Friday, January 20, 2012

நண்பன், வேட்டை வசூல் நிலவரம் என்ன?


பிஹைண்ட்வுட்ஸ் வர வர ஒரு வியாபாரத்தளமாகிக்கொண்டு போகுது. இதனால இவர்கள் பாக்ஸ் ஆஃபிஸ் விசயத்தில் கொஞ்சம் பாலிடிக்ஸ் செய்வதுபோலவும் தோனுது. இவர்கள் தளத்தில் வேட்டை சம்மந்தமான"போட்டி" அது இதுனு கமெர்ஷியல் நடந்து கொண்டு இருந்ததால், இவர்களால் பாக்ஸ் ஆஃபில்ஸ் நிலவரத்தை உடனே கொடுக்க முடியலை. அது வேட்டையை பாதித்துவிடுமோ என்ற பயத்தில் வேண்டுமென்றே நிதானித்து வெளியிட்டு உள்ளார்கள் என்பேன் நான்!

முதல் வாரத்தில் சென்னையில் நண்பன் அமோக வெற்றி பெற்றதாகத் தெரிகிறது. 1.37 கோடிகள் சென்னையில் கலக்சன் (4 நாட்கள், அதிகமான காட்சிகள்) ஆனதாக கடைசியில் வெளியிட்டார்கள்.

வேட்டை, 63 லட்சம் போல் சென்னையில் வசூல் பெற்றுள்ளது . நண்பன் கலக்சனில் பாதிதான் வசூலாகியிருக்கு! இதற்கு முக்கியக்காரணம் வேட்டை, 2 நாள் கலக்சன் என்பது. வேட்டையை 13 தேதியே ஏன் வெளிவிடவில்லைனு தெரியலை! முதல் வாரத்தில் நண்பன் வேட்டையைவிட சுமார் இரண்டு மடங்கு வசூல் பெற்றுள்ளது. இரண்டு மடங்கு காட்சிகளும் ஓடியுள்ளது என்பதால் ஒண்ணும் தெளிவாக விளங்கவில்லை!

அதேபோல் யு கே பாக்ஸ் ஆபிஸில நணபன் ~ 112000 ஸ்டெர்லிங் பவுண்ட்ஸ் வசூல் அள்ளியுள்ளது (நாலு நாட்கள் கலக்சன்னு நெனைக்கிறேன்). யூ கேயில் வேட்டை பற்றி நிலவரம் எதுவும் தெரியவில்லை! தெரிந்தாலும் யூ கே ல வேட்டை அப்படி எதுவும் பெருசா கலக்ஷன் வராதென்பது என் நம்பிக்கை!

ஆனால், இன்னும் இந்த இரண்டு படங்கள் வெற்றி தோல்வி பற்றி ஒரு முடிவுக்கு வரமுடியவில்லை. நண்பன் பி அண்ட் சி செண்டரகளில் உள்ள் விஜய் ரசிகர்களிடம் எப்படி எடுத்துக்கொள்ளப்படுகிறது என்பது இன்னும் தெளிவாக விளங்கவில்லை. வேட்டை பி அண்ட் சி செண்டர்களில் நன்றாகப் போகும் (நண்பனை விட) என்று எதிர்பார்க்கப் படுகிறது. இதெல்லாம் சும்மா "ப்ரஜெக்சன்"தான் உண்மை நிலவரம் அடுத்த இரண்டு வாரங்களில் தெளிவாகத் தெரியும்.

பாக்ஸ் ஆபிஸ் நிலவரத்தை யாரும் மூடி மறைக்க முடியாது. பொறுத்திருந்து பார்ப்போம், நண்பனா இல்லை வேட்டையா? இல்லை இரண்டு படங்களுமேவா வெற்றி பெற்றதென்று!

No comments: