எந்திரன், மருதநாயகத்துக்கு வழிகாட்டி?

கமல், ரஜினியை தொழிலில் போட்டியாளராக, ரைவலாக நினைப்பது என்றுமே (இன்றும்) மறுக்கமுடியாத உண்மை. ஏன் ரஜினி, கமலை நினைப்பதில்லையா? னு கேக்காதீங்க. ரெண்டும் ஒண்ணுதான்! கமல், படையப்பா இருநூறாவது நாள் வெற்றிவிழாவில் பேசும்போது சொன்னார். ரஜினிக்கும் எனக்கும் நட்பும் உண்டு, அதே சமயத்தில் போட்டியும் உண்டு! என்று . ஆமா சொன்னார்! தொழிலில் போட்டி இருந்தாலும் எங்களுடைய போட்டி, ஒரு ஹெல்த்தியான ஒண்ணு என்றும் அதே விழாவில் தெளிவு படுத்தினார். அதுக்கப்புறம் கே எஸ் ரவிக்குமாருடன் சேர்ந்து தெனாலியுடன் வந்து வெற்றியடைந்தார், கமல்.

அந்தப் போட்டி மனப்பாங்கு, கமலிடம் எப்போவுமே, அதாவது இன்றும் இருக்குனு நான் நம்புகிறேன். அதெப்படிப் போகும்? கூடவே பிறந்ததாச்சே! இதை மூடிமறைக்காமல் தெளிவாக கமல் ஒத்துக் கொளவது பாராட்டுக்குரியது.

கடந்த 2007 லில் எ வி எம் மின் சிவாஜி த பாஸ், மிகப்பெரிய பொருட்செலவில் (70 கோடியில்) தயாரித்து முதல் முறையாக, புது மாதிரியாக ஒரே சமயத்தில் நூற்றுக் கணக்கான பிரதிகள் (படப் பொட்டிகள்) வெளியிடப் பட்டது. அந்த ஃபார்முலாவில் முதல்முறையாக சிவாஜி மிகப்பெரிய வெற்றியும் அடைந்தது.

கமல், சும்மா இருப்பாரா? அடுத்த வருடமே (2008 ல்) , சிவாஜிக்குப் போட்டியாக, கமல் உயிரைக்கொடுத்து நடித்து, ஆஸ்கர் ரவி தயாரிக்க மிகப் பெரிய பொருட்செலவில் தசாவதாரம் படத்தை மிகப் பிரமாண்டமான முறையில் எடுத்தார். கே எஸ் ரவிக்குமார் இயக்கத்தில் தசாவதாரம், 70 கோடி தயாரிப்பில் தயாரிக்கப்பட்டு வெளி வந்தது. 1000 பிரதிகள் ஒரே நேரத்தில் வெளியிட்டு மிகப்பெரிய வெற்றியும் அடைந்தது. இந்த முறையும் இந்த ஹெல்த்தியான போட்டியில் கமலும் வெற்றிதான் அடைந்தார்!

இப்போ, சிவாஜி, தசாவதாரம் எல்லாவற்றையும் சாப்பிடும் அளவுக்கு, ஷங்கர் இயக்கத்தில், சன் பிக்ச்சர்ஸ் தயாரிப்பில் 150 கோடி செலவில் எடுக்கப்பட்டு, எந்திரன் த ரோபாட், இரெண்டாயிரம் பிரதிகளுடன் உலகளவில் வெளியிடப்பட்டு, மிகப்பெரிய வெற்றியடைந்துள்ளது. எந்திரன் படத்தின் வெற்றி பற்றி மற்றவர்கள் எப்படியோ, கமல் நிச்சயம் ஒரு கணக்குப் போட்டுப் பார்த்துக் கொண்டுதான் இருப்பார். ஏன் என்றால் மருதநாயகத்துக்கும் இதே போல் பெரிய இன்ஸ்வெஸ்ட்மெண்ட் மற்றும் வெற்றியும் தேவை! நிச்சயமாக எந்திரனுக்கு பயன்படுத்திய இதே வியாபாரத் தந்திரம் செய்து (அவர் எந்திரன் வழிநடந்துதான் ஆக வேண்டும்) மருதநாயகம் எடுத்து வெளியிட்டால் - போட்ட காசை எடுக்க முடியும். மேலும் ஒரு லாண்ட் மார்க் தமிழ்ப் படத்தையும் தரமுடியும்.

இதுபோல் பணத்தைக்கொட்டி படம் தயாரிக்கும்போது திரைப்படம் ஒரு கலை, சினிமா என்பது வியாபாரம்னு கமல் நெனைக்கக்கூடாது, அது இதுனு பிதற்றும் மேதாவிகளை எல்லாம் கமல் திருப்திப்படுத்த நெனச்சுக்கூடப் பார்க்கக் கூடாது!

எந்திரன், மூன்று மொழியில் வெளிவந்தாலும், ஹிந்தியில் வெளியான ரோபாட் ஒண்ணும் மிகப்பெரிய வெற்றியல்ல! சுமார் 25 கோடிபோல் ஹிந்தியில் மொத்தக் கலக்சன் வரும் என்கிறார்கள். ஆனால், தமிழ், தெலுகு மற்றும் ஓவெர் சீஸ் கலக்சனே எந்திரன் வெற்றிக்கு போதுமானதாகிவிட்டது.

அதேபோல் மருதநாயகம் மும்மொழியில் வெளிவந்தால் ஹிந்தியில் வெற்றியடையாவிட்டாலும் (வெற்றியடைந்தால் இன்னும் நல்லது), தமிழ் , தெலுகு பிரதிகளே வெற்றிக்குப் போதுமானது. ஹிந்தியில் பெருசா சாதிச்சுத்தான் பணத்தை எடுக்கனும்னு இல்லை, என்பது ஒரு நல்ல விசயம்.

கமல், மருதநாயகத்தையோ அல்லது மர்மயோகியையோ விரைவில் ஆரம்பிப்பாரா? ஆஸ்கர் ரவிச்சந்திரனுடனோ அல்லது சன் நெட்வொர்க் உடனோ சேர்ந்து மருதநாயகத்துடன் விரைவில் வருவார் என நம்புவோம்! If he follows endhiran/robot business strategy I dont see him failing!

ஐஸ்-ரஜினி- சன் பிக்சர்ஸ் எந்திரன்! (ஒரு முன்னோட்டம்)

தமிழ் வலையுலகில், ரஜினி படத்தை கீழே கொண்டுவர ஒரு பெரிய கூட்டமே உண்டு! இருக்ககூடாதா என்ன? தப்பே இல்லை! பிடிக்காத நடிகரின் படத்தை அந்த நடிகரின் ரசிகர்கள் பார்க்குமுன்னால் பார்த்து வந்து மனசாட்சியே இல்லாமல் ஒரு மட்டமான விமர்சனம் எழுதும் "பிரபலப் பதிவர்கள்" நிறைந்ததுதான் இந்த வலையுலகம்! ஆனால் அப்படிப்பட்ட வலைபதிவர்களுக்கு எந்திரன் ஒரு "சேலஞ்ச்"தான்!

ரஜினியின் சந்திரமுகி மிகப்பெரிய வெற்றியடைந்தது! இதனுடையை டி வி ரைட்ஸ் சன் டி வி வாங்கியது! அதனால் சன் டி வி மற்றும் மீடியா இந்தப்படத்தை கொஞ்சம் அதிகமாகவே வெற்றியடைய வைத்தார்கள். அடுத்து வந்தது மிகப் பிரம்மாண்டமான எ வி எம் தயாரித்த சிவாஜி. இதனுடைய டி வி ரைட்ஸ் கலைஞர் டி விக்கு போனது. சன் டி வி, சன் மீடியா இந்தப் படத்தை, சந்திரமுகி அளவுக்கு தூக்கிவிடவில்லை! வண்ணத்திரை, ஜூனியர் விகடன் போன்ற பத்திரிக்கைகள் சில நெகட்டிவ் விமர்சனங்களும் கொடுத்தன.

ஒண்ணுமில்லாத படத்தையெல்லாம் சன் பிக்ச்சர்ஸ் தயாரிப்பாக இருந்தால் அதை சன் டி வி மிகப்பெரிய வெற்றியடைய வைத்துள்ளது என்பது எல்லோருக்கும் தெரியும். 100 கோடி பொருட்செலவில், சங்கர் டைரக்ஷனில், ஆஸ்கர் வின்னர் ஏ ஆர் ரகுமான் இசையில், சூப்பர் ஸ்டார்- ஐஸ்வர்யா நடித்து வெளிவரும் எந்திரனை சன் மீடியா எப்படி தூக்கி விடும்? வானளவில்!

எந்திரன் கமர்ஷியலாக தோல்வியடைய வாய்ப்பு மிக மிக குறைவு! அதை இங்கே கொடுக்கப்பட்டுள்ள இரண்டு ஸ்டில்ஸே சொல்கிறது!

எந்திரன் ரஜினியின் கடைசிப் படமா?

படையப்பாவுடன் ரஜினி நடிப்பதை நிறுத்திவிடுவது போல ரஜினி-25 கொண்டாடினார். ஆனால், ரெண்டாவது இன்னிங்ஸ் "பாபா"வில் ஆரம்பிச்சு, பிறகு சந்திரமுகி, சிவாஜி, குசேலன் னு போய் கடைசியிலே எந்திரனில் வந்து நிக்குது இப்போ.

சிவாஜி எம்ஜிஆரை விடக்கூட ரஜினி ஒரு படி மேலேதான் நிற்கிறார். ஏன்னா சிவாஜி, எம் ஜி ஆரின் கடைசிப்படங்கள் இவ்வளவு பிரமாண்டமாக எடுக்கப்படவில்லை! ஏராளமான பொருட்செலவில் எடுக்கப்பட்டு சிவாஜிபோல் பெரியவெற்றிவாகை சூடவில்லை!

இந்த வயதில், ரஜினி, சங்கர் போல ஒரு இயக்குனருடன் இணைந்து அவரை மதித்து அவர் சொல்வதுபோல கேட்டு நடிப்பதென்னவோ ரஜினியின் ப்ரஃபஸனலினத்தை காட்டுகிறது.

ரஜினியின் எந்திரன் அவர் கடைசிப்படமா இருக்குமா?

“ரஜினி - எ வி எம்” மின் கெமிஸ்ட்ரி!

திரையுலகில் எ வி எம் ஒரு மிகப்பெரிய நிறுவனம். இவர்கள் சிவாஜி, எம் ஜி ஆர், கமல், ரஜினி என்று எல்லா பெரிய நடிகர்களையும் வைத்து படம் தாரித்துள்ளார்கள்.

அமரர் எம் ஜி ஆர், எ வி எம் முடன் ஒரே ஒரு படம்தான் செய்தார். (சுரேஷ் பின்னூட்டத்தில் சொன்னதற்கு அப்புறம், சரிசெய்யப்பட்டது :-))) )

* அன்பே வா (1966).

அன்பே வா எம் ஜி ஆர் படங்களில் வித்தியாசமான படம் மட்டுமன்றி இது ஒரு மிகப்பெரிய வெற்றிப்படம். இருந்தபோதும் அதன்பிறகு எம் ஜி ஆர் படம் எதுவும் எ வி எம் எடுக்கவில்லை.

நடிகர் திலகம் சிவாஜியின் முதல் படம் பராசக்தி யே எ வி எம் தயாரிப்புதான். பிறகு

* பார்த்தால் பசி தீரும் (1962, வெற்றிப்படம்),

* பச்சை விளக்கு (1964, வெற்றிப்படம்),

* உயர்ந்த மனிதன் (1968, வெற்றிப்படம்)

போன்ற படங்களை எ வி எம் சிவாஜியை கதாநாயகனாக வைத்து தயாரித்தது. உயர்ந்த மனிதனுக்குப் பிறகு வேறு படம் எடுத்ததாக தெரியவில்லை.


கமலுடைய முதல்ப் படம் * களத்தூர் கண்ணம்மா எ வி எம் தயாரிப்பு. பிறகு

* சகலகலா வல்லவன் (1982, வெள்ளிவிழாப்படம், வசூலில் சாதனை புரிந்தது)

* தூங்காதே தம்பி தூங்காதே (1983, வெற்றிப் படம்) போன்ற பெரிய வெற்றிப்படங்களை எ வி எம் தயாரித்தது.

அதன் பிறகு

* பேர் சொல்லும் பிள்ளை (1987) என்கிற படம் தயாரித்தது. இது அவ்வளவு வெற்றியடைய வில்லை. அதன் பிறகு கமல் எ வி எம் படத்தில் நடிக்கவில்லை. ஆனால் அதன் பிறகு கமல் மசாலா படமே நடிக்கவில்லை என்று சொல்ல முடியாது.


எ வி எம் ரஜினியை வைத்து எடுத்த முதல்ப்படம் * முரட்டுக்காளை. இது மிகப்பெரிய வெற்றிப்படம். ரஜினியை சூப்பர் ஸ்டாராக்கிய படங்களில் எ வி எம் தயாரித்த இந்தப் படம் முக்கியமான இடம் பெறும். நீண்ட இடைவெளிக்குப்பிறகு படம் தயாரிக்க முடிவு செய்த எ வி எம் ரஜினியை வைத்து எஸ் பி எம் இயக்க, இளையராஜா இசையமைக்க, ஜெய்சங்கர் முதல் முறையாக வில்லனாக அறிமுகமாக வெளிவந்த படம்தான் * முரட்டுக்காளை! இது வரலாறு காணாத வெற்றி பெற்றது! ரஜினிக்கும் சரி, எ வி எம் க்கும் சரி இது ஒரு பெரிய வெற்றிப்படம். இதை அடுத்து ரஜினியை வைத்து எ வி எம் தயாரித்த படங்கள்,

* போக்கிரி ராஜா (1982, வெற்றிப்படம்)

* பாயும் புலி (1983, வெற்றிப்படம்)

* நல்லவனுக்கு நல்லவன் (1984, பெரிய வெற்றிப்படம்)

* மிஸ்டர் பாரத் (1986, வெற்றிப்படம்)

* மனிதன் (1987, வெள்ளிவிழா கொண்டாடிய படம்)

* ராஜா சின்ன ரோஜா (1989, வெற்றிப்படம்)

* எஜமான் (1993, ஓரளவுக்கு வெற்றிப்படம்)

* சிவாஜி (2007, வெள்ளிவிழா கொண்டாடியபடம்)

இதில் ராஜா சின்ன ரோஜா வரைக்கும் ரஜினியின் 7 படங்களுக்கு எஸ் பி முத்துராமன் தான் இயக்குனர். மேலும் கமல் நடித்த 3 படங்களுக்கும் எஸ் பி எம் தான் இயக்குனர்.

எஜமான் படத்தை ஆர் வி உதயக்குமார் இயக்கினார். சிவாஜி யின், இயக்கம் சங்கர்!

1980 ல இருந்து 2007 வரை 9 படங்கள் ரஜினியை வைத்து தயாரித்துள்ளனர். இதுபோல் எந்த ஒரு நடிகருக்கும் வாய்ப்புக் கிடைக்கவில்லை. தயாரிப்பாளர் எ வி எம் சரவணனுக்கும், நடிகர் ரஜினிகாந்துக்கும் “கெமிஸ்ட்ரி” எப்போதுமே நன்றாக வொர்க் அவுட் ஆச்சு என்பதுதான் இதற்கு காரணம்! இது சினிமா உலகில் மிக அரிய விசயம்.

இந்த முறை ரஜினி ரசிகர்கள் ஓட்டு யாருக்காம்?

டாக்டர் ராமதாஸின் "ரஜினி அட்டாக்" கினால் சென்ற பாராளுமன்ற தேர்தலில் ரஜினி ரசிகர்கள் பா. ம. க வுக்கு எதிராக ஓட்டுப்போட்டார்கள். கடந்த முறை காங்கிரஸுடன் கூட்டணியா இருந்ததால் ஒரு பெரிய இழப்பும் டாக்டர் ராமதாசுக்கு ஏற்படவில்லை. ஆனால் இந்த முறை பா.ம.க நிலைமை கொஞ்சம் வேறு என்று சொல்லலாம்.

ரஜினி ரசிகர்களின் ஓட்டு பா.ம.க - அ.இ.அ.தி,மு,க வை கொஞ்சம் பாதிக்கலாம். ஏன்னா ரஜினி ரசிகர்கள் பா ம க கூட்டணியான அ.இ.அ.தி.மு.க கூட்டணிக்கு நிச்சயம் ஓட்டு போடமாட்டார்கள் என்று தோன்றுகிறது. பொதுவாக விஜய்காந்துக்கு ரஜினி ரசிகர்கள் ஓட்டுப் போடுவதில்லை. அதனால் ரஜினி அபிமானிகளால் இந்த முறை பயன்பெறப்போவது காங்கிரஸ்-திமுக கூட்டணியாகத்தான் இருக்கும்.

ரஜினி ரசிகரகளுக்கு டாக்டர் ராமதாஸினால் ஏற்பட்ட நாவினாற் சுட்ட வடு இன்னும் ஆறி இருக்க வாய்ப்பில்லை. எத்தனை ரஜினி ரசிகர்கள், அபிமானிகள் ராமதாஸின் தாக்குதலை யெல்லாம் மறந்து இருப்பார்கள்? ரஜினி ரசிகர்களுக்கு டாக்டர் ராமதாஸ் என்றாலே ஒரு வெறுப்பு உண்டாகும் அளவுக்கு ஆகிவிட்டது என்றுகூட சொல்லலாம்.

நான் சொன்னதுபோல என்னுடைய கணக்குப்படி பார்த்தால் இந்த முறை ரஜினி ரசிகர்கள் ஓட்டு காங்கிரஸ்-தி.மு.க கூட்டணிக்குத்தான் போகும். ரஜினி ரசிகர்கள் ஓட்டு எந்தவிதமான பெரிய விளைவையோ, தேர்தல் முடிவை மாற்றம் செய்யும் ஃபேக்டர் இல்லை என்று விவாதிக்கலாம். அது ஒருபுறமிருக்க, யாருக்கு இவர்கள் ஓட்டுக்கள் போகும் என்றால் பெரும்பாலும் அவைகளைப் பெறப்போவது தி.மு.க- காங்கிரஸ் கூட்டணிதான்!

இல்லைனு சொல்றீங்களா? ஏன்? :-)

ரஜினி என்னும் திறமைமிக்க நடிகர்!

ரஜினிகாந்த் என்கிற நடிகர் எப்படி தமிழ்மக்களை கவர்ந்தார்? தமிழ் சூப்பர் ஸ்டாராகி முடிசூடா மன்னனாக எப்படி ஆனார்? இவருக்கு உண்மையிலேயே நடிப்புத் திறமை ஏதாவது இருந்ததா? இல்லை சும்மா சிகரெட்டை தூக்கிப்போட்டு பிடிச்சு விளையாண்டு ஸ்டெயில் என்கிற பேரில் மக்களை கவர்ந்தாரா?

ரஜினியின் அரசியலையோ, ஆன்மீகத்தையோ, நம்பிக்கையையோ, அவர் குடும்ப வாழக்கையையோ பற்றி இங்கே நான் பேச வரவில்லை. 1974 ல அபூர்வ ராகங்களில் அறிமுகமான ரஜினி என்கிற நடிகர், தமிழ் சினிமாவில் எப்படி சூப்பர் ஸ்டார் ஆகும் இந்த அளவுக்கு வளர்ந்தார் என்பதை மட்டும் பற்றி பார்ப்போம்.

ரஜினியின் அப்பா ஒரு டைரக்டரோ அல்லது பெரிய நடிகரோ அல்லது படமெடுக்கும் அளவுக்கு பணக்காரரோ கிடையாது. ரஜினி, தமிழ் சினிமாவில் நுழையும்போது தமிழர் அல்ல! இவர் நடிக்க வரும்போது இவருக்கு எதுவும் பெரிய இடத்து சிபாரிசு கிடையாது! இருந்தும் ரஜினியிடம் இருக்கிற ஏதோ ஒண்ணு கே பாலசந்தரை கவர்ந்தது. இவர் முதல் படமான அபூர்வ ராகங்களில் பாலசந்தர் இவருக்கு ஒரு சின்ன வாய்ப்பு கொடுத்தார்.அதே நேரத்தில் பல படங்களில் இவருக்கு [மூன்று முடிச்சு, அவர்கள், அவள் ஒரு தொடர்கதை (தெலுங்கு வேர்ஷன்)] வாய்ப்பு கொடுத்தார் பாலசந்தர். பாலசந்தர் இதுபோல் பல நடிகர்களுக்கு வாய்ப்பு தந்துள்ளார், ரஜினிக்கு மட்டுமல்ல. உதாரணமாக நடிகை சுஜாதா, நடிகர் கமலஹாஷன் போன்றவர்களுக்கும் இதேபோல் வாய்ப்பு கொடுத்தார்.

ரஜினிகாந்தின் வளர்ச்சியின் வேகத்தைப்போல் எந்த ஒரு நடிகனும் தமிழ் சினிமாவில் அன்றும் இன்றும் என்றும் வளர்ந்ததில்லை. ரஜினிகாந்தின் வளர்ச்சி தமிழ் சினிமாவில் ஒரு தனி வரலாறு என்று சொன்னால் அது மிகை இல்லைதான். எம் ஜி ஆர், சிவாஜி கூட இவ்வளவு வேகமாக வளரவில்லை.

1975 லிருந்து ரஜினி ஒரு மிகவும் பிஸியான நடிகராகிவிட்டார்! அதன் பிறகு தமிழ் சினிமாவில் இவருக்கு மார்க்கட் என்றுமே கீழேபோகவில்லை! இவருடைய நடிப்பு, அன்றைய பெரிய நடிகர்கள், எம் ஜி ஆர் போலவோ, சிவாஜி போலவோ, ஜெய்சங்கர் போலவோ, சிறிய நடிகர்கள் சிவகுமார் போலவோ கமஹாஷன் போலவோ இல்லை. ரஜினியின் நடிப்பு அவருக்கே உரிய ஒரு புது பாணியில் தனி "ஸ்டயிலுடன்" இருந்தது.

மூன்று முடிச்சு படத்தில் இவர் நடிப்பைப்பார்த்த தமிழ் ரசிகப்பெருமக்கள் அசந்துபோனார்களாம்! இவரோட திரையுலகம் வந்த சக நடிகர்கள் மிரண்டு போனார்கள் என்கிறார்கள். அதைத் தொடர்ந்து அவர் வில்லனாக இவர் நடித்த அவர்கள் (ராமனாதன்), 16-வயதினிலே (பரட்டையன்), போன்ற படங்களில் இவருடைய நடிப்பைப்பார்த்து தமிழ்மக்கள் இவருடைய நடிப்புத்திற்மை பார்த்து பலவாறு புகழ்ந்து தள்ளினார்களாம். இவர் வில்லனாக நடித்ததை விமர்சகர்கள், "People loved to hate him! என்றார்களாம்.

ஹாலிவுட் சூப்பர் ஸ்டார் க்ளிண்ட் ஈஸ்ட்வுட் போலவும், பாலிவுட் நடிகர் சத்ருகன் ஷினா போலவும் ரஜினியின் ஸ்டயில் இருந்ததாக ஒரு சிலர் சொன்னாலும், இவருடைய "16-வயதினிலே பரட்டையன்", "அவர்கள் ராமநாதன்" போன்ற ரோல்களில் இவர் தமிழருக்கே ஆன திமிர்பிடித்த ஆட்டிடூடுடன் அபாரமாக நடிப்பதைப்பார்த்த தமிழ்மக்கள் அதெல்லாம் இல்லை ரஜினியின் நடிப்பு தனித்துவம் (யுனீக்) என்று விவாதம் பண்ண ஆரம்பித்தார்கள்.

பிறகு இவர் ஹீரோவாக நடித்த புவனா ஒரு கேள்விக்குறி படத்தில் நடித்த "சம்பத் கேரக்டர், முள்ளும் மலரும் படத்தில்,வந்த காளி கேரக்டர் மற்றும் ஆறிலிருந்து அறுபது வரை சந்தானம் கேரக்டர் கள், ரஜினிகாந்து ஒரு திறமைமிக்க நடிகர் என்று சந்தேகமே இல்லாமல் நிரூபித்தது. இப்படியே வளர்ந்தவர்தான் இன்றைய சூப்பர் ஸ்டார். இவரிடம் அபாரமான நடிப்புத் திறமை இருந்ததென்னவோ உண்மைதான்.

எம் ஜி ஆர் vs ரஜினி (2)

* எம் ஜி ஆர், சினிமாவில் கத்தி சண்டை, சிலம்பம் எல்லாம் நல்லாவே போடுவாரு. ஹைதர் காலத்து எம் ஜி ஆர் ரசிகர்களெல்லாம் இதை சொல்லுவார்கள். சினிமாவில்தான் இருந்தாலும் இதற்கும் நல்ல பரிச்சயம், திறமை வேணும். ரஜினிக்கு இதுபோல் சண்டைகளில் பரிச்சயம் இல்லை. அடுத்த வாரிசுவில் இவர் செய்யும் வாள் சண்டை அவ்வளவு சிறப்பாக இருக்காது .

* எம் ஜி ஆர், உடல் ஊனமுற்றவராக நடித்ததாக எனக்கு எந்தப்படமும் தெரியாது. அடிமைப்பெண்னில் வருகிற வேங்கையன் முதலில் கூனாக வந்தாலும் பிறகு நிமிர்ந்து நல்லாகிவிடுவார். ரஜினி முள்ளும் மலரும் படத்தில் ஒரு கை இழந்தவராக நடித்து இருக்கிறார்.

* எம் ஜி ஆர் காமெடி படமோ, அல்லது காமெடி ரோல் போல நடித்ததில்லை. அவருக்கு காமெடியெல்லாம் வருமா என்னனு தெரியலை. ரிஷபன் சொன்னது போல் ரஜினிக்கு காமெடி மிகப்பெரிய பலம். அவர் நடித்த தில்லு முல்லு முழு நீள காமெடிப்படம். மேலும் காமெடியன்கள், கவுண்டமணி, விசு, செந்தில், வடிவேலு, விவேக் (மன்னன், வீரா, சந்திரமுகி, சிவாஜி) போன்றவர்களுடன் இணைந்து காமெடி செய்துள்ளார்.

* எம் ஜி ஆர் படங்களில் இரண்டாவது ஹீரோ என்பது ரொம்ப கஷ்டம். ஜெமினி, எஸ் எஸ் ஆர், முத்துராமன் போன்றவர்கள் சிவாஜியுடன் நிறையப்படங்களில் இணைந்து நடித்தூள்ளார்கள் அவர்களுக்கு தனியாக டூயட்களும் வரும். ஆனால் எம் ஜி ஆர் படங்களில் அது போல் அவர் யாருக்கும் நல்ல ரோல் கொடுக்கப்பட்டதாக தெரியவில்ல! ஜெமினி, முத்து ராமன், மற்றும் சிவாஜி (கூண்டுக்கிளி) போன்றவர்கள் எம் ஜி ஆருடன் இணணந்து நடித்த படங்கள் ஒன்று அல்லது இரண்டு மட்டும்தான். பொன்மனச்செம்மல் தான். ஆனால் இன்னொருவருக்கு நல்ல ரோல் கொடுக்கும் அளவுக்கு பெரிய மனது அல்லது தன் நடிப்பில் நம்பிக்கை இவருக்கு இருந்ததாக தெரியவில்லை. ஆனால் ரஜினியுடன் அவர் சூப்பர் ஸ்டார் ஆன பிறகும் பிரபு (குரு சிஷ்யன், தர்மத்தின் தலைவன்), சத்யராஜ் (மிஸ்டர் பாரத்), மற்றும் சிவாஜி (படையப்பா, படிக்காதவன்) போன்றவர்களுக்கு நல்ல ரோல் கொடுத்து நடித்துள்ளார். இன்னொருவர் தன் புகழை அடித்துப்போய்விடுவார் என்று ரஜினி அதிகம் பயப்படுவது இல்லை. அவர் நடிப்பின்மேல் அவருக்கு நம்பிக்கை ஜாஸ்தியோ என்னவோ.

* எம் ஜி ஆர் இயக்கிய படங்கள் இரண்டு. அது இரண்டையும் தயாரித்ததும் அவரே. அவைகள், நாடோடி மன்னன் (1958)மற்றும் உலகம் சுற்றும் வாலிபன் (1973) . இரண்டும் மாபெரும் வெற்றிப்படங்கள். இந்த இரண்டு படங்கள் வந்த வருடத்தில் எம் ஜி ஆர் வெளியிட்ட படங்கள் ஒன்று (1958) அல்லது இரண்டு (பட்டிக்காட்டு பொன்னையா 1973- இது ஒரு தோல்விப்படம்) மட்டுமே. ரஜினி ஒரு இயக்குனராக எந்தப்படத்தையும் இயக்கியதில்லை!

* கெளரவ வேடத்தில் நடிப்பதை அகெளவரவமாக நினைப்பவர் எம் ஜி ஆர் என்று நினைக்கிறேன். இவர் கெளரவ வேடங்களில் நடித்து எந்தப்படமும் நான் பார்த்ததில்லை. ரஜினி , அன்புள்ள ரஜினிகாந்த், மற்றும் பல படங்களில் கெளரவ வேடங்களில் நடித்து உள்ளார்.

* எம் ஜி ஆர் க்கு இசையமைப்பாளர்கள் யாரும் பின்னனி பாடல்கள் பாடியதாக எனக்கு தெரிய இல்லை. ரஜினிக்கு எம் எஸ் விஸ்வநாதன் (சம்போ ஷிவ சம்போ, நினைத்தாலே இனிக்கும்), இளளயராஜா (உள்ளுக்குள்ள சக்கரவர்த்தி, பணக்காரன்), மற்றும் எ ஆர் ரகுமான் (அதிரடிக்காரன், சிவாஜி) போன்றவர்கள் பின்னனி பாடியுள்ளார்கள்.

* எம் ஜி ஆர் கடைசிவரை, இளைஞனாகவேதான் நடித்தார். ரெண்டு ரோலில் அப்பா இறந்து போவதுபோல் வரலாம் (அடிமைப்பெண்). ஆனால் வயது வந்த பெண்ணுக்கு, பையனுக்கு தந்தை என்பது போலெல்லாம் வயதான தந்தையாக அல்லது கிழவனாக நடித்ததாக தெரியவில்லை (ஒரு சில பாடல்களில் அந்த் கெட்-அப்ல வருவதுண்டு). ரஜினி, 6-60 வரை, எங்கேயோ கேட்ட குரல், நல்லவனுக்கு நல்லவன், அண்ணாமலை, படையப்பா போன்ற படங்களில் வயது வந்த பெண் குழந்தைக்கு தந்தையாகவும் நடித்தும் உள்ளார்.

குறிப்பு: நான் நிறைய "டேட்டா" தவறுதலாக கொடுத்து இருக்கலாம். எம் ஜி ஆர் பழைய படங்கள் (40, 50, 60 ல் வந்த படங்கள்) நான் பல பார்த்ததில்லை . தவறுதலாக சொன்ன விசயங்கள் எதுவும் இருந்தால் தயவு செய்து பின்னூட்டங்களில் சொல்லவும்.

சூப்பர் ஸ்டார் ரஜினி வாங்கிய சம்பளம் ரூ.2500!

இன்றைக்கு சூப்பர் ஸ்டார் ரஜினிகாந்த் வாங்கும் சம்பளம் ரூ. 20 கோடி என்கிறார்கள்! தமிழ் நாட்டில் மட்டுமல்ல, இந்தியாவிலேயே இவர்தான் அதிக சம்பளம் வாங்குகிறதாக சொல்லப்படுகிறது. இவரை நம்பி ரூ 150 கோடிகளை செலவழித்து ஒரு பிரமாண்டமான படம் எடுக்க சன் பிக்சர்ஸ் தயாராக உள்ளது. அந்தப்படைப்புதான், ரஜினியும், ஐஸ்வர்யா பச்சனும் இணைந்து சங்கர் இயக்கத்தில் உருவாகும் “எந்திரன்”.

ஆனால், இவர் சினிமா உலகத்தில் நுழைந்து வில்லனாக நடிக்க ஆரம்பித்தபோது நடித்த படங்களில் ஒன்று பாரதிராஜாவின் முதல் படம் 16 வயதினிலே. இதில் இவர் நடிக்கும்போது இவருக்கு “பரட்டை” என்ற வில்லன் பாத்திரத்திற்கு கொடுக்கப்பட்ட சம்பளம் ரூ. 2500 மட்டுமே என்கிறார் இவரை வைத்து டைரக்ட் செய்த இயக்குனர் பாரதிராஜா! அபூர்வ ராகங்கள், மூன்று முடிச்சு போன்ற படங்களுக்கு பிறகு வந்ததுதான் 16 வயதினிலே. ஆனால், இந்தப்படத்தில் வந்த “பரட்டையன்” ரஜினி பாத்திரம், ரஜினிக்கு ஒரு மாமகுடம் சூட்டப்படவேண்டிய ஒன்று. தமிழ் சினிமா வரலாற்றில் அதுபோல் ஒரு வில்லன் பாத்திரத்தை அன்று தேதிக்கு யாரும் பார்த்ததில்லை என்கிறார்கள். எம் ஆர் ராதா, அசோகன், நம்பியார், பி எஸ் வீரப்பா போன்றவர்கள் செய்த வில்லன் பாத்திரங்களுக்கும் "பரட்டையன்" எனற பாரதிராஜா உருவாக்கிய வில்லனுக்கும் வித்தியாசங்கள் அதிகம்!

இதில் பரட்டையனாக இவர் பேசும் வசனங்கள்,

“இவ ஆத்தாளுக்கு தாவணி போட்டாக்கூட நல்லாதாண்டா இருக்கும்”

“இது எப்படி இருக்கு?”

“வத்திப்பெட்டி கேட்டீங்க இல்ல? நானே பத்த வைக்கிறேன்”

போன்றவை இவருக்கு தமிழ் சினிமாவின் படிக்கட்டுகளில் பலபடிகளுக்கு மேலே ஏற உதவியவை என்பது குறிப்பிடத்தக்கது.

அதன் பிறகு பாரதிராஜாவுக்கும் ரஜினிக்கும் சில மனக்கசப்புகள் வந்தது. பிறகு சமாதானம் ஆகி, கொடி பறக்குது படத்தில் மறுபடியும் இணைந்தார்கள். அந்தப் படம் அவ்வளவு சிறப்பாக வரவில்லை!

ரஜினியின் பாபாஜியின் சிறுநீரகங்கள்!

யாரோ ஒரு பாபாஜீ என்கிற சித்தர், 2000 ஆண்டுகள் வாழ்கிறார் என்கிறார்கள். அதை நம்ம ரசினி நம்புகிறார். சரி, இதை அவர் பர்சனல் மேட்டர்னு விடமுடியாதுதான்.

காரணம்? இது சமீபத்து அறிவியல் கண்டுபிடிப்புகளுக்கு எதிராக இருக்கிறது.

இங்கே பாபாஜி 2000 ஆண்டு வாழ்வதுல் உள்ள முக்கியமாக பிரச்சினை ஒன்று சொல்ல வேண்டும்! மனித உடம்பில் உள்ள முக்கிய உறுப்புக்கள் (இதயம், ஈரல், நுரையீரல், மேலும் செக்ஸ் ஹார்மோன்ஸ்,) போன்றவை ஒருவருக்கு வயதாக ஆக, கொஞ்சம் கொஞ்சமாக பழுதடைந்துகொண்டுதான் போகின்றன. மேலும் வயதாக ஆக, ஒரு வருக்கு எதிர்ப்பு சக்தி குறைந்துகொண்டே போவது என்பதும் எல்லோருக்கும் தெரியும்.

இதில், சிறு நீரகம் என்பது சந்தேகமே இல்லாமல் வருடத்திற்கு வருடம் பழுதடைந்து கொண்டுதான் போகிறது என்பது அறிவியலில் நிரூபித்த உண்மை.

Unlike any other vital organs, one's Kidney function goes down as one gets older and older no matter how healthy the person is!

அதாவது ஒருவர் 200 ஆண்டுகள் வாழ்ந்தால், அவர் பிறக்கும்போது இருந்த அவருடன் வந்த 2 சிறுநீரகத்தை வைத்து வாழவேமுடியாது. அவைகள் 200 வருடங்களில் முற்றிலும் பழுதடைந்துவிடும் என்பது அறிவியலில் நிரூபிக்கப்பட்ட உண்மை. 200 ஆண்டுகளுக்குள் சிறுநீரகம் பழுதடைந்தால் 2000 ஆண்டுகள் அதே சிறுநீரகத்தை வைத்து வாழ்வது என்பது JUST IMPOSSIBLE!

கமல், ரஜினியாக இருந்தால்!

கமலஹாசன் கவுதமி பற்றி ஒரு கிசு கிசு, அதாவது அவர்கள் இப்போது பிரிந்துவிட்டார்கள் என்று ஒரு கேள்விக்குறியுடன் ஆரம்பித்த இடுகைக்கு, கமல் ரசிகர்கள், இல்லை இல்லை, மன்னிக்கவும் "நடுநிலைவாதிகள்" பலர் வந்து, ஒருவருடைய தனிப்பட்ட வாழ்க்கையை விமர்சிப்பது அநாகரீகம் என்கிறார்கள். I am certainly proud of them if and only if they respect everyone's private life!

சரி, just like that, நம்ம சாமியார் ரசினி அப்பப்போ இமயமலை போய் வருகிறார். அதுவும் அவருடைய தனிப்பட்ட வாழக்கைதான். அதை விமர்சித்தால், இதேபோல், அவர் தனிப்பட்ட வாழ்க்கையை விமர்சிப்பது தவறு என்று "இதே நடுநிலைவாதிகள்" சொல்வார்களா? இல்லை எங்கேயாவது சொல்லி இருக்கிறார்களா? என்ற கேள்வி கயலின் பின்னூட்டத்திலிருந்து எழுந்து உயிர்பெற்று வந்தது.

******கயல்விழி said...

கமலஹாசனைப்பற்றி மட்டுமல்ல, ரஜினியின் தனிப்பட்ட வாழ்வை(அவரின் இமயமலை பழக்கம்) போன்றவற்றை கிண்டலடித்தும், விமர்சனம் செய்தும் பல பதிவுகள்/கட்டுரைகளை படித்திருக்கிறேன். ******

நன்றி கயல்! :-)

ரஜனியின் இமயமலைப்பயணம் அவருடைய ப்ரைவேட் பிஸினெஸ் என்று எல்லோருக்கும் புரிந்ததாக எனக்கு என்னவோ தோனவில்லை. ப்ரைவேட் லைஃப் என்றால், ஒருவருடைய படுக்கை அறை வாழ்க்கை என்கிற தவறான புரிதல், கருத்து நம்மில் இருப்பதை உணரலாம். I thought we should fix ourselves right here! We need to really understand what is the meaning of one's "private life" when we go on advise others or not?

Another thought, ஒரு வேளை, ரஜினிக்கு பல மனைவிகள் (உலகறிய), கல்யாணம் என்பதில் நம்பிக்கை இல்லாமல், லிவ்-டுகெதெர் போன்றவற்றில் நம்பிக்கை வைத்து இருந்தால், இதே போல் ரஜினி-ஒரு நடிகை பற்றி நான் ஒரு கிசு கிசு எழுதி இருந்தால், விமர்சனத்திற்கு, பல நடுநிலைவாதிகள் வருவார்கள் வந்து இருப்பார்கள்.

* எதற்காக அவரின் (ரஜினியின்) படுக்கை அறை பற்றி பேசுகிறாய்? என்பார்கள்.

# ஆனால் அப்படி வரும் நடுநிலைவாதிகள் நிச்சயம் இன்று கமலை டிஃபெண்ட் பண்ணும் நடுநிலைவாதிகளாக இருக்கமாட்டார்கள்!

Are we really respecting a celebrity's or anyone's private life?

Or we just LOVE an ACTOR and DEFEND his WEAKNESSES because we love him?

Unfortuantely the latter statement seems like the TRUTH! :(

குசேலன் - என் பார்வையில்

பொது: ரஜினிகாந்த்க்குத்தான் எத்தனை பிரச்சினை! இவர் தமிழரா? மராத்திக்காரரா? கன்னடிகாவா? வியாபாரியா? அரசியல்வாதியா? தமிழர்களை ஏமாற்றவே பிறந்தவரா? இல்லை எல்லோருக்கும் நல்லவரா வாழ நினைத்து யாரையும் திருப்திபடுத்த முடியாமல் குழம்பி நிற்கும் ஒரு பரிதாபத்திற்குரிய ஜென்மமா? சரி எது எப்படி இருந்தாலும் கொஞ்ச நேரம் அவரை விட்டுவிட்டு குசேலனைப்பார்ப்போம்!

படத்தின் கதை:
படத்தின் நாயகன், "குசேலன்" (பாலு), பசுபதி. நாயகி மீனா. பசுபதி (பாலு) ஒரு முடிதிருத்தும் தொழில் செய்பவர். நியாயமாகவும், சட்டத்திற்கு உற்பட்டும் வாழ விரும்பும் ஒரு அப்பாவி. இவரின் மனைவி மற்றும் குழந்தைகள் ஒரு அழகான குடும்பம். இவர் வாழ்க்கையில் பல கஷ்டங்களுடன் வாழ்க்கை வண்டி ஓடிக்கொண்டு இருக்கும்போது, சினிமா பைத்தியம் பிடித்த அவர் வசிக்கும் ஊருக்கு வருகிறார் அசோக் குமார் என்கிற நடிகர், ஒரு சூப்பர் ஸ்டார். அவர் வெளிப்புறப்படப்பிடிப்பிற்காக அந்த ஊருக்கு வருகிறார். ஊரே கொண்டாடுகிறது. எல்லோரும் இந்த நடிகரைப்பார்க்க வேண்டும் என்ற ஆவலில் அவர் தங்கி இருக்கும் கெஸ்ட் ஹவுஸ் முன்னால் கூடுகிறார்கள்.

பாலுவின் பழைய நண்பர்தான் இந்த அசோக் குமார், இன்று பெரிய நடிகராகி, சூப்பர் ஸ்டாராகி இருக்கிறார். இதை பாலு தன் மனைவி குழந்தைகளிடம் சொல்லாமல் சொல்கிறார். அவர்களுக்கு சூப்பர் ஸ்டார் தன் ஏழை அப்பாவின் நண்பர் என்கிற பெருமை தாங்க முடியவில்லை. அந்த உண்மை ஊர் முழுவதும் பரவுகிறது. ஊரில் உள்ள அனைவரும் பாலுவின் உதவியை நாடுகிறார்கள்- சூப்பர் சாருடன் ஃபோட்டோ எடுத்துக்கொள்ள, அவரிடம் தன் படத்திற்கு கால்ஷீட் வாங்க இப்படி. மனைவியும், குழந்தைகளும், நண்பர்களும், விரோதிகளும், பள்ளியில் ஆசிரியையாக இருக்கும் கன்னிகாஸ்த்ரிகளும்கூட பசுபதியை அணுகுகிறார்கள்- சூப்பர் ஸ்டாரை பார்க்க உதவி செய்யக்கோரி. ஆனால், பாலுவின் நிலைமை தர்மசங்கடம், மேலும் பாலுவிற்கு பயம், தன்னை தன் பழைய நண்பன் அடையாளம் தெரியாது என்று சொல்லிவிட்டால்? அவரும் முயற்சிக்கிறார், சந்திக்க, ஆனால் கூட்டத்தில் முட்டி மோதி அவரால் சந்திக்க முடியவில்லை. ஒவ்வொரு முயற்சியிலும் தோல்வியே.

அவர் முயற்சி தோல்வி அடையவே, கடைசியில் எல்லோரும் ஏழை பாலுவைப்பார்த்து சிரிக்கிறார்கள். இவர் சூப்பர் ஸ்டார் ஃப்ரெண்டாம் என்று!! பொய் சொன்னதாக சொல்கிறார்கள். தன் குழந்தைகள்கூட அவரை சந்தேகிக்கிறார்கள். சுயமரியாதையுள்ள எந்த ஏழைக்கும் எப்படி இருக்குமோ அதை பசுபதி அழகாக காட்டுகிறார், ரொம்ப நல்லா நடித்து இருக்கிறார். கடைசியில், பள்ளிக்கு ஒரு ஆண்டுவிழாவில் சூப்பர் ஸ்டாரை பசுபதியின் உதவி இல்லாமல் அழைத்து வருகிறார்கள். பசுபதி மனைவி குழந்தைகள் எல்லோரும் சூப்பர் ஸ்டாரை பார்க்க பள்ளிக்கு செல்கிறார்கள். யாருக்கும் தெரியாமல் பாலுவும் அந்த விழாவுக்கு வந்து ஒரு ஓரத்தில் நிற்கிறார், தன் நண்பன் பேச்சை கேட்க. சூப்பர் ஸ்டார் பேசுகிறார். எப்படி? அந்த ஊரில் பாலுவை கேலி செய்த அனைவரும் கண்ணில் நீர் மழ்க வைக்கும் அளவுக்கு. தங்கள் தவறை உணருகிறார்கள் எல்லோரும். பாலு ஆனந்த கன்ணீர் வடிக்கிறார். திரையரங்கிலும் 90% ஆடியன்ஸ் கண்கலங்குகிறார்கள். உண்மையிலேயே ஒரு நல்ல க்ளைமாக்ஸ்!

காமெடி: ஆஹா ஓஹோனு பாராட்டும் அளவுக்கும் இல்லை. அதே சமயத்தில் ரொம்ப மோசமும் இல்லை

* தன்னை கல்யாணம் செய்த கவர்ச்சியான மனைவி தன்னை தொடவிடாமல் இருப்பதால் அவளுக்கு தெரிந்தும், தெரியாமலும் வடிவேலு பார்த்து ரசிப்பதை என்னால் ரசிக்க முடிந்தது. காராணம் அவர் மனைவிதானே அவர். அவருக்கு இந்த உரிமைகூட கிடையாதா?

* ஆனால் நயந்தாராவை உடை மாற்றும் அறையில் பார்ப்பதுபோல் எடுத்தது தேவையே இல்லாத ஒண்ணு. அதை "சென்சாரா"வது கவனமாகப்பார்த்து வெட்டி எறிந்து இவர்களுக்கு உதவி செய்து இருக்கலாம். இதைப்பார்த்து "சாரு" டேர்ன் ஆண் பண்ணியது எனக்கு கொஞ்சம் அதிசயமாக இருந்தது. எனக்கு அந்த சீன் படு எரிச்சலைத்தான் தந்தது!

ரஜினிகாந்த்: நடிப்பில் எந்த குறையும் சொல்ல முடியாது. அழகாக செய்து இருக்கிறார். பார்க்கவும் நல்லாத்தான் இருக்கிறார். ஆனால் இவர் தனிவாழ்க்கை சம்மந்தப்பட்ட 3 கேள்வியை கேட்டு அதற்கு மழுப்பலான பதில் தருவதை தவிர்த்து இருக்கலாம். எந்த அறிவு ஜீவியின் ஐடியானு தெரியலை இது. மட்டமான ஐடியா! அதை ஏற்றது இவரின் முட்டாள்த்தனம்!

பாடல்கள்: ரசிக்கத்தக்கவே உள்ளன.

ஒளிப்பதிவு: பிரமாதம்

டைரக்ஷன்: சுமார்தான். க்ளைமாக்ஸ் மட்டும் பிரமாதம்.

மற்றவை: இந்தப்படம் கவிதாலயாவின் தயாரிப்பு. அதாவது பாலசந்தரின் தயாரிப்பு. ரஜினிகாந்த் ஒரு 20 நாள் கால்ஷீட் கொடுத்துள்ளார். இதில் ரஜினிகாந்த வருவது 25%. அவர் மற்றபடங்களுக்கு வாங்கும் சம்பளம் 20 கோடி (சிவாஜி, சந்திரமுகி) என்றால், இந்தப்படத்தில் அவர் நடித்ததற்கு கிடைக்கவேண்டிய நியாயமான சம்பளம் 5 கோடி!

இதில் இவருக்கு ஒரு சண்டை கிடையாது, பன்ச் வசனம் இல்லை. இரண்டு பாடல்களில் வருகிறார். படத்தில் முதலில் 40 நிமிடங்கள் இவர் சுத்தமாக தலைகாட்டவே இல்லை. இந்தப்படம் குழந்தைகளைக்கவராது என்பது என் தாழ்மையான எண்ணம்.

சிவாஜி படத்தின் வெற்றியின் விளைவால், இந்த சாதாரண படத்தை 60 கோடிக்கு வாங்கியது பிரமிட் சாய்மீரா நிறுவனம். இதனுடைய ஆடியோ ரைட்ஸ் சுமார் 3 கோடிக்கு விற்பனையானது. 60 கோடிக்கு வாங்கிய பிரமிட் சாய்மீரா எப்படியோ அதிகமான மினிமம் கியாரண்டி வைத்து விற்றுவிட்டார்கள். படத்தை காட்டாமலே வியாபாரம் செய்துவிட்டார்களா?? இது அவ்வளவு தொகைக்கு விற்றதும் சரி, படத்தைப்பார்க்காமல் வாங்கியதும் சரி, சரியான முட்டாள்தனம் என்பது இப்போதுதான் புரிகிறது.

படம் எதிர்பார்த்த அளவு போகவில்லை, தோல்விப்பட வரிசையில் சேரவேண்டியதாகிவிட்டது. தியேட்டர் ஓனர்கள் நஷ்டப்படுகிறார்கள். ப்ரமிட் சாய்மிரா மற்றும் பாலசந்தருக்கு மற்றும் ரஜினிகாந்துக்கும் லாபம்.

ஆனால் தியேட்டர் ஓனர்கள் போர்க்கொடி தூக்குகிறார்கள்! மினிமம் கியாரண்டியை குறைத்து வைத்து இருக்க வேண்டும். படத்தை ரஜினிகாந்த் கெஸ்ட் ரோல் பண்னுகிறார் என்பதுபோல் திரையிட்டு இருக்கனும். இது ஒரு ரஜினிபடம்போல் வைத்து அதிகவிலைக்கு விற்றுவிட்டார்கள் என்று குறை சொல்கிறார்கள், தியேட்டர் ஓனர்கள்! இப்போ தியேட்டர் ஓனர்கள் ப்ரமிட் சாய்மீராவையும் கவிதாலயாவையும் மினிமம் கியாரண்டியை குறைத்து வைத்து இல்லாததால்தான் நாங்கள் நஷ்டப்படுகிறோம். எங்களுக்கு நஷ்ட ஈடு கொடுங்கள் என்று சொல்லிக்கூறி போராடுகிறார்கள்!

உலகத்தரம், உலகநாயகன் - இதெல்லாம் ஓவர் பில்டப்!

தசாவதாரம் படம் கடைசியில் பார்த்தாச்சு! ரொம்ப லேட் என்று நினைக்கறீங்களா? வேலையை எல்லாம் அப்படியே போட்டு ஓடிப்போய் பார்க்கும் அளவுக்கு முக்கியமான படம் இல்லை என்பதை நீங்க எல்லாம் தொடர்ந்து போட்ட விமர்சன மழையில் புரிந்துக்கொண்டேன். இதைப்பார்க்கிறதுக்காக யாராவது எல்.ஏ ட்ராபிக்கில் 3 மணி நேரம் ட்ரைவ் பண்ணுவாங்களா?


எனக்கென்ன சந்தேகம் என்றால், இதை எதற்காக 'உலகத்தரம்' என்று குறிப்பிடுகிறார்கள்? உலகத்து படங்கள் பலவற்றில் இருந்து கொஞ்சம் கொஞ்சமாக காப்பி அடித்திருப்பதாலா? பட்டாம்பூச்சி விளைவைப்பற்றி தெரிந்துக்கொள்ள விருப்பம் இருப்பவர்கள் தயவு செய்து "Butterfly Effect" படம் பார்க்கவும், தசாவதாரத்தில் கமல் எபெக்ட் அல்லது கமல் ஓவர்லோட் வேண்டுமானால் கிடைக்கும்.

"எழவு வீட்டில் நான் தான் பிணம், கல்யாண வீட்டில் நான் தான் மாப்பிள்ளை" : கமலை பார்த்ததும் இந்த பழமொழி நினைவுக்கு வருகிறது. விட்டால் அசினாக கூட அவரே மேக்கப் போட்டிருப்பார் போல! முகம் இருக்கிறது, மேக்கப் வசதி இருக்கிறது என்பதற்காக இப்படி அட்டகாசம் செய்வதா? கமலின் வெள்ளைக்கார மேக்கப்பையும், பாட்டி மேக்கப்பையும், இஸ்லாமிய இளைஞர் மேக்கப்பையும் பார்த்தால், ஹாலிவுட் ஹாரர் படங்களில் வரும் Zombie(இறந்த பிறகும் பேய் மாதிரி உலவுபவர்கள்) நினைவுக்கு வருகிறது, ரொம்ப பயமா இருக்கு. என்ன கொடுமை சார் இது? ஜே.கே ரித்திஷே பல மடங்கு அழகாக தெரிகிறார்.


கதாநாயகனாக நடிக்க வந்த ஆரம்பத்தில் இருந்தே, கமல், தான் நடிக்கும் படங்களில் முழு ஆதிக்கம் செலுத்த விரும்புவார். அதுவும் இரணடு ஹீரோ சப்ஜெக்ட் என்றால் இவரோடு நடிக்கும் மற்ற ஹீரோவின் நிலை பரிதாபம்! உதாரணத்துக்கு, அன்பே சிவம் படத்தில் வெயிட்டான ரோல் இவருடையது, மாதவனுக்கு இத்துப்போன ரோல். காதலா காதலா படத்தில், பிரபு தேவாவுக்கு திக்கு வாய் வந்து விட்டது பாவம்! ஹீரோயின்கள் கூட இவர் படங்களில் பெரும்பாலும் டம்மிகளே. மல்லிகா ஷெராவத், பஞ்சாபி கமலின் மனைவி, நாகேஷின் மனைவி போன்ற பெண் ரோல்களில் அசினே மேக்கப் போட்டு நடித்திருக்கலாமே, ஏன் நடிக்கவில்லை? அசின் முகமூடி போட்டால் முகத்தில் ஒட்டாதா? தசாவதாரத்தில் கமலின் ஆர்வம் ரொம்ப அதிகமாகிவிட்டது போல, வித விதமான வேடம் போட்டு தன்னையே டார்ச்சர் பண்ணிக்கொண்டது போதாதென்று, படம் பார்க்கும் நம்மையும் டார்ச்சர் பண்ணுகிறார்

தலித் கிறிஸ்தவர்கள், இஸ்லாமியர்கள் போன்றவர்களை ஸ்டீரியோ டைப் பண்ணி இருப்பது எரிச்சலை வரவழைக்கிறது. மாற்று மதத்தவர் அப்படியா இருக்கிறார்கள்? ஹீரோ கமல் முகத்தில் வயதான சுவடுகள் தெரிகிறது, 50-60 வயது தமிழ் நடிகர்கள், 25 வயது இளைஞனாக நடிப்பதை நிறுத்தவே மாட்டார்களா? வயதில் குறைந்தவர்களால் மட்டுமே ஹீரோயிசம் செய்ய முடியும் என்று யார் சொன்னது? உலகில் பல சாதனையாளர்கள் வயதானவர்களே! தங்கள் இளமை காலம் கடந்த பிறகே வியக்கத்தக்க சாதனைகளை செய்திருக்கிறார்கள்.

அசினுடைய ஆண்டாள் கேரக்டரை மோசமாக சித்தரித்திருக்கிறார்கள். கதாநாயகிக்கும், நாயகனுக்கும் கெமிஸ்ட்ரி ஒர்க் அவுட் ஆகவில்லை. இரண்டு பேருக்கும் ஏன் காதல் வருகிறது என்பதற்கு சரியான காரணங்கள் இல்லை. நான் பார்த்தவரைக்கும், ஆண்டாள் பெருமாளை தான் காதலிக்கிறார். "பெருமாளே, பெருமாளே" என்று அரை லூசு மாதிரி படம் முழுக்க சிலையை வைத்துக்கொண்டு புலம்புகிறார்(திரும்பவும் இங்கே தமிழ் கதாநாயகி என்றால் அரை லூசாக இருக்க வேண்டும் என்ற ஸ்டீரியோ டைப்). "என்ன ஜாதியோ, பெருமாளை தொடாதே!" என்று அநாகரீகமாக பேசும், தொடர்ந்து காலை வாரி விடும் பெண்ணின் மீது கமலுக்கு ஏன் காதல் வந்தது என்பது புரியாத புதிர்! அசின் மாதிரி ஒருவர் என்னிடம் பேசி இருந்தால், சுனாமியோடு சுனாமியாக கடலில் தள்ளி விட்டு வந்திருப்பேன். சுனாமியில் இறந்தவர்களை மீட்டெடுக்கும் பணிகளுக்கு நடுவே, இரண்டு பேரும் பேசும் காதல் வசனங்கள் அநாகரீகத்தின், அருவருப்பின் உச்சக்கட்டம்!

ரசிக்க வைத்த கேரக்டர்கள் என்றால் அது தெலுங்கு உயர் அதிகாரியாக வரும் பல்ராம் நாயுடுவும், வின்செண்ட் பூவராகவனும். அதிகாரியின் வேடம் கமலுக்கு அட்டகாசமாக பொருந்துகிறது, சம வயதாக இருப்பதும் காரணமாக இருக்கலாம். அதுவும் தெலுங்குக்காரர்களைப்பார்த்ததும் அதிகாரி கமல் வெளிப்படுத்தும் சென்டிமெண்டும், முகபாவனையும், பார்வையும், பின்ணனி இசையும் அருமை! பூவராகவன் கேரக்டரை அவலட்சணமாக ஆக்கி விட்டாலும், அவருடைய கொள்கைகளுக்காகவும், தியாகங்களுக்காகவும் நிச்சயம் ரசிக்கலாம்.

ஆகமொத்தம் சில நல்ல பாகங்களைத்தவிர, இந்த படம் பார்த்து டைம் வேஸ்ட் ஆனது தான் மிச்சம், பொழுதுபோக்காக கூட இல்லை. அதற்காக எனக்கு ரஜினியைப்பிடிக்கும் என்று நினைத்துவிட வேண்டாம், ரஜினி கர்நாடக பிரச்சினை போன்ற மக்களின் வாழ்வாதார பிரச்சினையில் சுயநலத்துக்காக விளையாடியதை பார்த்ததில் இருந்து ரஜினி படமே பார்ப்பது இல்லை என்று முடிவு செய்துவிட்டேன், இலவசமாக கிடைத்தால் கூட குசேலன் பார்க்கப்போவதில்லை!