ஃபெட்னா, தமிழச்சி, காந்தி அவதூறு!

இந்த வருடம் ஃபெட்னாவுக்கு போயிட்டு வந்த ஒருவர், தன் வலைதளத்தில் ஒரே ஒப்பாரி! என்னனு  போய்ப் பார்த்தால் காந்தி மேலே அவதூறு! யாரு இப்படி செஞ்சதுனு பார்த்தால் சிறப்பு விருந்தினராக அழச்சு வந்திருந்த தமிழச்சி தங்கபாண்டியன்தான் இப்படி செஞ்சுபுட்டாருனு புலம்பல்!

நான் அமெரிக்காவில் வாழ்ந்தாலும் ஃபெட்னாவுக்கு இதுவரை போனதில்லை. ஃபெட்னா மேலே ஒண்ணும் பெரிய விருப்பு, இல்ல வெறுப்பெல்லாம் ஒண்ணுமில்லை. சும்மா போனதில்லை! ஃபெட்னால கலந்துதான் அமெரிக்க வாழ் தமிழனா காட்டிக்கனும்னு ஏனோ தோன்றியதில்லை.

இந்த வருடம் நடந்த ஃபெட்னா விழாவில், சிறப்பு விருந்தினர், தமிழச்சி பாண்டியன், காந்தியைப்பற்றி அவதூறு பேசியதாக ஒரு வலைதளத்தில் ஒருவர் வருத்தப்பட்டுள்ளார்.  அவர் வருத்தம் ஒரு பக்கம் இருக்கட்டும், எடுத்த எடுப்பில்  இது இந்தத் தமிழச்சிக்குத் தேவையா?னுதான் எனக்குத் தோனுது.  காந்தி தப்பே செய்யவில்லை! அவரு செய்ததெல்லாம் “சரி”னெல்லாம் நான் சொல்லமாட்டேன்.

பொதுவாக, காந்தி பற்றி அமெரிக்கர்களுக்கு மிகவும் நல்ல கருத்துத்தான் இருக்கு. காந்தியின் அஹிம்ஸை போராட்டத்தை எல்லோருமே பெருசாத்தான் சொல்றாங்க. கத்தியின்றி ரத்தமின்றை இப்படியும் போராடலாம்னு  உலகுக்கு எடுத்துக்காட்டிய பெரிய மஹான் என்றுதான் காந்தியை எல்லாரும் நெனைக்கிறாங்க. கருப்பர்களின் முன்னேற்றத்துக்குப் போராடிய எம் எல் கே ஜூனியர், காந்தியின் அனுகுமுறையைத்தான் எடுத்துப் போராடி வென்றார். அவருக்கு, காந்திக்குக் கொடுக்கப்படாத அமைதிக்கான நோபல்ப் பரிசும் வழங்கப்பட்டது. மற்றபடி காந்தியின் அஹிம்சைப் போராட்டம் எனக்கும்  பிடிக்கும்.

காந்தியிடம் இருந்த விவாதத்திற்குரிய குறைகள் நெறையாவே இருந்து இருக்கலாம்.  நான் அதை மறுக்கவில்லை!

நான் கேள்விப்பட்ட சில குற்றச்சாட்டுகள்..

* அரிஜன்னு தாழ்த்தப்பட்டவர்களை சொன்னதே தப்புனு பலர் விமர்சிக்கிறாங்க. இன்னைக்கு, நீங்க அந்தக் கால கட்டத்திற்கு போனால், அதை தப்புனு சொல்ல முடியுமானு தெரியலை.

* காந்தி கொஞ்ச வயது பெண்களை படுக்கையில் வைத்து தன் உணர்ச்சிகளைப் புரிஞ்சிக்க நெறையா ஆராய்ச்சியெல்லாம் செய்தார்னு குற்றச்சாட்டுகள் உண்டு.

* கோட்சே அவரைக் கொன்னது சரினுகூட இந்துவெறியர்களும் சில முட்டாள்ப் பார்ப்பானுகளும் சில காரணங்களைக் காட்டி சொல்வதுண்டு.

* உயர்சாதியில் பிறந்த காந்திக்கும், பாதிக்கப்பட்ட தாழ்த்தப்பட்ட வகுப்பைச் சேர்ந்த அம்பேத்காருக்கும் நெறைய கருத்து வேறுபாடுகள் இருந்துச்சுனு வேற சொல்றாங்க.

ஆமா, தமிழச்சி தங்கபாண்டியனுக்கு அமெரிக்கா  வந்து பேச காந்தியைத் தவிர வேற விசயமே இல்லையா? அமெரிக்கவாழ் தமிழர்களிடம் இவரு காந்தியைப்பத்தி மட்டமா விமர்சிச்சு என்னத்தை கிழிக்கப் போறாரு னு தெரியலை. அது ஏன் தெரியலை, பொதுவாக நம்ம மறத்தமிழர்கள்னு சொல்லிக்கிறவங்க எல்லாருமே காந்தியை கெட்டவராவே காட்டனும்னு மல்லுக்கட்டிக்கிட்டு நிக்கிறாங்க.

எது எப்படியிருந்தாலும், என்னைப் பொருத்தவரையில் கடல் கடந்து அமெரிக்கா வந்து, காந்தியின் குறைகளை தேடிப்பிடித்து அவர் மேல் அவதூறு செய்தது, இந்தம்மா தமிழச்சி தங்கபாண்டியனின்  மிகப்பெரிய முட்டாள்தனம். இவரு, காந்தியை அவமானப்ப்டுத்தினாரோ இல்லையோ, தன்னைத்தானே அவமானப்படுத்திக்கொண்டார்!

Nobody is perfect in the world including her. Why does she expect Gandhi to be an exception? Why can't she talk about herself and her weaknesses instead of Gandhi's? Is she flawless???