வன்னியர்களுக்கு 31! நாயக்கர்களுக்கு 70 ப்ளஸா!

சாதியை ஒழிக்கனும்! சாதி இருக்கவே கூடாது! எல்லாம் சரிதான். பா ம க வன்னியர்களுக்காக போராடும் வன்னியர் வாக்குகளை வைத்திருக்கும் ஒரு சாதிக் கட்சினு சொன்னால் அதை தப்புனுலாம் சொல்ல முடியாது! முக்குலத்தோருக்கு அடுத்து தமிழ்நாட்டில் மிகப்பெரிய சாதி வன்னியர்கள். அவர்கள் எண்ணிக்கையை வைத்துத்தான் பா ம க வால் 31 சீட் கள் வாங்க முடிந்தது.

விஜய்காந்து மற்றும் வை கோபால்சாமி இருவரும் வீட்டில் தெலுகு பேசும் நாயக்கர் சமூகத்தை சேர்ந்தவர்கள் என்பதை அறியாதவர்கள் உண்டா? நாயக்கர்கள் தமிழர்களாகி பல நூற்றூண்டுகள் ஆகின்றன. நம்ம ஐயா தந்தை பெரியாரே நாயக்கர் வம்சத்தை சேர்ந்தவர்தான்.

விஜய் காந்துக்கு நடிகன் என்கிற பலத்தைவிட தமிழ்நாட்டில் பரவலாக இருக்கும் நாயக்கர்கள் ஓட்டு விழுவதாக சொல்லப்படுகிறது. அந்த 10% ஓட்டில் பாதிக்குமேல் நாயக்கர்கள் ஓட்டு என்கிறார்கள். அதேபோல் வை கோபால்சாமிக்கும் நாயக்கர்கள் ஆதரவு இல்லை என்று சொல்ல முடியாது! அதனால்தான் நாய்க்கர்கள் அதிகமான விருதுநகர் மாவட்டத்தில் அவர் அதிகமான ஓட்டுக்களை பெறமுடிகிறது.

இனம் இனத்தோட சேரும் எனப்துபோல நாயக்கர் சமூகத்தைச் சேர்ந்த வை கோ வும், நம்ம கேப்பிட்டனும், முக்குலத்தோர் முழு ஆதரவு உள்ள அ தி மு கவில் சேர்ந்துள்ளார்கள்.

விஜய் காந்துக்கு 41 சீட் கொடுக்கப்பட்டுள்ளது. அதாவது நாயக்கர்கள் விரும்பி ஓட்டுப்போடும் நாயக்கரான விஜய் காந்துக்கு 41 சீட் கொடுக்கப்பட்டுள்ளது. இப்போ நாயக்கரான வை கோபால்சாமிக்கும் 30+ சீட் கொடுக்கப்பட்டால், நாயக்கர்களுக்கு மட்டும் 70 ப்ளஸ் சீட் கொடுக்கப்பட்டுள்ளதாக சொல்லலாம்.

வன்னியர்களைவிட, முக்குலத்தோரைவிட மக்கள் தொகையில் கம்மியான நாயக்கர்களுக்கு 70 + சீட்கள் கொடுப்பது அநியாயம் என்று சாதிக்கணக்கு போடும் அரசியல்வாதிகள் பலர் கோபமும் எரிச்சலுமாக இருக்கிறார்களாம்.

விஜய் காந்தும், வைகோவும் சாதிக்கு அப்பாற்பட்டவர்கள் என நம்பும் முட்டாள்கள் இல்லை மக்கள்! விருதுநகர் பகுதியில் உள்ள தேவர்களும், நாடார்களும் விஜய்காந்துக்கோ, வை கோவுக்கோ விரும்பி வாக்களிக்கப் போவதில்லை என்று பரவலாகப் பேசப்படுகிறது!