பிக் பாஸ்! தமிழர்கள்னு ஒரு உறவு?

ஒரு வருடம் முன்னால எனக்கு திடீர்னு ஞானோதயம் வந்தது. எந்நேரமும் என்னப்பா சீரியல்னு இந்த இழவையெல்லாம் போட்டு கொல்றானுகனு விஜய் சன் போன்றவற்றை திட்டிக் கொண்டே இருந்தேன். கொஞ்சம் யோசித்துப் பார்த்தால், நம்மதானே காசு கொடுத்து இந்த இழவையெல்லாம் சப்ஸ்க்ரைப் பண்ணுறோம்?னு இந்த மரமண்டைக்கு புரிய ஆரம்பிச்சது, அதோட சன், விஜயோட சேர்த்து பிக் பாஸையும் புதை குழிக்கு அனுப்பியாச்சு.

இப்போ இந்த தமிழ் சேனல்கள் இல்லாமல், பொழுது போகாமல் கஷ்டப் படுறேனா?  உள்ள வேலைகளைப் பார்க்கவே நேரத்தைக்காணோம்? நல்ல வேளை தப்பிச்சோம்னு இருக்கு.

இதுபோல் பல பிரச்சினைகளுக்கு தீர்வு நம்மிடம் இருக்கிறது என்பதை நாம் (நான்) பல நேரங்களில் யோசிப்பதில்லை. சும்மா தேவையில்லாமல் நமக்குப் பிடிக்காததை  பல நேரங்களில் கட்டி அழுகிறோம்.

பிக் பாஸை ரசித்துப் பார்ப்பவர்களை எல்லாம் விமர்சிக்கிறது தவறு. அவர்கள் ரசனைக்கு அது தீணியாக இருந்தால்.. Why not?

-------------

மொழிக்கு அப்பாற்பட்டு  நட்புறவுக்கு ஒத்த சிந்தனைகள் மிக  மிக அவசியம்

புதிதாக ஒரு தமிழர் அறிமுகமானார். புதியவர் என்பதால் முதலில் கொஞ்சம் உதவி செய்தேன். ஓரளவுக்கு செட்டில் ஆகிவிட்டார். அவரோட பேசும்போது கொஞ்சம் கொஞ்சம் அவர் ரசனை, வீக்னெஸ், ஆசை எல்லாம் புரிய ஆரம்பித்தது. ஒருவரோட பழகனும்னா கொஞ்சமாவது நம் ரசனை, நாம் எதை முக்கியம்னு நினைக்கிறோம், நம் பொழுதுபோக்கு இதில் ஏதாவது ஒத்துப் போகனும். எல்லாமே எதிரும் புதிருமாக இருந்தால், தமிழராக இருந்தாலும் கட்டி அழறது கஷ்டம்- எனக்கு. அது தமிழராக இருந்தாலும் சரி, உங்க நெருங்கிய உறவினராக இருந்தாலும் சரி. யாருக்கு வேணா நம்மால ஆன உதவி ஓரளவுக்கு செய்யலாம், ஆலோசனை சொல்லலாம். ஆனால் உக்காந்து ஒரு 10 நிமிடம் ஒருவருடன் பேசனும்னா, கொஞ்சமாவது ரசனை, சிந்தனைகள் ஒத்துப் போகனும். நான் புரிந்து கொண்டது, மேற்படியாரின் ரசனை என் ரசனைக்கு கம்ப்ளீட் ஆப்போசிட் என்பது. என்னடா இது வம்பாப் போச்சுனு கொஞ்ச நாளில் நான் ஹலோ வோட அவரிடம் இருந்து ஒதுங்கிக்கிட்டேன். பார்த்தாலும் அவரிடம் பேசுவதைத் தவிர்த்து விடுவேன். பாவம், அவருக்கு என்னனு புரியமாட்டேன் என்கிறது. என்னடா இவன் நல்லா உதவிலாம் செஞ்சான். இப்போ என்னடானா ஒதுங்கி ஓடுறான்னு குழம்புகிறார். நேரிடையாக சொல்லிடலாம்தான். இல்லங்க உங்க ரசனையும், உங்க சிந்தனைகளும் வேற மாதிரி இருக்குனு சொல்லிடலாம்தான். இதை எல்லாம் சொல்லித்தான் அவர் தெரிஞ்சுக்கனுமாக்கும்? இதெல்லாம அவரா புரிஞ்சுக்கனும். For me, it is very important. கொஞ்சமாவது சிந்தனைகள் ஒத்துப் போகனும் அப்போத்தான் யாருடனும் கொஞ்சமாவது பழக முடியும். மற்றபடி எனக்கு அவர் மேலே எந்தக் கோபமோ, அல்லது வருத்தமோ கிடையாது. என்னால அவரோட பழக முடியாது.  நான் என்ன சொல்றேன்னா, அவர் அவர் சிந்தனையை ஒத்து சிந்திக்கும் நண்பர்களுடன் பழகனும். This is a big world. He can find many people who have the same "wavelength" as "his". என்னை விட்றனும்.

 

அவரிடம் இதை சொல்லப் போவதில்லை. உங்களிடம் ஏன் சொல்றேன்னா.. நீங்களும் "அவரைப்போல்" யாரு உயிரையாவது வாங்காதீங்க னு சொல்லத்தான்.

 


----------

ரசனை, கடந்தவார ஸ்டாக் மார்க்கட், அன்னையர் தினம்!

கீழே படத்தில் உள்ள ரெண்டு படங்களில் இவங்க ரெண்டு பேருமே செலிப்ரிட்டிகள்தான். பலரால் ரசிக்கப் படுகிறவர்கள்தான். ஆனால் எல்லாரையும் எல்லாராலும் ரசிக்க முடியாது. ரசனை என்பது ஒவ்வொருவருக்கும் வேறமாதிரித்தான் இருக்கு. மற்றவர்கள் ரசனை பத்தி எனக்குத் தெரியாது. என் ரசனை பத்தி, அதான் நான் ரசித்தது பத்தி  சொல்லுறேன்.

ஒருத்தரைப் பார்த்தால் பிடிக்கிது இன்னொருத்தரைப் பார்த்தால் கொலவெறி வருது.

சன் டிவி சண்டே கலாட்டா தேவதர்ஷினி! ரொம்பப்பிடிச்ச செலிப்ரிட்டி! அந்த அண்ணனை இப்போதைக்கு ஃப்ரியா விடுங்க!

விஜய் டிவில வரும் இவனைப் பார்த்தாலே எனக்கு கொலைவெறிதான் வரும்! இவன் வாயைத் திறந்தால் கேட்கவே வேணாம்.

உங்க முதல் தியரி..

அவ (தேவதர்ஷினி) ஒரு பொண்ணு,  நீ ஒரு ஆணு, அப்படி இப்படினு ஏதாவது தியரி விடாதீங்கப்பா. அதெல்லாம் ஓரளவுக்குத்தான் இன்ஃப்ளுவெண்ஸ் பண்ண முடியும். அதுவே முழுமையான காரணம் இல்லைனு நான் நம்புகிகிறேன். ஏன்னா டி வி ல செலிப்ரிட்டியா வர்ர அழகான எல்லாப் பொண்ணுங்களையும் நான் ரசிப்பதில்லை.

என்ன என்ன? தேவதர்ஷினி பொண்ணு இல்லை, ஆண்ட்டியா?? நான் இந்த விவாதத்துக்கு வரலை. :)))

உங்க அடுத்த தியரி என்ன?

 உனக்கு சன் டிவிதான் பிடிக்கும்போல.. விஜய் டி வி பிடிக்காதுபோல.. அதுவும் உண்மை இல்லை. நான் அதிகமாகப் பார்ப்பது விஜய் டி வி தான். சன் இல்லை.

என் ரசனை அப்படி, அவ்வளவுதான்.  This guy annoys me but Devadharshini can not annoy me even if she tries hard.

*******************

ஸ்டாக் மார்க்கட்:

போன வாரம் ட்விட்டர் (TWTR)  மேலே இருந்து ஒரு 22-26 % கீழே போயி பாதாளத்தில் விழுந்துவிட்டது. அதைத் தொடர்ந்து LNKD மற்றும் yelp போன்ற சமூக வலைதள ஸ்டாக் மார்க்கட்  பாதாளத்தில் விழுந்துவிட்டது. முகநூல் அந்தளவுக்கு பாதிக்கப் படவில்லை.

இந்த ஷேர்ஸ் வாங்கி வைத்திருந்தவர்கள் நிலைமை கஷ்டம்தான். YELP மட்டும் மேலே வந்துவிட்டது. ட்விட்டர், லின்க்ட் இரண்டும் இன்னும் பாதாளத்தில்தான் இருக்கு.

*************************

இன்று அன்னையர் தினம்:

மேலே உள்ள படம் நான் வரையவில்லை! திருடியது