ஷங்கரால் முடியும்! மணிரத்னத்தால் முடியாது!

எனக்கு இயக்குனர் மணிரதனத்தை பார்த்துட்டு ஒரே குழப்பம்! இயக்குனர்களுடைய கனவு அல்லது மோட்டிவேஷன் என்னனு தெரியலை! இவர்களுக்கு வேண்டியது புகழா ? இல்லை பணமா? இல்லை சுதந்திரமா? இல்லை எல்லாமேவா?

இயக்குனர் மணிரத்னம் இயக்கிய படங்களில் அல்மோஸ்ட் 90% இவருடைய சொந்தத் தயாரிப்பில்தான். மெட்ராஸ் டாக்கீஸ் இல்லைனா ஜி வி ஃபில்ம்ஸ்! ராவணனும் இதற்கு விதிவிலக்கல்ல! அதாவது இவருக்கு ஒரு இயக்குனர் அந்தஸ்து கிடைத்தவுடன்! அதற்கு முன்னால் பலர் படங்களை இயக்குனராக மட்டும் வேலை செய்து இயக்கியுள்ளார்.

ஒரு தயாரிப்பாளர் எதுக்குப் படம் எடுக்கிறாங்க? ரொம்ப சிம்ப்பிள்! வியாபாரம்! பணம் சம்பாரிக்க! அதைத்தான் எ வி எம் பண்ணுறாங்க, பாலாஜி பண்ணினார், கவிதாலயா மூலம் பாலசந்தர் பண்ணினார். இவர்களைப் பொருத்தவரையில் சினிமா ஒரு வியாபாரம். கலைத்தொண்டெல்லாம் கெடையாது! அதற்கு தேவையான நடிகர்களை, இயக்குனரை, இசையமப்பாளரை ஹயர்ப் பண்ணி பணத்தைப்போட்டு படத்தை எடுத்து லாபம் சம்பாரிக்கிறாங்க. படம் ஃப்ளாப் ஆனா நொடிச்சுப் போவதும் உண்டு.

பொதுவாக இயக்குனர்களில் ஒரு வகை என்னனா இயக்குனராக பணியாற்றி சம்பளத்தை வாங்கிக்கொண்டு புகழையும் பேரையும் அவார்ட்டையும் பெறுவது. எஸ் பி எம், கே எஸ் ரவிக்குமார், சுரேஷ் கிருஷ்ணா, பி வாசு மற்றும் ஷங்கர் எல்லாம் இந்த வகைதான். இதில் இவர்கள் திறமையை நம்பி ஒரு ஆள் பணம் போடனும், இவர்களை படத்தை சீக்கிரம் முடிக்கச்சொல்லி ப்ரெஷெரை பண்ணுவாங்க. பெரிய நடிகர்னா, அவர்கள் ஐடியாவையும் கேட்டு அட்ஜஸ்ட் பண்ணிப்போகனும்.

ஆனால் மெளனராகத்தில் இருந்து மணிரத்னம் இயக்கியபடங்கள் (>95%) இவர் அல்லது இவர் அண்ணந்தான் தயாரிப்பாளர். இதனால் இவருக்கு பல நன்மைகள் இருந்தாலும், இது ஒண்ணும் பெரிய ஸ்மார்ட் மூவ் னு சொல்ல முடியாது! ஸ்மார்ட் மூவ் வாயிருந்தால் ஏன் ஜி வி இந்த நிலைமைக்கு ஆளானார்?

புகழ் வந்தவுடன், நம்ம மக்களுக்கு எல்லாமே அவங்க கண்ட்ரோல்ல இருக்கனும் என்கிற மிகப்பெரிய ஈகோ வந்துவிடுகிறது என்றுதான் சொல்லனும். அதாவது இவர்களால் அடுத்தவர்களுடன் இணைந்து வேலை செய்யமுடியாது. இன்னைக்கு கமலோட மணிரத்னம் சேர்ந்து வொர்க் பண்ன முடியுமா? இல்லை ரஜினியோட சேர்ந்து வொர்க்ப் பண்ண முடியுமா? இது ஒரு மாதிரியான வியாதி! இதனால் இவர்களால் தெளிவா ஒரு படத்தில் ஃபோக்கஸ் பண்ண முடியுது. இவர்களுக்கு ஒரு திருப்தி இருக்கு! இவர்களால் இவர்கள் திறமையை, க்ரியேட்டிவிட்டியை வெளிக்கொண்டுவர முடியுது!

தயாரிப்பாளர் மணிரத்னம் ஒரு வியாபாரி தான்! இயக்குனர் மணிரத்னம் ஒரு பெரிய ஈகோயிஸ்ட் தான்! இவரால் ஷங்கர் போல் ஒரு எ வி எம் படத்தையோ, அல்லது சன் டி வி படத்தையோ அல்லது எ ஆர் ரகுமான தவிர இன்னொரு இசையமப்பாளரைப் போட்டு வெற்றி பெரமுடியுமா என்பது மிகப்பெரிய கேள்விக்குறி!

கலைஞன் என்றாலே "அகம்பாவம்" தலைவிரித்தாடுவது என்னவோ தவிர்க்க முடியாதுதான். இளையராஜாவின் ஈகோ உலகத்துக்கே தெரியும்! கமலஹாசனின் ஈகோ சிறுகுழந்தைக்கு கூடத் தெரியும்! ஆனால் மணிரத்னத்தின் ஈகோ அவருக்கே தெரியுதோ என்னவோ! கவனிச்சுப் பார்த்தால் அவருடைய பல இயலாமைகள் விளங்கும்! ஆமாம் இயக்குனர் ஷங்கரால் ஒரு இயக்குனராக மட்டும் தன்னை அர்ப்பணிக்க முடியும்! அது மணிரதனத்தால் முடியாது! இல்லை இல்லை மணிரத்னம் பெரிய கலைத்தொண்டு செய்றவர் என்றெல்லாம் பேசினால் அது வெட்டிப் பேச்சு!