வைரஸ் அட்டாக்! தமிழ் பதிவுலகம் சாகிறது! தமிழும் விரைவில் சாகும்!

தமிழ்மணத்திற்குள் நுழைந்தால் , "கல்லாப்பட்டி" "ஐ கிறுக்கன்" " அஞ்சனா, எம்" "சேகர் எஸ்" "ஈசன் ஈ" என்கிற வைரஸ்களின்   நூறு குப்பைகள்தான் நிறைந்து வழிகிறது. கமர்ஷியல் தளம் நடத்தும்  இந்த குப்பைப் பதிவர்கள் கொஞ்சம்கூட கூச்சமே இல்லாமல்  சுத்தமான வியாபார நோக்கில் எழுதும் குப்பைகளை ஐந்து நிமிடத்திற்கு ஒரு முறை அள்ளிக்கொட்டுகிறார்கள்.

திரைமணம் பற்றிக் கேக்கவே வேண்டாம்!

தமிழ் பதிவுலகில் நுழைந்த வைரஸ்களான  இவர்கள் ஆக்கிரமிப்பால் சமீபத்தில் தமிழ்மணம் திரட்டியின் தரம் பல மடங்கு குறைந்துள்ளது.

தமிழ்மண நிர்வாகிகளுக்கு என்ன பிரச்சினை என்று தெரியவில்லை,  இதுபோல் பதிவர்களை கொஞ்சம்கூட வடிகட்டுவதே இல்லை!

எந்தவித கட்டுப்பாடுமில்லாமல் மேற்படியார்கள் பதிவெழுதுகிறேன் என்று சொல்லி குப்பைகளை அள்ளிக் கொட்டிக்கொண்டே இருக்கிறார்கள்.

நிறைந்து வழியும் இப்பதிவர்களின் குப்பைப் பதிவுகளைப் பார்த்து தமிழ்மணத்திற்குள் நுழையவே பயம்மாக இருக்கிறது.

* தமிழ்மணம் இந்த வைரஸ்கள் தாக்குதலால் மிகவும் தரம் தாழ்ந்துள்ளது.

* பொறுப்பற்ற நிர்வாகத்தால் தமிழ்ப் பதிவுலகம் இப்போதே வேகமாகச் சாவதுபோல் ஒரு பிரமை உண்டாகிறது.

* பாவம், தமிழ்  இன்னும் கோடானுகோடி ஆண்டுகள் வாழும் என்று ஒரு சிலர் கனவு கண்டுக்கொண்டு இருக்கிறார்கள்.

இதேபோல்,  தமிழ்த் திரட்டி நடத்துபவர்கள்  பொறுப்பின்மை தொடர்ந்தால், இந்த வைரஸ்களின் அட்டாக்கினால் தமிழ் நம் கண் முன்னாலேயே சாவதை நாம் பார்க்க முடியும்.

தமிழைக் கொன்ற பாவம் பொறுப்பற்ற தமிழ்மண நிர்வாகிகளையும் நிச்சயம் சேரும் என்பதில் யாருக்கும் சந்தேகம் இருக்கா?