Tuesday, September 20, 2016

பசி பரமசிவம் சார்!

என்ன சார் உங்க தளம் ரீடர்ஸ் ஒன்லி ஆயிடுச்சு? ஒரு ஆறு ஏழு வருடமாக வலைபதிவில் நீங்க எழுதுறீங்க. கடவுள் மறுப்புக் கொள்கை, சிறு கதை மற்றும் தமிழர்களுக்காக குரல் கொடுக்கும் பதிவுகள் எழுதுறீங்க. உங்க கருத்துக்களை ஆணித்தனமாக சொல்றீங்க. ஆனால்  பல முறை உங்க பதிவுகளுக்கு பின்னூட்டம் இட வழியில்லாமல் செய்துவிடுறீங்க. இப்போ என்னனா பதிவையே வாசிக்க முடியாத அளவு ஆக்கிவிட்டீங்க. எனக்கென்னவோ நீங்க ரொம்பவே உணர்ச்சி வசப்படுறீங்க, பதிவுலகில் ஏற்படும் கருத்து வேறுபாடுகளை பர்சனலாக எடுத்துக்குறீங்கனு தோனுது. நான் உங்களுக்கு அறிவுரை எல்லாம் சொல்லத் தகுதியில்லாதவன். ஆனால், நீங்க எளிதாக எடுத்துக்கொள்வது நல்லது. பதிவுலகில் நல்ல நண்பர்களிடமும் கருத்து வேறுபாடு வரும், அவர்களும் எரிச்சல் தரும் பதிவெழுதுவாங்க! ஒரு சில நேரம் நாம் மட்டும் தனியாக நின்றுதான் நம் கருத்தை சொல்ல வேண்டி வரும். இதையெல்லாம் நாம் சாதாரணமாக எடுத்துக்கொண்டு நம் கருத்தை சொல்லிவிட்டு போய்க்கொண்டே இருக்கணும். நாம் உண்மையை மட்டும் சொல்லும் பட்சத்தில் நம் எழுத்துக் காலத்தால் அழியாது. 100 வருடம் சென்று நம் பதிவை வாசிப்பவர்கள் நம்மை ஞானி என்பார்கள். இன்றைய மக்களுக்காக நீங்க எழுத வேண்டியதில்லை. காலத்தால் அழிக்கமுடியாத உண்மையை எழுதுங்க! ஆணித்தமனமாக்! மற்றவற்றைப் பற்றி நீங்க கவலைப்பட வேண்டியதில்லை! நன்றி சார். :)




Friday, September 16, 2016

காவிரியும் தமிழர்களின் உலகமகா ஒற்றுமையும்!

தமிழனுகளுக்குள்ள நூத்தி எட்டு சாதி! பார்ப்பனர்கள், உயர் சாதி தமிழர்கள், ஆண்ட பரம்பரைனு சொல்லிக்கொண்டு அலைபவர்கள், தலித்கள், தலித்களிலே மைனாரிட்டியாக இருக்கும் பரிதாபத்துக்குரியவர்கள்! இவர்களுக்குள் எந்த ஒற்றுமையும் கெடையாது. ஒரு சாதில உள்ள பெண் இன்னொரு சாதியிலே உள்ளவனை காதலிச்சா, அப்பா தற்கொலை பண்ணி சாவான், இல்லைனா மகளை எரிச்சுடுவானுக. அப்போ எல்லாம் தமிழச்சிதான் அந்தப் பெண் நாம் தமிழர் என்கிற உணர்வுமிருக்காது, ஒரு மண்ணாங்கட்டியும் இருக்காது.

இப்போ காவிரி பிரச்சினை என்றவுடன் தமிழனை அடிக்கிறாங்க! கன்னடிகாக் களை திருப்பி அடிக்கணும்னு இவர்களிடம் என்ன ஒரு ஒற்றுமை!! இதே ஒற்றுமை எந்த ஒரு பிரச்சினையும் இல்லாதபோது தமிழர்களிடம் இருந்தால் இவனுகளை மதிக்கலாம்.

இது  போதாதுனு "நாம் தமிழர்" போராட்டத்தில் ஒரு இளைஞன் தீக்குளிச்சு செத்து இருக்கான். பாவம் அவனை பெற்றவர்கள், உறவினர். ஆமா, காவிரித் தண்ணி வந்துவிட்டால் இவன் வீட்டில் தினந்தோரும் தீபாவளியா என்ன?

கன்னடிகா கலவரம் பண்ணினால், அடாவடித்தனம் பண்றவர்களை சட்டம்தான் உள் நுழைந்து தமிழர்களை காப்பத்தணும். மாநில அரசாங்கம், அல்லது மத்திய அரசாங்கம். அதை விட்டுவிட்டு தமிழ்நாட்டில் கன்னடிகாவை அடிச்சா, கர்நாடகா பங்களூரில் வாழும் தமிழர்களுக்குத்தான் இன்னும் சிரமம். அதைத்தான் சாதிக்கப் போறீங்க.

தமிழர்கள் ஒற்றுமை என்றாலே செம கமெடிதான்!

நீ என்ன அமெரிக்காவில் இருக்கனு வந்து எதாவது சொல்லிக்கிட்டு இருக்கக் கூடாது! நானும் பங்களூரில் வாழ்ந்து இருக்கேன். இதேபோல் காவிரி பிரச்சினையின்போது தமிழர்களை அவர்களை அடிக்கும்போதும் தான். நம்ம சீமான் மாதிரி தமிழ்நாட்டில் ஒரு மூலையில் உக்காந்து கொண்டு வீரம் பேசுறவன் இல்லை நான். புரியுதா?

Wednesday, August 31, 2016

மறுபடியும் ரஞ்சித் கைவண்ணத்தில் தாழ்த்தப்பட்டவராக ர*ஜ*னி*?!

கபாலி ஆரம்பமானபோது இதென்ன ஒரு லோபட்ஜெட் படம்..என்னத்த தேற? என்பது போலிருந்தது. தாணுவின் கில்லாடித்தனத்தால் ஹைப் அதிகமாகி மிகப்பெரிய ஓப்பனிங் பெற்று ஒரு வழியாக வெற்றிப்படமாகிவிட்டது.

கபாலி கபாலினு ஒரு வயழியாக ஆடி அடங்கி, அடுத்து 2. பாயிண்ட் ஓ தான் என்று இருக்கும்போது, மறுபடியும் ரஞ்சித்துடன் இணைவதாக அதிகாரப்பூர்வ்மான செய்தி.

தேவையானபோது தங்கள் வசதிக்கு எல்லாம் ஃபிக்‌ஷன். படத்தைப் படமாப் பார்க்கணும் என்றெல்லாம் சப்பை கட்டுபவர்கள் நம்மில் பலர் உண்டு. பல படங்களில் ஆதிக்க சாதியினர் எல்லாரும் அவர்கள் பெருமை பேசி ரசித்துத் தீர்த்துவிட்டார்கள். ஒலகநாயகரின் சபாஷ் நாயுடு கூட பெருவாரியான மக்களின் ஒரு சாதி அடையாளம்தான். சிறுபான்மையினர் பிரச்சினையை ஒலகநாயகர்கூட இதுவரை முன்வைக்கவில்லை!!

மதுரைவீரன் படத்தில் எம் ஜி ஆர் தாழ்த்தப்பட்டவராக நடித்ததாக சொல்வார்கள். ஆனால் வீரன் மாறுகால் மாறுகை வாங்கப்படுவான்.

 சவாலே சமாளியில் சி வா ஜி தாழ்த்தப்பட்டவராக நடித்ததாகக்கூட சொல்வார்கள். அதையும் அதில் பூடகமாகத்தான் சொல்லப்பட்டது எனலாம்.

"புதியதல்லவே தீண்டாமை என்பது! புதுமை அல்லவே அதை நீயும் சொன்னது"னு ஒரு பாடல்வரி அதில் உண்டு!

ஆனால் யாருமே அவர்கள் பிரச்சினைகளை ஒரு ஹீரோவாக நடித்து முன்வைத்து வெற்றியடைந்ததாக காட்ட மாட்டார்கள்.

அதே சமயத்தில் சி வா ஜி ஆதிக்க சாதியைச் சேர்ந்தவராக பல படங்களில் நடித்துள்ளார் என்பதை யாரும் மறுக்க முடியாது.

அவரவர் பிரச்சினைகள், அவர்வர் படும் இன்னல்கள் எல்லாம் பட்டவர்களுக்குத்தான் தெரியும்.

தாழ்த்தப்பட்ட வகுப்பிலிருந்து இப்படி ஒரு ரஞ்சித் என்னும் திறமையுள்ள இயக்குநர் தன் முயற்சியால் முன்னேறி வந்துள்ளது முதலில் நாம் அனைவருமே சந்தோசப்பட வேண்டிய விடயம்.

மேலும் அவர்கள் பிரச்சினையை முன்வைப்பதற்கு இது ஒரு மிகப்பெரிய வாயப்பு அல்லது சந்தர்ப்பம். அதுவும் ஒரு மிகப்பெரிய ஸ்டாரை வைத்து முன்வைப்பது அதைவிட சிறப்பு- பலரையும் சென்றடைய வாய்ப்பு. சும்மா ஒரு லோ பட்ஜெட் படம் எடுத்து டி வி சீரியல் மாதிரி விடுவதைக் காட்டிலும் பெரிய ஸ்டாரை வைத்து எடுத்தால் உலகலவில் பலரையும் சென்றடையும்.

பெண்களை நாம் அடிமைப்படுத்தி அநியாயம் பண்ணியிருக்கிறோம் என்பதை எல்லா ஆண்மகனும் ஒத்துக்கொள்ளணும்.

அதேபோல் தாழ்த்தப் பட்டவர்கள் வாழ்க்கையை நாமும் தெரிந்ந்தோ தெரியாமலோ, சின்னா பின்னப் படுத்தியுள்ளோமென்பதை பார்ப்பனர்களும் ஆதிக்க சாதியினரும் முழுமனதுடன் ஏற்றுக் கொள்ளவேண்டிய தருணம் இது!

 Image result for kabali images


கபாலியில் நிச்சயம் தாழ்த்தப்பட்டவர்கள் பிரச்ச்சினைகளையோ, அவர்களும் வெல்லலாம் என்கிற ஒரு கருத்தையோ தெளிவாகவோ அல்லது அழுத்தமாகவோ  ரஞ்சித் முன்வைக்கவில்லை என்றே நான்  நினைக்கிறேன்.
இந்த இரண்டாவது வாய்ப்பிலாவது அதை ரஞ்சித் திறம்பட செய்வார் என நம்புவோம்.

ஆதிக்க சாதியினர் மற்றும் பார்ப்பனர்கள் எல்லாம் படத்தைப் படமாகவும், ஃபிக்‌ஷனாகவும் பார்க்க கற்றுக்கொள்ள வேண்டிய கட்டாயம். சில்லரைத்தனமாக சாதி வெறியுடன் இதில் முன்வைப்பதை அனுகாமல், தலித்கள் அவர்கள் படும் இன்னல்களை, மற்றும் அவர்களும் நம் எல்லோருக்கும் எல்லா வகையிலும் சமம்தான் என்று முன் வைக்கும் கருத்துக்களை ஒரு திறந்த கண்ணோட்டத்துடன் பார்க்க கற்றுக் கொள்ளுங்கள்.

It is about time to grow up, guys! And show the world that you are not stupid and ignorant anymore! And that you are really really civilized and open-minded!