பின்னூட்டப் பிரச்சினை! UNMAIKALum, உண்மைகளும்!

முருகன் துணை! உ (பிள்ளையார் சுழி) போட்டு ஆரம்பிக்கிறேன்! பதிவுலகக் கண்மணிகளே! நம் பதிவுகளில் "UNMAIKAL" என்கிற ஒரு பதிவரும், இப்போது "உண்மைகள்" என்னும் அவரை பழிவாங்கவே உருவான இன்னொரு பதிவரும் ஒரே அட்டகாசம் செய்றாங்க! இவங்க, பதிவுக்கு சம்மந்தம் இருக்கோ இல்லையோ ஒரே நேரத்தில் பல பின்னூட்டங்களை "ரெடி மேட்" ஆக தயாரித்து வைத்து எல்லாப் பதிவிலும் ஒரே பின்னூட்டங்களைப் போயி கொட்டுறாங்க.

இந்த  UNMAIKAL என்கிற பதிவர் இடும் பின்னூட்டங்களை நான் பொதுவாக பிறதளங்களில் வரும்போது வாசிப்பதில்லை. கடந்து போய்விடுவேன். இதை வெளியிடும் தளத்திற்கும் நான் அறிவுரை எல்லாம் சொல்வதில்லை! அவங்க தளம், அவங்க இஷ்டம். நமக்கென்ன? னு  இவர்களைப் பற்றி விமர்சிக்காமலே போயிடுறது. என் தளத்தில் அதுபோல் பின்னூட்டம் வந்தால் அதை அகற்ற வேண்டுமென்றுதான் எண்ணியிருந்தேன். இந்தத் தொல்லை எதுவும் சமீபத்தில் வரவில்லை!

இப்போ இந்த UNMAIKAL பின்னூட்டங்களை பழிவாங்க வென்றே "உண்மைகள்"னு ஒரு பதிவர் கெளம்பியிருக்காரு. UNMAIKAL பொதுவாக இந்துமதவாதிகள், புலிகள் ஆதரவாளர்கள் போன்றவர்கள் முகத்தில் சேற்றை வாரி எறியவே இந்தப் பின்னூட்டங்களை இடுவார்- அதில் உண்மைகளும் இருக்கலாம்தான். இப்போ இந்த "உண்மைகள்" இஸ்லாமியர்களை இழிவுபடுத்தவே இதுபோல் "ரெடிமேட்" பின்னூட்டங்களிடுகிறார்- இதிலும் உண்மைகளும் இருக்கலாம்தான்.  

இதுபோல் பின்னூட்டங்கள் யாருடைய தளத்துக்கும் உதவுதா என்னனு தெரியலை. என் நிலைப்பாட்டை நான் தெளிவா சொல்லிடுறேன். என்னைப் பொறுத்தமட்டில் இது ரெண்டுமே பதிவுலகில் தேவையில்லாத உபத்திரவங்கள்னு தாழ்மையா என் கருத்தை சொல்லிக்கிறேன்!

 இது தவிர, ஒரு சிலர் நம் பதிவுக்கு வந்து பின்னூட்டமிட்டுவிட்டு அவர்களுடைய பதிவுக்கு தொடுப்பும் கொடுப்பார்கள். இவர்கள்  இப்படி செய்வதின் காரணம் இவர்கள் நேரம் செலவு செய்து எழுதிய பதிவை பலர் வாசிக்கவேண்டும் என்கிற எண்ணமே! இதை எப்படி எடுத்துக்கொள்வது என்பது பதிவரைப் பொறுத்து. எனக்கு இதுபோல் பின்னூட்டங்கள் வரும்போது அதை அப்படியே விட்டுவிட்டு, முடிந்தால் அவர் தொடுப்புக்கொடுத்த அவர் பதிவுக்குப் போவேன். இல்லையெனறால் "வருகிறேன்" என்பதோட முடிந்துவிடும்.

நன்றி,  வணக்கம்!