சோ ராமசாமிக்கு அப்புறம் துக்ளக் அழியுமா?

துக்ளக் பத்திரிக்கையை ஆரம்பிச்சு, 41 வருடமாக நடத்தி வருவது நம்ம சோ ராமசாமி அவர்கள்! இந்த பத்திரிக்கை இப்போ, 77,000 வீக்லி சர்க்குளேசன் இருக்கதா சொல்லப்படுகிறது. இன்னைக்கு வரை இந்தப் பத்திரிக்கைக்கு எடிட்டர் நம்ம "சோ"தான்னு நெனைக்கிறேன்.

தமிழ்நாடு மற்றும் இந்திய அரசியல்ல கரப்ஸன் இல்லாமல் என்னைக்குமே இல்லை! ஸ்பெக்ட்ரம், ஃபோஃபோர்ஸ், சொத்துவழக்கு அது இதுனு காலங்காலமா வந்துகொண்டேதான் இருக்கு. மெயினா ஆளுங்கச்சி செய்யும் ஊழல்களை வச்சும், பார்ப்பணர்கள் மற்றும் இந்துக்கள் பெருமை பேசியும் இந்தப் பத்திரிக்கை "துக்ளக்" காலங்காலமா 'பிழைப்பு" நடத்துகிறது.

கலைஞருக்கு அப்புறம் தி மு க என்ன ஆகும்? னு கேள்விகள் எழுகின்றன. பலரும் பலவிதமாக பேசுறாங்க எழுதுறாங்க. அதேபோல் சிந்தனையில், "சோ"க்கு பிறகு யாரு துக்ளக் எடிட்டராவாங்க? துகளக் மேலும் வளருமா? இல்லை சறுக்கி கடைசியில் அழியுமா? என்கிற கேள்வி என்னுள் எழுந்தது.

துக்ளக்னா சோ தான் என்றுதான் பலரும் நம்புறாங்க. அப்போ "சோ" க்கு அப்புறம் துக்ளக் என்ன ஆகும்? இதைவிட நல்லா நடத்தப்படுமா? யார் அந்த எடிட்டரா வரப்போறவர்? யாருக்காவது இதுக்கு பதில் தெரியுமா? புதுசா வர்ற எடிட்டரும் ஒரு பார்ப்பணராகத்தான் இருப்பாரா? "எங்கே பிராமணன்"னு தொடர்ந்து அவரும் தேடுவாரா? இல்லைனா ஏதாவது அப்துல் காதர், ஜான் அல்லது, கருணாநிதி, குப்பன், சுப்பன் னு பேர் வச்ச யாரும் எடிட்டராக வர வாய்ப்பிருக்கா?

கல்கி ஒரு காலத்தில் நல்ல சர்க்குலேசன் இருந்ததாக சொல்லப்படுகிறது. ஆனால் இன்னைக்கு? கல்கி கிருஷ்ண மூர்த்தி காலத்துக்குப் பிறகு மிகப்பெரிய சறுக்கல், சர்குலேசன் பாதிப்பு அது இதுனு ஆனதாக சொல்றாங்க.

துக்ளக் கின் அடுத்த எடிட்டர் யாருனு சொன்னா நல்லாயிருக்கும். யாருக்காவது தெரியுமா சார்/மேடம்? நன்றி.