பதிவுலக நாட்டு நடப்பு மற்றும் குழப்பங்கள்!

* எடக்கு மடக்குத் தளத்தில் "பாகுபாடில்லாமல் எல்லாரையும்தான் நாங்க கடுமையாக விமர்சிக்கிறோம்" என்பதுபோல் நண்பர் கேபிள் சங்கரோட பதிவுகள் சமீபத்தில் மகுடத்தில் ஏறுவதை கடுமையாக விமர்சிப்பதுபோல ஒரு பதிவு! இந்தப் பதிவு அவருக்கு மேலும் புகழ் சேர்க்குதேயொழிய அவரையோ அவர் தளத்தையோ இழிவு படுத்தவில்லை என்பது  புரியாத "முத்தால் பையனா" என்ன நாம் எல்லாம்?

* அனானியாகவும் மற்றும் ஒரு ஒரிஜினல் ஐ டி யாகவும் ஒரே நபர் வருவது குழப்பத்தை உண்டாக்குதுனு உண்மையை எடுத்துச்சொன்னால் அதற்கு விளக்கம் கொடுக்கிறேன் என்று  நொண்டிச் சாக்கு வேற! சரி, நண்பரே, "லாக் இன்" செய்யாமல்  நீங்க வந்ததால அப்படி செய்தேன் என்கிற விளக்கம் சரி. ஆனால், அனானி  பின்னூட்டத்தின் முடிவில், -நீங்க இன்னாருனு உங்க பேரை (கையொப்பம் இடுவதுபோல) எழுதினால் குழப்பம் தீருமே! அது அவ்வளவு கஷ்டமா என்ன? நீங்க என்னதான் "நான் நியாயஸ்தன்" என்று  பூசி மொழுகினாலும் நீங்க  எல்லாரையும் குழப்புறீங்க என்பதென்னவோ மறுக்க முடியாத உண்மை.

* தமிழ்மணத்தில் சூடான இடுகைகள் இடம்பெறுவது "தலைப்பைப் பொருத்தே", பதிவின் தரத்தையோ, அல்லது பதிவில் உள்ள விசயத்தை பொருத்து அல்ல என்கிற பிரச்சினையை சரி செய்ய எவ்வளவோ தமிழ்மணம் முயன்றும், அதில் இன்னும் முழுமையான வெற்றியடையவில்லை என்பதை அனைவரும் அறிவோம்! இப்போ அந்தப் பிரச்சினை போதாதென்று, வாசகர் பரிந்துரையும், மகுடப்பதிவும் பல கள்ள ஓட்டுகளாலும், இன்னொருவரை கவிழ்த்த வேண்டுமென்றே ஒருவரை வம்புக்குனு தூக்கிவிடுவதென்ற பொறுப்பில்லாத பதிவர்களின் சிறுபிள்ளைத்தனத்தாலும் பல குழப்ப நிலைக்கு உள்ளாகி, இதற்கு என்ன தீர்வு என்று சொல்லமுடியாத நிலையில் நிற்கிறது! :(

* ஈழத் தமிழர்கள் பல இன்னல்களுக்கு ஆளானவர்கள். அவர்களையும் அவர்கள் விடுதலைக்காக போராடிய தலைவர்களையும் எதற்காகவோ, யாருக்காகவோ, பழிக்குப் பழி வாங்குவது என்று சில தமிழ் இஸ்லாமியப்பதிவர்கள் அவர்களை பதிவெழுதித் தாக்குவது, தேவையில்லாதது, அர்த்தமற்றது. என்னதான் நீங்க பேசினாலும், எழுதினாலும், ஈழத்தமிழர்கள்போல் தமிழ்நாடில் வாழும் நீங்கள் எந்தவகையிலும் பெரிதாக எதையும் இழக்கவில்லை, உயிர்ச்சேதம் அடையவில்லை என்பதை மறக்க வேண்டாம்! சொல்லனும்னு தோனுச்சு. சொல்லிட்டேன். மற்றபடி உங்கள் இஷ்டம்!