நந்தலாலா முழுநீள விமர்சனம்-கின்னஸ்க்கு பரிந்துரை!

ஒரு படத்துக்கு விமர்சனம் எப்படி எழுதனும் என்பதற்கெல்லாம் நான் பெரிய "அத்தாரிட்டி" எல்லாம் கிடையாது. ஆனால் குறைந்த வரிகளில் அழகாக ஒரு படத்தை விமர்சிப்பவர்களே நல்ல விமர்சகர்கள்னு நான் நினைக்கிறேன். திரு சாரு நிவேதிதாவின் எழுத்தில் என்னைக்குமே ஒரு அழகு, நயம் உண்டு. சாரு, மிஷ்கினின் நந்தலாலா திரைப்படம் ஜப்பானியப் படத்தழுவலாக இருப்பதை பெரிது படுத்தாமல் , அந்தப் படத்திற்கு விமர்சனம் வரிந்துகட்டிக்கொண்டு எழுதி புகழோ புகழுனு புகழ்ந்து தள்ளியிருக்கார், மனுஷன்.

ஒரு படத்தை நல்லா விமர்சிக்கனும்னு முடிவு செஞ்சிட்டா நிச்சயம் மேலே தூக்கிவச்சு புகழலாம். சாரு மனதாற தன் இதயத்தில் இருந்து மிஷ்கின் ஒரு சிறந்த கலைஞன், இளையராஜா சிறப்பாக இசையமைத்துள்ளார், படம் சிறப்பான ஒண்ணுனு பாராட்டுவது அவருடைய பெரியமனுஷத்தனம்னுதான் சொல்லனும். இந்தக்காலத்தில் திட்டுறது எளிது, புகழ்றதுதான் கஷ்டம். ஆனால் இவ்வளவு அனுபவசாலியான விமர்சகர், இதை ஒரு 50 வரிகளில் சொல்ல முடியாதா? புகழ்ந்து தள்ளனும் என்பதற்காக ஒரு சிறுகதையைவிட நீளமாகவாக விமர்சனம் எழுதுவாங்க?

பொதுவாக தமிழன் மனநிலை என்னனா எதையுமே வளவளனு எழுதி எரிச்சல் தருமளவுக்கு அதிகமாக புகழ்ந்தால் பிடிக்காது. அந்த வகையில் சாருவின் இந்த முழ்நீள நந்தலாலா விமர்சனம் ஒரு நெகட்டிவ் விமர்சனம்தான். நந்தலாலாவையும், மிஷ்கினையும், இளையராஜாவையும் புகழ்ந்தே கவிழ்த்திவிட்டார் நம்ம சாரு!

எனக்குத்தெரிய உயிர்மையில் சாரு நிவேதிதா நந்தலாலாவிற்கு எழுதிய விமர்சனம்தான் உலகத்திலேயே அதிக நீளமான விமர்சனம். நம்ம அண்ணன் உண்மைத்தமிழனை சந்தேகமே இல்லாமல் பீட் பண்ணி விட்டார் சாரு. ஒண்ணு செய்யலாம் உலகத்திலேயே அதிக நீளமான விமர்சனம் இதுதான் என்று இதை கின்னஸ்க்கு பரிந்துரை செய்யலாம்! யாராவது இதை செய்யுங்கப்பூ!

என் கூற்று தவறு, இதைவிட நீளமான விமர்சனம் இருக்குனு சொன்னால் , என் முகத்தில் அறைவதுபோல அதற்கான தொடுப்பு பின்னூட்டத்தில் கொடுங்கப்பூ! நன்றி, வணக்கம்.