விஜய்யும் ஜெயாவை வணங்கி வழிபடப்போறாராம்!

காவலன கலக்ஷனில் வரலாறு படைக்கிதோ இல்லையோ, "இந்தப் பிரச்சினையில் கடைசியில் தன் ப்ரெஸ்டிஜ் அது இதுனு பொலம்பி தன் பணத்தைப்போட்டு ரிலீஸ்ப்பண்ணி விஜய் ஒரு வரலாறு படைத்துள்ளார்!" என்பதென்னவோ உண்மைதான். கடைசியில் எப்படியோ படம் வெளியே வந்தது எல்லாருக்கும் சந்தோசம்தான். படம் பயங்கர வெற்றியடைந்தால்தான் இந்த சாதனை பெருசாகப் பேசப்படும்! இல்லைனா.. கஷ்டம்தான்! எப்படியோ காவலன் நல்லா ஓடி வெற்றிபெற்றால் சரிதான்!

இதற்கிடையில் விஜய் இன்று அம்மையாரை சந்திக்கப் போறாராம்!

கொஞ்சநாள் முன்னால அம்மாவை, இவரோட அப்பா போய் தரிசனம் பண்ணிவந்தார். அதுக்கப்புறம் காவலனுக்கு இருந்த பிரச்சினை பல மடங்காக பெருசாகி பொங்கலுக்காவது வெளிவருமா? னு கேள்விக்குறில வந்து நின்னது.

இப்போ மகன் அம்மவை தர்சிக்கப் போறாரு போல! இதன் விளைவு என்ன ஆகப்போகுதோ! நேத்து அம்மாவுக்கு ஆதரவுனு சொன்ன சீமான் இப்போ என்னென்னவோ உளறுகிறார். அம்மாவால எல்லாம் இப்போ விஜய்க்கு ஒண்ணும் பண்ண முடியாது. இவர் அம்மாவுக்கு ஆதரவுனு இந்த சூழ்நிலையில் சொன்னாலும் இவர் அரசியல் கனவு அம்புட்டுத்தான்!

விஜய், என்னவோ சினிமால வில்லன்களை காலி பண்றதுபோல தற்போது உள்ள பிரச்சினைகளை அனுகுறார்போல மனுஷன். இப்படி அவசரப்படாமல் கொஞ்சம் நிதானமாக இருப்பது நல்லது.

இதற்கிடையில், இவர் முடியாதுனு சொன்ன 3-இடியட்ஸ் படத்துல இப்போ சூர்யாவை புக் பண்ணியிர்க்கார் ஷங்கர்னு சொல்றாங்க!

விஜய்க்கு இப்போ தேவை பொறுமை. காவலன், நல்லமுறையில் வெற்றியடைய இவர் எல்லாக் கடவுள்களையும் கும்பிட்டுக்கொண்டு இருப்பதுதான் அவருக்கு நல்லது.

அம்மா தரிசனம் தேவையே இல்லாத ஒண்ணு! அவ்வளவுதான் நான் சொல்லுவேன்.

அவருக்கு ரொம்ப டென்ஷனாயிருக்குனா, ஏதாவது யோகா அல்லது மெடிட்டேஷன் பண்ணச்சொல்லுங்கப்பா அவரோட நலம்விரும்பிகள்!