறாங்களா?? அதாவது, அந்த “கருங்காலி மேனேஜரை” இவ்வளவு கெட்டவனாக்கி (ஃபிசிக்கல் மற்றும் செக்ஸூவல் அப்யூஸ் பண்ணுவதாக) , சின்னப்பொண்ணுக பசங்க செக்ஸ் வச்சுக்கிட்டு பொறுப்பில்லாமல் இருப்பதையும்தான் சரினு சொல்றமாதிரி படம் எடுத்தால்தான் எல்லாரும் கை தட்டுவாங்களா?

ஏழைகள் ஒழுக்கமானவர்களாகவும், வொர்க் எத்திக்ஸுடன் வாழமுடியாதுனு சொல்றாரா வசந்தபாலன்?

இதுல இன்னொரு மேட்டர்! நின்னுக்கிட்டு 10 மணி நேரம் வேலை செய்தால் கொடிய வியாதி வந்துவிடும்னு ஒரு பொய் பிரச்சாரம்! இதெல்லாம் என்ன மிஸ்டர் வசந்ந்தபாலன்? படுகேவலமா இருக்கு நீங்க செய்ற இந்தக் காரியம்!

ஐ டி கார்ட், பங்க்ச்சுவாலிட்ட்டியை இண்ஸிஸ்ட் பண்றதெல்லாம் ஏதோ பெரிய தப்பு மாதிரி காட்டுறாரு. Why? I thought punctuality and proper identification are the things we need to work on and improve ourselves!

தன் மகள்கள் இருவரையும் வேலைசெய்யவிட்ட பொறுப்பில்லாத அப்பாவைக்கூட சுமாரான நல்லவராக்கிட்டாரு. கவனமாப் பார்த்தால் கனியுடைய அப்பா செய்றதுதான் மிகப்பெரிய துரோகம். ஆனால் வசந்தபாலன், அதை ஏதோ சாதாரணமான விசயம் மாதிரி பேருக்கு சொல்லி விட்டுவிட்டார்.

சரி, திருநெல்வேலியில் இருந்து வந்து வேலைபார்க்கும் நாடார் சமூகத்தை சேர்ந்த சிறுவர்கள் உண்மையிலேயே பிச்சைக்காரனைவிட கேவலமாகத்தான் வாழ்கிறார்களா? நாடார் சமூக ஏழைகள் கண்ணீரைத் தொடைக்கத்தான் வசந்த பாலன் இதுபோல் ஒரு ப்ளாட்டுடன் வந்து போராடுகிறாரா? இல்லை அவர்களை கேவலப்படுத்துதான் இவரோட ஒரே குறிக்கோளா?

சரி திருநெல்வேலியில் இருந்து வந்து இப்படித்தான் வாழ்கிறார்கள் என்றால், அவர்கள் இங்கே இருந்து கிராமத்துக்கு ஓடிப்போகும் உரிமையை யார் தடுத்தது?

இதுபோல் வேலையில் இன்றைக்கு இருக்கும் சிறுவர்கள் "ஆமாம்" எங்களை பிச்சைக்காரனைவிட கேவலமாக நடத்துறாங்கனு, எங்களுக்கு வாழ்வு கொடுத்த "பெரியார்" வசந்தப்பாலன் னு சொல்வார்களா? இல்லைனா, ஏன்யா இல்லாததையும் பொல்லாததையும் சொல்லி படம் எடுக்குறேன்னு எங்களை கேவலப்படுத்துற? சினிமா எடுக்க சப்ஜெக்ட் இல்லைனா நாங்கதான் உனக்கு கெட்ச்சாமானு சொல்லுவாங்களா?

இன்னைக்கு எடுபிடியாக இருக்கும் இவர்கள் நாளைக்கு கருங்காலியாகவும் அண்ணாச்சியாகவும் ஆவதே இல்லையா?

இந்தப்படத்தில் வசந்தபாலன் சாதிச்சது.. சென்னையில் வந்து எப்படியோ (by hook or crook) முன்னேறி இன்னைக்கு தொழிலதிபர்களாகி இதுபோல் தொழில் நடத்தும் நாடார்களையும், அங்கே வந்து தன் எஜமானுக்கு லாயலாக வேலை செய்யும் ஏழை நாடார்களையும் அவமானப்படுத்துவது மட்டும்தான் என்று சொலலாம்.

மணிரத்னம் அக்னிநட்சத்திரத்தில் ஒரு சிவகாசி தொழிலதிபருடைய (அண்ணாச்சிதான்) அயோக்கியத்தனத்தை அழகா காட்டியிருப்பார். அதேபோல் சாமியில் ஹரியும் ஒரு "அண்ணாச்சி" வில்லனை அழகா உருவாக்கி இருப்பார். மிஸ்கின்கூட ஒரு அண்ணாச்சியை நல்லாவே காட்டியிருப்பார். அதெல்லாம் ரசிக்கத்தக்க இருந்தது. ஆனால் "அங்காடி தெரு"வில் வசந்தபாலன் "அண்ணாச்சிகளை" கேவலப்படுத்தனுமே இப்படி ஒரு ப்ளாட் டுடன் வந்து இருப்பதால் கொஞ்சம் வரம்பு மீறி எரிச்சலைக் கிளப்புது!

அப்புறம் இன்னொரு விதமாகவும் இந்த மேட்டரை ஜோடிக்கலாம்! ஐங்கரன், எப்படி இப்படி ஒரு கதையை தேடி எடுத்தார்கள்? சமீபத்தில் ஒரு தவறே செய்யாத ஈழத்தமிழரை சென்னையில் இதுபோல் இரக்கமே இல்லாமல் ஒரு அண்ணாச்சி கடையில் அவமானப் படுத்தியதாகப் படித்து இருப்பீர்கள். அந்த அநியாயத்திற்கு பதிலடி கொடுக்கத் (பழிக்குப் பழி) தான் இந்தப்படம் ஐங்கரன் எடுத்துள்ளார்கள் என்றும் கதைவிடலாம்!