ஆமா, உங்க கையெழுத்து எப்படி இருக்கு?

முன்னால எல்லாம் அம்மாவுக்காவது தமிழ்ல வாரம் ஒரு முறை கடிதம் எழுதுவதுண்டு. இன்னிக்கும் நான் எழுதின எல்லாக் கடிதத்தையும் ஏதோ பொக்கிஷம்போல வச்சிருப்பாங்க! இப்போ எல்லாம் "கால்" பண்ணிப் பேசுவதோட முடிந்தது.

ஆங்கிலம்? டாக்ஸ் ரிட்டர்ன் கூட இ-ஃபைலிங் பண்ணத்தான் சொல்றாங்க. ஆக, பேனா வச்சு எழுதுவதுனா அப்பப்போ பர்சனல் செக்ல ஒரு வரி எழுதுவது, அதில் கோழி கிளறுவதுபோல ஒரு கையெழுத்து போடுறது. அவ்வளவுதான். வொர்க்ல ஒரு சில பேப்பர் வொர்க், டாககுமெண்ட்ஸ் ரெக்கார்ட் பண்ண பேனாப் பிடிச்சு எழுதுவதுண்டுதான். ஆனாலும் ரொம்ப கம்மி.

நீச்சல், ட்ரைவிங் எல்லாம் என்றுமே மறக்காதாம். அதேபோலதான் எழுத்தும்னு நெனைக்கிறேன். நிச்சயம் உயிரிருக்கும் வரை, கைவிரல்கள் இருக்க வரை எழுதமுடியும்தான். ஆனால் தமிழ்ல கூட இப்போ எல்லாம் ஒரே டைப்தான் (பதிவுலகிலும்தான்) பண்ணுறோம். டைப் அடிப்பதாலே எவ்ளோ அழகா இருக்கு பாருங்க என் கையெழுத்து! "ஸ்பெல் செக்" மட்டும்தான் பண்ண முடியலை!

தமிழ்ல எழுதி பல மாதங்கள் இல்லை சில ஆண்டுகள் ஆகிவிட்டது. இ, ஒ எல்லாம் எழுதினால் எழுத்துக்கள் கேவலமா வ்ருது. ஏதோ ரெண்டாப்புப் படிக்கும்போது எழுதின "அழகு"ல இருக்கு என் எழுத்துக்கள்! சும்மாவே என் கை எழுத்து ஒண்ணும் அழகா குண்டு குண்டா தெளிவா இருக்காது. இப்போ அதைவிட படுகேவலமா இருக்கு!

உண்மையிலேயே இன்னைக்கு என் கையெழுத்து தலையெழுத்து மாதிரிதான் இருக்கு! இதுக்காக ஒண்ணும் கவலைப்பட வேண்டியதில்லைதான். ஆனால் என் கையெழுத்து படுமட்டமா ஆயிடுச்சுங்கிறதாலே எதையும் தமிழ்ல எழுதவே பயம்மாயிருக்கு!

உங்க கையெழுத்தெல்லாம் எப்படி? அப்படியே அழகா இருக்கா? இல்லைனா எழுதிப் பார்த்துத்தான் சொல்லனுமா?