Thursday, August 30, 2012

அதிர்ச்சி மேல் அதிர்ச்சி!!

நானும் அவரும் ஒரே இடத்தில்தான் வேலை செய்றோம். ரொம்ப நாளா அவரோட பேரு கூட எனக்கு சரியாத் தெரியாது. அவருக்கு வயது ஒரு 45-50 இருக்கலாம்.  தலையில் நெறையா முடியிருக்கும், பெரிய தொப்பை இருக்கும். அப்புறம் ரொம்ப நாளைக்குப் பிறகு அவர் பெயர் "ஸ்டீவ்"னு தெரிஞ்சுக்கிட்டேன்.   ஏனோ தெரியலை, "ஹால்வே"ல அவரைப் பார்க்கும்போது, அவரிடம் நான் பேசுவதுண்டு. "பேஸ் பால்" பத்தி பேச ஆரம்பிச்சுட்டா அவர்  பேசிக்கிட்டே இருப்பாரு. ஏதாவது ஆரம்பிச்சுவுட்டுட்டு அவரைப் பேச விட்டுட்டு கேட்டுக்கிட்டே இருக்கலாம். ஆமா "ஸ்டீவ்"  ஒரு "வைட் அமெரிக்கன்" தான். அவரை ஹாலில் பார்த்துவிட்டால் ஏதாவது "பேஸ் பால்" பத்தி நிச்சயம் பேச ஆரம்பிப்பேன். அவர், எனக்கு கரண்ட் அப்டேட் கொடுத்துருவாரு!

இந்தவாட்டி பேசும்போது  "ஸ்டீவ்" க்கு,  ஒரு கல்லூரியில் படிக்கும் பெண்ணும், ஹைஸ்கூல் சீனியர் படிச்சுக்கிட்டு இருக்கும் ஒரு பையனும் உண்டு என்றார். அந்த பையனை நான் பார்த்து இருக்கேன், "உங்க பொண்ணு என்ன பண்றா?' என்று கேட்டதும், "பொண்ணு  கல்லூரியில் ஃப்ரெஷ்மேன்,  "ஆக்ர்க்கிடெக்ட் படிக்கிறா" அவ "ரொம்ப ஸ்மார்ட்" நல்ல கல்லூரில படிக்கிறாள் என்றார் பெருமையுடன். "பையன் கொஞ்சம் வேற மாதிரி இருக்கான் . "கார், ஆட்டோமொபில்" ல இண்டெரெஸ்ட் ஜாஸ்தியா இருக்கு. மெக்கானிக்கா வந்தாலும் ஒரு மணி நேரத்துக்கு $70 சம்பாரிக்கலாம். என்ன வேலைனா என்ன? பிடிச்சு பண்ணனும்"னு சொன்னார், ஸ்டீவ்.

அடுத்து திடீர்னு  "உனக்கு என் எக்ஸ் மனைவி தெரியும்ல?" என்றார். "இல்லையே, தெரியாது"னு சொன்னேன். இங்கேதான் "பார்மக்காலஜி" டிவிஷன்ல இருக்கா இல்ல? லாரென்? தெரியாது? நீ கட்டாயம் பார்த்து  இருப்ப" என்றார்.  எனக்கு  "யாருனு தெரியலை"னு அதோட விட்டுட்டேன்.

இவரோட "எக்ஸ் வைஃப்பும்" இங்கேதான் பக்கத்திலேயே இருக்காரா!னு ஆச்சர்யத்துடனும் யோசனையுடனும்  போயி  "வெப் சைட்" ல தேடிப்பார்த்தேன்.  அவங்க படம் வந்தது. ஆமா நான் அவங்களப் பார்த்து இருக்கேன். "ஓ இவங்கதான் அவரோட "எக்ஸ்"ஸா!" னு அதிசயமா இருந்துச்சு. இந்தம்மா, லாரென்,  ஒரு மாதிரி வித்தியாசமா இருப்பாரு. யாரோடையும் ரொம்ப பேசுறமாரித் தெரியாது. ஆக, கணவர், ஸ்டீவு ம், எக்ஸ் ஃவைப் லாரெனும் பக்கதிலேயே வேலை செய்துகொண்டு இருக்காங்களா?னு அதிசயமா இருந்துச்சு.

****

இதுக்கிடையில் கெமிக்கல் எல்லாம் டெலிவர் பண்ணுறதுக்குனு "ஸ்காட்"னு ஒருத்தர் இருப்பாரு. பயங்கர குண்டா, தலையை கம்ப்ளீட்டா ஷேவ் பண்ணி இருப்பாரு நம்ம ஸ்காட்.இவருக்கும் ஸ்டீவ் வயசுதான் இருக்கும்.  சும்மா இவரோடயும் ஏதாவது ஃபுட்பால், பேஸ் பால் பத்தி பேசுவதுண்டு.

அடுத்த நாளோ என்னமோ  நான்  "ஸ்காட்"டிடம் பேசும்போது, "நம்ம ஸ்டீவோட எக்ஸ் வைஃப் இவர்தானாமில்லை?. எனக்கு இவ்ளோ நாளாத் தெரியாது. நல்லவேளை அவரே சொல்லிட்டாருனு " சொன்னேன்.
உடனே, ஸ்காட், "ஆமா, வருண், ரொம்ப கவனமாகத்தான் யாரைப்பத்தியும் பேசனும். யாருக்கு யாரு சொந்தம்னு நமக்கு தெரியாது"னு சொல்லிட்டு, You know who she ( லாரென்) is married to now?னு கேட்டாரு. "இல்லையே தெரியாது, ஸ்காட்" னு சொன்னேன். உடனே ஸ்காட், "நம்ம "மாத்யூ(மேட்)" தெரியுமில்லை? நைட்ரஜன், ஹைட்ரஜன் சிலிண்டர் எல்லாம் டெலிவெர் பண்ணுவாருல்ல? அவரைத்தான் இந்தம்மா, லாரென்,  இப்போ கல்யாணம் பண்ணியிருக்கு!" என்றார்.  அப்போ ஸ்டீவ்? னு கேட்டேன். இல்லை ஸ்டீவ் மறுகல்யாணம் செய்யலை! னு சொன்னாரு.

மேத்யூ என்கிற "மேட்"டையும் எனக்கு நல்லாத் தெரியும். "மேட்"டும் அதே "ஏஜ் க்ரூப்"தான் ஆனால் ரொம்ப "ஃபிட்"ட்டா பார்க்க கொஞ்சம்  "ரஃப்"பா இருப்பாரு. இவரும் தலையை முழுவதும் ஷேவ் பண்ணிட்டு நம்ம சிவாஜி மொட்டை பாஸ் ரஜினி மாரித்தான் இருப்பாரு!

பொதுவாக என்  கோ-வொர்க்கர்ஸ் தவிர்த்து பேசுற அளவுக்கு  தெரிஞ்சவங்களே ரொம்ப ரொம்ப கம்மி. என்ன காரணம்னு தெரியாது, இவங்க மூனு பேரோடையும் (ஸ்டீவ், ஸ்காட் & மேட்)  தனித்தனியா ஏதாவது ஸ்போர்ட்ஸ் பத்தி பேசுவேன்.  எனக்குத் தெரிந்த அந்த மூனு பேருல,  ஒருவர் (ஸ்டீவ்) மனைவியை இன்னொருவர் (மேட்) மணந்து (மறுமணம்) இருப்பதாக மூனாமவர் (ஸ்காட்) சொல்றாரு!!! அதிர்ச்சிக்கு மேலே அதிர்ச்சியடைந்தேன்.

 "Small world"(மிகச்சிறிய உலகம் இது) னு இதைத்தான் சொல்லுவாங்க. :)

Tuesday, August 28, 2012

இங்குமா இந்து முஸ்லிம் கலவரம்?!

பதிவுலகில் இன்றைய "ட்ரெண்ட்" என்னனா இஸ்லாமியப் பதிவர்கள் "பதிவுலக ஆக்கிரப்பை" கட்டுப் படுத்தனும்னு ரொம்பப்பேரு சீரிஸாக போராடுராங்க. வேடிக்கையான போராட்டம் இது! ஒரு பதிவர்  கருத்தை ஏற்றுக்கொள்ளாமல் அந்தப் பதிவருக்கு தொடர்ந்து எதிர் கருத்து தெரிவிச்சால், அந்தப் பதிவரை நேரில் சந்திக்கும்போது உங்களுக்கு கஷ்டமா/பயம்மா/சங்கோஜமா இருக்குமா?  அப்போ தொடர்ந்து எதிர் கருத்து சொல்லும் அவர் உங்க எதிரியா? அப்போ ரெண்டு நல்லவங்களுக்குள்ளே நூறு விழுக்காடுகள் கருத்துவேறுபாடுகள் வராதா?

"இவன் நான் என்ன சொன்னாலும் எதிர்த்துப் பேசுவான், மாற்றுக் கருத்து சொல்லுவான் இவனை நேரே சந்திக்கும்போது என்ன நடக்கும்னு எனக்கே தெரியாது!" என்கிற ஐயம் எல்லாம் வருமா உங்களுக்கு? அப்போ நீங்க இன்னும் "மனவளர்ச்சி" அடையவில்லை! அப்படித்தானே?

 நான் ஏற்கனவே சொல்லியிருக்கேன், "மகுடம்" "பரிந்துரை" "சூடான இடுகை" எல்லாத்தையும் கண்டுக்காமலும் ஒரு முதிர்ச்சியடைந்த பதிவர் பதிவெழுதலாம். நான் அதையெல்லாம் கண்டுக்கிறதில்லைனு சொல்லிக்கிட்டு அதைப் பத்தி எந்னேரமும் விமர்சிக்கிற பெரியமனிதர்களை என்ன சொல்லுவது? :) இந்தப் "போராட்டத்தால்" ஒரு சில தரமான பதிவர்களும் தரம் குறைய ஆரம்பிச்சுட்டாங்க என்பது உண்மை.

"அஞ்சா சிங்கம்" னு ஒருவர், ஒரு இஸ்லாமியர் பதிவை/அவர் சொன்ன கருத்தை  எதிர்த்துப் போராட/விவாதிக்க  ஒவ்வொரு தளமாக சென்று அந்தப் பதிவுக்கு சம்மந்தமே இல்லாத ஒரு அழைப்புப் பின்னூட்டமிட்டு அந்தந்த ஏரியா சண்டியர்களை அழச்சுட்டுப்போயி அந்த இஸ்லாமியப் பதிவர் தளத்தில் வாதாடுகிறார். இதெல்லாம் வேடிக்கையாக இல்லையா? ஒரு பதிவில் உள்ள கருத்து பிடிக்கலைனா நீங்க, உங்க  கருத்தை சொல்லலாம். அதை விட்டுப்புட்டு உலகறிய  ஆட்களை சேர்த்துட்டுப் போறதெல்லாம் சிறுபிள்ளைத்தனம் இல்லையா? என்னவோ போங்கப்பா!

ஒரு சில பதிவர்கள் செய்றதெல்லாம் சிறுபிள்ளைத்தனம், ஆனா பேசுறதெல்லாம் ஏதோ உயர் நோக்கு, பொது நோக்கு எல்லாத்துக்கும் தாந்தான் "அத்தாரிட்டி" என்பது போல! :)

Thursday, August 23, 2012

பதிவர்சந்திப்பில் மதுவும் வேணாம், மதமும் வேணாம்!

# முகம் தெரியாத "மனிதாபிமானி" வரப்போகும் பதிவர் கூட்டத்தில்  மது நுழைந்துவிடுமோ? என்கிற கேள்விக்குறியை பெரிதாக்கி, சில பதிவர்கள் "பொதுவில் உலகறிய" செய்த "தனிப்பட்ட"  உரையாடலை "படமெடுத்து"ப் போட்டு ஒரு கலகத்தை ஆரம்பித்துள்ளார். ஏன் இந்த தேவையில்லாத பயம்? என்ற கேள்வி கேட்கலாம் என்று போனால், ஈரோட்டில் நடந்த சந்திப்பில் பதிவர்கள் குடித்துவிட்டு கூட்டத்துக்கு வந்ததாக ஆதாரத்துடன் சொல்லியிருக்கிறார்.

உடனே, இஸ்லாமிய மதத்தவரை மிகவும் ம(மி)திக்கும்  ஒரு பொதுநலவாதிப் பதிவர்,   பதிவர் ஒருவர் அடிக்கடி மகுடப்பதிவர் ஆவதால் ஏற்பட்ட  பொறாமையில் அவரை கவிழ்த்தவே மனிதாபிமானி  இந்தப் பதிவு எழுதியதாக சொல்லிப் பதிவு போடுகிறார் .

அடுத்து ஹலால் பீர் பற்றி ஒரு விவாதம். இப்படி தொடர்ந்து போயிக்கிட்டே இருக்கு!

சரி, # இந்த மனிதாபிமானி யாராக இருக்கட்டும், அவர் மதவாதியோ இல்லைனா நாத்திகரோ, அவருக்கு ஒரு முகமோ, இல்லை பல முகங்களோ, எப்படிவேணா இருக்கட்டும். அவர் பதிவில் இருந்து நாம் கற்றுக்கொள்ள வேண்டியது..

* பதிவர் சந்திப்பில கலந்து கொள்ளும் பதிவர்கள், சந்திப்புக்கு முன்னாலும், சந்திப்பின் போதும், அல்கஹாலை தவிர்க்கலாமே?

* அப்படி மது குடிக்கனும்னா, சந்திப்பு முடிந்த பிறகு மது அருந்த விரும்புபவர்கள் ஒன்றுகூடி வேறொரு இடத்தில் மது அருந்தலாமே?

* அதேபோல், பதிவர் சந்திப்பின்போது  யாரும் தன் மதம் பற்றி, அதன் உயர்வு பற்றியும் பேசுவதில்லை, பேசமாட்டார்கள் என நம்புகிறேன்.

கலகம் பிறந்தால் நியாயம் பிறக்குமாமே? :)

 ---------------
# "மனிதாபிமானி" முகம் தெரியாதவர் என்று சொன்னது என் தவறு..

 பின்னூட்டம் 2

Aashiq Ahamed said...
உங்கள் மீது அமைதி நிலவுவதாக,

வருண்,

மனிதாபிமானி தளம் பலரால் எழுதப்படும் தளம். நான் அந்த பதிவை எழுதியதால் நன்றி என்று என் பெயர் பதிவின் இறுதியில் போடப்பட்டுள்ளது. ஆக, பதிவை எழுதியது முகம் தெரியா ஆள் என்பது சரியல்ல.

மற்றப்படி உங்கள் பதிவோடு ஒத்துப்போகின்றேன்.

நன்றி,

உங்கள் சகோதரன்,
ஆஷிக் அஹமத் அ