"அசல்" அஜீத்தின் இன்றைய ஸ்டார் வால்யு என்ன?

நடிகர் அஜித், சமீரா ரெட்டியுடன் ஜோடியாக நடிக்கும் அசல் பாடலகள் ரிலீஸ் ஆகிவிட்டது. பாடல்கள் விமர்சனம் வந்துகொண்டு இருக்கின்றன. அசல் படத்தை சிவாஜி ஃபிலிம்ஸ் தயாரிக்க, வைரமுத்து பாடல்கள் எழுத பரத்வாஜ் இசையுடன், சரண் இயக்கத்தில் ரெடியாகி வருகிறது. ஆனால் இந்தப்படம், பொங்கலுக்கு வெளிவரும் ஆயிரத்தில் ஒருவன் (கார்த்தி), குட்டி (தனுஷ்), நாணயம், போற்களம் போன்றவைகளுடன் மோதவில்லை! அனேகமாக விஷாலின் தீராதவிளையாட்டுப்பிள்ளையும் அசலும் மோதும் என்று எதிர்பார்க்கப்படுகிறது

அஜீத்தின் இன்றைய ஸ்டார் வால்யு என்ன?

இவருடைய பில்லா நீண்ட நாளைக்குப் பிறகு பெரிய வெற்றிப்படமாக அமைந்தது. ஆனால், இவர் கடைசிப்படம் ஏகன் சரியாகப்போகவில்லை. இதனால் அசலின் வெற்றி அஜீத்துக்கு ரொம்ப அவசியம். இப்போதைக்கு ரஜினி, கமல், விஜய், சூர்யா வுக்கு அடுத்த இடத்தில்தான் அஜீத் இருக்கிறார். அஜீத்தின் ஸ்டார் வால்யு கொஞ்சம் மந்தமாகத்தான் இருக்கு. இவர் இந்த ஒரு நிலைமையில் மிகவும் கவனமான இருக்க வேண்டும். நல்ல படங்களை கவனமாகத் தேர்ந்தெடுத்து தொடர்ந்து வெற்றிப் படங்களை கொடுக்கனும். இல்லைனா அஜீத் நிலைமை கஷ்டம்தான்.

சமீபகாலமாக அஜீத், வருடம் ஒரு படம்தான் செய்கிறார். கடந்த 2009 ல் இவர் படம் ஒண்ணுகூட வெளிவரவில்லை! ஆனால் இவருக்கு தீவீர விசிறிகள் கோடிக்கணக்கில் உண்டு. இதுபோல் கோடிக்கணக்கில் விசிறிகள் உள்ளபோது ஏன் இத்தனை இடைவெளினு தெரியலை. தமிழ் சினிமா ஹீரோக்கள் எல்லாம் இப்போ ஹாலிவுட் சினிமா ஹீரோ மாதிரி ஆகிவிட்டாங்க. விக்ரம், அஜீத், விஜய் எல்லாம் ரொம்ப நிதானமாகத்தான் படம் வெளிவிடுறாங்க. ஆனால் இது நல்லதுக்கா கெட்டதுக்கானு தெரியலை.

சரி, இத்தனைநாள் இடைவெளியில் வருகிற அசல் முதல்ப் பார்வையில் எப்படி இருக்குனு பார்ப்போம்!

* இந்த "அசல்" என்கிற பேரே எதுவும் ரொம்ப கவர்ச்சியா இல்லை! எங்கே இருந்து பிடிச்சாங்கனு தெரியலை இந்தப்பெயரை! ஆனால் பேரைவச்சு படத்தை எடைபோட முடியாதுதான்.

* அஜித் ஒரு பெரிய கிருதாவுடன் வருவது என்னத்துக்குனு தெரியலை! அழகான அஜீத்தை இந்த வேஷம் கண்றாவியா காட்டுது. இந்த மாதிரி ஒரு "முகஅழகுடன்" இதுவரை நான் யாரையும் பார்த்ததில்லை!

* இன்னும் ஒரு ஸ்டில்ல பெரிய சுருட்டு ஒண்ண வேற குடிக்கிறார். இவர் சினிமால புகைபிடிப்பதை இன்னும் நிறுத்தலையா? இல்லைனா ராமதாஸ் நிலைமை மோசமா இருப்பதால் எல்லோரும் ஒரு தம்மை பத்த வச்சு அவரை சீண்டுறார்களானு தெரியலை!

ஏன்னு தெரியலை, எனக்கு இந்தப்படம் இதுவரைக்கும் நல்லாவோ, ஒரு அப்பீலிங்காவோ தோனலை. இந்த "வியேடான" கெட்-அப் எல்லாம் பார்க்கும்போது எனக்கு இது ஒரு ஏதாவது ஆங்கிலப்பட காப்பியா இருக்குமோனு தோனுது.

சரி, என்னுடைய இந்தப்பார்வை குருட்டுப்பார்வையாகப்போயி நான் நினைப்பது, இங்கே எழுதியது எல்லாமே தவறாகி, அசல் ஒரு வெள்ளிவிழாப்படமாக அஜீத்துக்கு அமையுனும், சிவாஜி ஃபில்ம்ஸ்க்கு இந்தப்படம் பெரிய வெற்றிப்படமாக ஆகி பலகோடி ரூபாய் இலாபத்தை அள்ளித்தரனும் என்பதுதான் என் ஆசை!

மறைந்த இதய நிபுணரின் இதயம், சிறுநீரகங்கள்!

இதய அறுவை சிகிச்சை நிபுணர் டாக்டர் கிருஷ்ண கோபால் (வயது 40) மதுரையில் அவர் வீட்டில் நடந்த ஒரு விபத்தால், தலையில் பயங்கரமாக அடிபட்டு, கோமா ஸ்டேஜ்க்கு போய்விட்டதால், அவர் மனைவி ஜெயப்ரியாவின் ஒப்புதலுடன் அவர் இதயம் கே எம் செரியன் ஃபவுண்டேஷன் மூலம் இன்னொருவருக்கு வழங்கப்பட்டது. இவருடைய இரண்டு சிறுநீரங்களில் ஒன்றை மதுரை மீனாக்ஷி மிஷன் ஹாஸ்பிட்டலுக்கும், இன்னொன்று திருநெல்வேலி கேலக்ஷி ஹாஸ்பிட்டலுக்கும் வழங்கப்பட்டுள்ளது.

இந்தச் செய்தியைப்படிக்கும்போது, ஒரு பக்கத்தில் நம்நாடு ஒரு பக்கம் கெட்டொழிந்து போய்க்கொண்டு இருந்தாலும் இன்னொரு பக்கத்தில் இதுபோல் நல்ல காரியங்கள் சாதாரணமாக நடப்பதை கண்கூடகப் பார்க்கும்போது பெருமையாகத்தான் இருக்கிறது. மருத்துவத்தில் நாம் பெரிய விசயங்களை சாதிக்கிறோம் என்பதில் சந்தேகமே இல்லை. மற்றும் உலலுறுப்புகள் தானம் செய்வதில் பல ரோல் மாடலாக உருவாகி இருக்கிறார்கள்- நடிகர் கமலஹாசனையும் சேர்த்து.

எனக்கு இந்தச் செய்தியில் நெருடும் விசயம் ஒண்ணே ஒண்ணுதான். மறைந்த டாக்டர் கிருஷ்ணகோபால், வீட்டில் (மாடியில் இருந்து? )விழுந்து அடிபட்டு இந்தக் காயம் ஏற்பட்டதாக சொல்லப்படுகிறது. ஒருவர், கார் அல்லது பைக் ஆக்ஸிடெண்ட்ல அடிபட்டு இப்படியாவதெல்லாம் நடக்கத்தான் செய்கிறது. ஆனால் வீட்டில் இருக்கும்போது தடுக்கி விழுந்து அல்லது வழுக்கிவிழுந்து எப்படி அளவுக்கு தலையில் அடிபடும்? அதுவும் ஒரு 40 வயதில் உள்ள படித்த இளைஞருக்கு!

கிருஷ்ணகோபால் இரண்டு பாடங்கள் நமக்கு சொல்லிக்கொடுத்துவிட்டு போகிறார்.

* தன் இதயம், சிறுநீரகத்தைக்கொடுத்து மற்றவர்களை வாழவைத்தது, ஒன்று.

* இன்னொன்னு, என்னைப்போல் கவனக்குறைவாக இருந்து உங்கள் உயிரை இழந்து உங்கள் மனைவி, குழந்தைகளை இதுபோல் விட்டுவிட்டுப் போகாதீர்கள்! கவனமாக இருங்கள்! என்பது.

இந்த விபத்து பற்றி யாருக்காவது முழு விபரம் தெரியுமா? தெரிந்தால் சொல்லுங்களேன். அதாவது உண்மையிலேயே எப்படி இவர் விழுந்தார்? இந்த அளவுக்கு தலையில் எப்படி அடிபட்டது? ஒருவேளை, 24 மணி நேரமும் உழைத்து வேலை செய்து சரியான தூக்கமின்மையால் இந்த விபத்து நடந்ததா? எனக்குத்தெரிய நம்ம ஊரில் உள்ள டாக்டர்கள் ஒரு நாளைக்கு தூங்கும் நேரம் 5 மணி நேரம்தான். 365 நாளும் வேலை வேலைதான். இவருடைய "டெடிக்கேஷன்" தான் இவருக்கு எமனாகிவிட்டதா?

சாரு நிவேதிதா மில்லியனராக முடியும்!

சமீபத்தில் சாரு எழுதிய ஒரு ஆர்ட்டிக்கிள்ல தன் புத்தகம் ரூ 1000 தான். நம்ம தமிழ் மக்கள் சினிமாவுக்கு செலவழிக்கும் இந்தச் சிறிய தொகையை வைத்து அருமையான என் புத்தகத்தை ஏன் வாங்கக்கூடாது? என்கிற ஆதங்கத்துடனும், தன் புத்தகம் 25,000 பிரதிகளாவது விற்கனும் அப்போதுதான் கெளரவமாக இருக்கும் என்று எழுதியிருக்கிறார்.

தமிழ்நாட்டு மக்கள் தொகை பல கோடிகள் என்பதை நினைவில் கொள்வோம். தமிழ் எழுத்தாளர் கோடீஸ்வர்னாவது என்பது பெரிய கஷ்டமெல்லாம் இல்லை. உதாரனமாக நம்ம டேன் ப்ரவ்ன் (Dan Brown) எழுதிய புத்தகங்கள் முதலில் ஒரு 10,000 பிரதிகள்தான் விற்றன. அவர் பெரிய ஆளாவாரானு அவருக்கே தெரியாது! அவருக்கு ப்ரேக் த்ரு வந்தது அவருடைய ட வின்சி கோட் (Da vinci code) நாவல்தான். உலகம் முழுவதும் இந்த நாவல் 80 மில்லியன் பிரதிகள் (பல மொழிகளில் மொழிபெயர்ப்பு பெற்றவைகளும்) விற்று, உலகிலேயே அதிக பிரதிகள் விற்ற நாவல் என்கிற ஒரு ரெக்கார்ட் செய்தது!

ஒரு எழுத்தாளன், கோடீஸ்வரனாவது என்பது நம்ம ஊரில் நடக்க வாய்ப்பில்லை என்றெல்லாம் சொல்லமுடியாது. டா வின்சி கோட் வெற்றிபெறுமுன்னே டேன் ப்ரவ்ன் கனவுகூட கண்டிருக்க மாட்டார், அதுவும் 80 மில்லியன் பிரதிகள் அவர் புத்தகம் விற்குமென்று. இந்த வெற்றியால் இன்று அவருக்கு வருடவருமானம் 76 மில்லியன் டாலர்கள் ஆனது. முன்னால் 10,000 பிரதிகள் விற்ற புத்தகங்களும் மில்லியன் கணக்கில் விற்க ஆரம்பித்தது.

எழுத்து என்கிற ஆயுதம் ஒருவரை புகழ் உச்சிக்கும், பண மூட்டைகளை அள்ளித்தர முடியும். நம்ம மாரியோ பூஸோ (mario puzo) வுடைய காட்ஃபாதர் (The Godfather) நாவலும் 21 மில்லியன் பிரதிகளுக்குமேல் விற்றது.

Just one good book is enough to take you to the TOP!

எழுத்து என்பது என் உயிர், ஆவி என்று சொல்வதைவிட “பணம்” என்பதும் உண்மை. ஒரு தமிழ் எழுத்தாளன் தன் நாவலை 10 லட்சம் பிரதிகள் விற்கமுடியாதா? ஏன் முடியாது? உலகம் முழுவதும் தமிழர் ஜனத்தொகை என்ன? ஒரு தமிழ் நாவல் 10 லட்சம் பிரதிகள் ஏன் விற்கக்கூடாது?

தமிழ் நடிகர்கள், ரஜினிகாந்த், 4 மில்லியன் டாலர் வரை ஒரு படத்திற்கு சம்பளம் வாங்கும்போது, தமிழ் எழுத்தாளன் தன் நாவலை 10 லட்சம் பிரதிகள் விற்று கோடீஸ்வரனாக நிச்சயம் முடியும். நம்ம எழுத்தாளன் அதுக்கு என்ன செய்யனும்? உழைக்கனும். எழுத்தில் தமிழ் மக்கள் எல்லோரையும் கவரனும்! எல்லோரையும் கவரும்படி ஒரு நாவல் எழுதினால் போதும்!

ஒரு விசயம்! நம் எழுத்தாளர்கள் கவனிக்க வேண்டியது!

* டேன் ப்ரவ்னும் (Dan Brown) மைக்கேல் க்ரைக்டனும்( Michael Crichton) ஒருவருடன் ஒருவர் சண்டை போட்டு யாருக்கு நெறைய கெட்ட வார்த்தை பேசத்தெரியுதுனு போட்டி போடுவதில்லை! தன் எழுத்தின்மூலம் உலகை கவர்ந்தார்கள்! அதனால்தான் அவர்கள் புத்தகம் 10 மில்லியன் பிரதிகளுக்குமேல் விற்கின்றன.

* டேன் ப்ரவ்ன், ஷிட்னி ஷெல்டன் புக் 10 பிரதிதான் விற்கும் நாந்தான் பெரிய புடுங்கினு வாய் சவடாலும் விடுவதில்லை!

நம்ம எழுத்தாளர்கள்தான் சும்மா கெட்ட வார்த்தை பேசுவதில் தங்கள் திறமையை வீணடித்து பிச்சைக்காரனாக வாழ்ந்துகொண்டு இருக்கிறார்கள்.

நம்ம எழுத்தாளர்கள் என்ன செய்யனும்?

* They just have to use their brain in their imagination.

* They should shut their filthy mouth and work hard and wait for others to comment and praise them!

This is what professional tamizh writers need to do instead of fingering at each other and showing their filthy language skills to each other like a sore loser!