தத்துப்பித்து பிரபாகரருக்கு சூப்பர் ஸ்டார் பதில்கள்!

கிளிமாஞ்சாரோ பாடல் உருவான விதம் குறித்தும் ஐஸ்வர்யா ராயின் பேரழகை குறித்தும் (பாடி ஸ்டெடியா இருக்கு... மைன்ட் ஆப் ஆயிடுச்சு) உங்களது பேட்டி ஒன்றில் சிலாகித்து ஜொள்ளியிருந்தீர்கள். நல்லது. இப்பொழுது கேள்வி அது பற்றியதல்ல. கிளிமாஞ்சாரோ பாடலில் ஏதோவொரு ஸ்டெப்பை முப்பது நாப்பது முறை ப்ராக்டீஸ் செய்து பார்த்ததாக சொன்னீர்களே. அது எந்த ஸ்டெப் என்று தெரிந்துக்கொள்ளலாமா...? அந்த பாடலில் அதிக பட்சம் கடினமான ஸ்டெப் என்றால் அது தோள்பட்டையை உலுக்குவதும், தொடையை தட்டிக்கொண்டு துள்ளிகுதிப்பதும் தான். அந்த ஸ்டெப்பையா முப்பது நாப்பது முறை ப்ராக்டீஸ் செய்தீர்கள்...

இப்போ இதுக்கு ரஜினி பதில் சொல்லனுமா, உங்க வலைதளத்துக்கு வந்து? சரி, அந்த தோள்பட்டையை உலுக்கிற ஸ்டெப்னே வச்சுக்கோவோம். 60 வயசுல அவரால் ஆட முடியல போல இருக்கு ரொம்ப ப்ராக்டிஸ் தேவைப்பட்டு இருக்கு. உங்களுக்கு இதிலென்ன பிரச்சினை? நீங்க இதைவிட நல்லா செஞ்சிருப்பீங்களா? இதிலே ரஜினி எதுக்கு பொய் சொல்லுவதா நீங்க புரளியக் கிளப்பி விடுறீங்க?

* எந்திரன் திரைப்படம் வெளியாவதற்கு முன்பு உங்கள் இரண்டாவது மகளின் திருமணம் நடந்து முடிந்தபிறகு ஒரு பிரஸ்மீட்டில் ரசிகர்களுக்காக தனியாக ஒரு விருந்து ஏற்பாடு செய்ய இருப்பதாக குறிப்பிட்டிருந்தீர்கள். ஆனால் பிற்பாடு அதுபற்றி மறந்துவிட்டீர்கள் போல. அந்த விருந்தை உங்கள் பேத்தியின் திருமணத்திற்காவது வைப்பீர்களா...? எந்திரன் படத்தின் மூலம் ரசிகர்களுக்கு அதைவிட பெரிய விருந்து வைத்துவிட்டேன் என்று சொல்லி டபாய்க்க வேண்டாம். ஏனெனில் எந்திரன் படத்தை நாங்கள் ஒவ்வொருவரும் டிக்கட் எடுத்து தான் பார்த்தோம்.

நீங்க யார் சார்? ரஜினி ரசிகரா? ரஜினி படப்பாடல்கள் புதிர்ல ஒண்ணுகூட தெரியலைனு சொன்னீங்க? உங்களுக்கும் விருந்து தர்றேன்னு சொன்னாரா? இது ரஜினி ரசிகர்களுக்கும் ரஜினிக்கும் உள்ள பிரச்சினை சார். நீங்க ஏன் சார் சம்மன் இல்லாம ஆஜர் ஆகுறீங்க?

* மைனா படத்தை பார்த்துவிட்டு இதுபோன்ற படத்தில் நான் ஒரு சின்ன பாத்திரத்தில் கூட நடிக்கவில்லை என்று வருத்தப்பட்டிருந்தீர்கள். உண்மையில் மைனா படத்தை எடுப்பதற்கு முன்பு உங்களிடம் கதையை கூறி அதில் ஒரு சின்ன கதாப்பாத்திரத்தில் நடிக்கச் சொல்லி கேட்டிருந்தால் நடித்திருப்பீர்களா...? அய்யா... நீங்கள் வருத்தப்படவே வேண்டாம். அடுத்ததாக பிரபு சாலமன் இன்னொரு பட்ஜெட் படம் எடுக்க இருக்கிறாராம். அதற்கு ஒரு ஜூனியர் ஆர்டிஸ்ட் தேவைப்படுகிறார். என்ன சொல்கிறீர்கள். வந்து நடித்துவிட்டு போகவேண்டியது தானே...?

நீங்க யாரு சார்? பிரபு சாலமன் தூதுவரா? உங்களை அனுப்பினாரா அவ்ரு? அவரு, நாளைக்கு வந்து, "என்ன இப்படி தேவை இல்லாமல் என் பேரை இழுக்குறீங்க"னு சொன்னா உங்க முகத்தை எங்க கொண்டுபோய் வச்சுக்குவீங்க?

இதெல்லாம் ஒரு கேள்விகள்னு கேட்டு விதண்டாவாதம் செய்து என்னத்த சாதிச்சீங்க? ஒண்ணு கவனிச்சீங்களா? ரஜினியை மட்டம்தட்டனும்னு ஒரே எண்ணத்தில் கேட்கிற குப்பைக் கேள்விகளுக்குக்கூட ரஜினி ரசிகர்கள் யாரும் நெகடிவ் ஓட்டுப்போடலை பாருங்க! நீங்க ரஜினிபத்தியோ அவர் ரசிகர்கள் பத்தியோ புரிஞ்சிக்கிற அளவுக்கு இன்னும் வாழ்க்கையில் அனுபவப்படலை சார்!