என்னங்க எந்திரன் இப்படி ஆகிப் போச்சு?!

எந்திரன் படம் வருவதற்கு முன்பே அதற்கெதிராக பொய்ப் பிரச்சாரம் செய்து கொண்டு திரிந்த பதிவர்களின் முகத்தில் அறைவதுபோல் படம் வந்து இருக்கு! ஆமாங்க நானும் படம் பார்த்துவிட்டேன்! எந்திரனை கரிச்சு க் கொட்டியவர்களுக்கெல்லாம் செம ஆப்புதான் போங்கோ!

குறை சொல்லனும்னு எந்திரன் எந்திரன்னு தூக்கமில்லாமல் திரியும் சில வயித்தெரிச்சல் கோஷ்டிகளும் தேடித் தேடி கஷ்டப் பட்டு எதையாவது பிடிச்சுத்தான் குறை சொல்ல முடியும்! அதிலும் ரஜினியைக் குறை சொல்வது ரொம்ப ரொம்ப கஷ்டம்!

எந்திரன் படத்தைப் பற்றி சில சிறப்பம்சங்களை மட்டும் இங்கே தருகிறேன்.

* ஏர் ஆர் ரகுமானின் இசை ரொம்ப ரொம்ப ரொம்ப நல்லா வந்து இருக்கு! பாடல்களிலும் சரி, பேக்-க்ரவுண்ட் இசையும் சரி! ஸ்லம் டாக் மில்லியனருக்கு பதிலா இதுக்கு ஆஸ்கர் கொடுத்து இருக்கலாம்! ரசூல் பூக்குட்டிக்கும் பாராட்டுக்கள்!

* சங்கர், ஒரு சயண்ஸ்-ஃபிக்ஷன் கதையை சாதாரண மக்களுக்குக் கூட புரியும்படி அழகா எடுத்து இருக்கிறார்.

* இந்தப் படத்தில் ரஜினிக்கு பஞ்ச் டயலாக் கெடையாது!

* ரஜினி சிகரெட் குடிக்கலை, தண்ணி அடிக்கலை!

* நெசமாவே ரஜினி, "ரஜினி"யாகவே வ்ரவில்லை! ஒரு நடிகனாக, அந்தக் கேரக்டர்களாக்த்தான் வந்து அழகா நடித்துவிட்டுப் போகிறர்ர். அதாவது முள்ளும் மலரும் காளி போலதான் இங்கே வருகிற வசீகரனும், சிட்டியும்! [உலகநாயகனே! னு நம்ம கமல் கதைக்கு சம்மந்தம் இல்லாத சுயசொறிதல் பாட்டு வரிகள் வருவதுபோல பாடல்கள் எதுவும் இதில் இல்லை!.]

* ரஜினி, மூன்று வேடங்களிலும் (விஞ்ஞானி, ரோபாட்-ஹீரோ, ரோபாட்- வில்லன்) தன்னை வித்தியாசப் படுத்தி அம்சமாக நடித்துள்ளார். இந்தப் படத்தில் ரோபோ ரஜினி நடிப்பை பாராட்டாதவன் மனசாட்சியே இல்லாத கேவலமான ஒருவன் னு அடிச்சு சொல்லலாம்!

* இன்னொன்னு, ரஜினியைவிட எந்தக்கொம்பனும் இந்த கேரக்டரை இவ்வளவு சிறப்பா செய்து இருக்க முடியாது என்று நான் சொல்லல, எல்லா விமர்சகர்களும் சொல்லியிருக்காங்க!

*இணையதளத்தில் இதுவரை வந்த விமர்சனங்கள் எல்லாமே "பாசிட்டிவா"தான் வந்திருக்கு (>90%). குறைந்தது மூன்று ஸ்டார்களாவது கொடுத்துள்ளார்கள்.

* இன்னொரு விசேஷம், சிறுவர்/சிறுமியர் பெண்கள் எல்லோரும் சேர்ந்து உக்காந்து ரசித்துப் பார்க்க முடியும் என்பதுபோல் "அசிங்கமில்லாமல்" படம் வந்திருக்கு.

* தமிழ் சினிமாவில் மட்டும் இல்லை, இந்திய சினிமாவில் இதுபோல் ஒரு டெக்லிக்கல் எக்ஸலென்ஸ் இதுவரை வந்ததில்லை!

* ரத்னவேலுவின் ஒளிப்பதிவு பாடல்கள் மற்றும் சண்டை காட்சிகளில் நல்லா வந்திருக்கு!

* தேவை இல்லாத வயலெண்ஸ் எதுவும் இல்லைங்க இந்தப் படத்தில்!

* ஐஸ்வர்யா ராய் வரும் எல்லாப்பாடல்களிலும் நடனத்தையும். இவர் நடிப்பையுமே ரசிக்க முடியுது. ஓவராக்ஷன் இல்லாமல் அழகா வந்து நடித்துவிட்டுப் போகிறார். She is certainly hot!

* ஹிந்தி, தமிழ், தெலுகு எல்லாவற்றிலும் வந்த விமர்சனங்கள் எல்லாமே ரஜினியை வானலாவ புகழ்ந்து இருக்கிறது.

* அமெரிக்காவில் முதல் 3 நாட்களில் கலக்சன் 2.1 மில்லியன் டாலராம்! இந்த கலக்சன் சாருக் கானுடைய மை நேம் இஸ் கானின் சாதனையை முறியடிக்கிறது

* மலேசியாவில் முதல் மூனு நாட்கள் கலக்சன் 1 மில்லியன் அமெரிக்க டாலர்களாம்! இதுவும் புதிய சாதனை!

* இங்கிலாந்து நாட்டில் முதல் நாள் கலக்சன் மட்டும் 50,000 ஸ்டெர்லிங் பவுண்ட்ஸ். வீக் எண்ட் கலக்சன் இன்னும் வரவில்லை!

* ஹிந்தியில் ரோபோ முதல் 3 நாள் கலக்சன் 8 கோடியாம்! இது பெரிய சாதனை இல்லையென்றாலும், பரவாயில்லைனு சொல்றாங்க!

* சென்னையில் முதல் 3 நாள் கலக்சன் 2 கோடிக்கு மேலே! இதுவும் புதிய சாதனை!

* ஆந்திராவில், ஹைதராபாத் ஏரியாவில் மட்டும் (64 திரையரங்குகளில் அரங்குநிறைந்த காட்சியாக ஓடி) 4 கோடி கலக்சன், முதல் மூனு நாட்கள் கலக்சன். இந்தப் படம் தெலுகு மொழியில் சந்தேகமே இல்லாமல் ஒரு ப்ளாக் பஸ்டர்தான்!

படத்தில் குறைகள் இல்லாமல் எப்படி இருக்கும்? குறைனு சொல்லப் போனா, உங்களுக்கு பிடிக்காத அனிமேசன் மற்றும் ஸ்பெஷல் எஃபக்ட்ஸ்! ஆனால் உங்களுக்குப் பிடிக்காத இவைகள், உங்கள் குழந்தைகளுக்குப் பிடிக்கும்! ஒரு சில காட்சிகளில் விஞ்ஞானி ரஜினியை குறைத்த தாடியுடன் காட்டி இருக்கலாம்!

மற்றபடி ஒரு தமிழ்ப் படம் சாதனை மேல் சாதனை படைத்து வருகிறது. இந்தப் படத்தைப் பாராட்டலைனாலும் பரவாயில்லை, கரிச்சுக் கொட்டிக்கிட்டு இன்னும் லூசாவே எதையாவது ஒளறிக்கிட்டுத் திரிகிறார்கள் ஒரு சிலர்! அது அவன் தலையெழுத்துனு போக வேண்டியதுதான்!

எந்திரன் சாதனைகளை இன்னும் கொஞ்ச நாட்களில் மறுபடியும் பார்ப்போம்! :)