பிச்சைப்பாத்திரம் சுரேஷ் கண்ணனும் எந்திரனும்!

பதிவுலகில் சுரேஷ் கண்ணன் அவர்கள் திரைவிமர்சனம், திரைப்படம் பற்றி அலசுவதில் மேதை பட்டம் வாங்கியவர். இப்போ ஆஸ்கர் விருது வழங்குவது போல 2010ல் வெளிவந்த தமிழ்ப்படங்களை பல பிரிவுகளில் எவை சிறந்த தொழில் நுட்பங்கள் கொண்டிருக்கின்றன என்று ஒளிப்பதிவு, இசை, திரைக்கதை அது இதுனு அவர் தளத்தில் அவார்ட் வழங்கியுள்ளார்.

அதாவது இவர் 2010 ஆண்டு வெளிவந்த படங்களைப் பார்த்து ரசித்து அந்தத்தமிழ்ப் படங்களின் தரங்களை மட்டுமல்லாமல் ஒளிப்பதிவு, ஒலிப்பதிவு, பின்னணி இசை போன்றவற்றை எடுத்து தரங்களை அலசியுள்ளார். நல்ல விசயம்தான். ஆனால் இவர் பார்க்காத படங்களை இந்த அலசலில் இருந்து "எக்ஸ்க்ளூட்" பண்ணியிருக்கலாம். அதாவது 2010ல் ஏராளமான பொருட்செலவில், மிகச்சிறந்த கலைஞர்களை வைத்து தயாரித்து வெளி வந்த எந்திரன் நான் பார்க்கவில்லை, அதனால் அதில் ஒளிப்பதிவு, பின்னணி இசை போன்ற தொழில்நுட்பங்கள் பற்றி எனக்குத் தெரியாது. நான் பார்த்த படங்களை மட்டுமே இங்கே குறிப்பிட்டுள்ளேன் என்று இவர் சொல்லி இருக்கலாம்.

ஒருவேளை எந்திரனை பார்த்துவிட்டாரோ? பார்த்துவிட்டு அதை வெளியே சொல்ல வெட்கப்படுகிறாரா? என்பது எனக்குத் தெரியவில்லை! சொன்னால்த் தானே தெரியும்?

சன் டி வி மீடியாவை தன் கையில் வைத்துக்கொண்டு எவ்வளவு கீழ்த்தரமாக இறங்கி எந்திரனை மக்களிடம் விற்க முயன்றார்களோ, அதைவிட ஒரு படி கீழே இறங்கி ரஜினிமேல் தனக்குள்ள காழ்ப்புணர்ச்சியை காட்டி, எந்திரனை ஒழிக்க முயன்றவர் நம்ம "மேதை" சுரேஷ் கண்ணன்! அதெல்லாம் தப்புனு நான் சொல்ல வரலை அது அவருடைய உரிமை! அவருடைய சுதந்திரம்! அதை நம்ம யாரு தட்டிப் பறிக்க?

சுரேஷ் கண்ணனின் சாதனைகள் சில..

* எந்திரன் இசை வந்த புதிதில், அதன் இசையை இம்சை என்றார்.

* எனக்குத்தெரிய எந்திரன் படம் பார்த்ததாக காட்டிக்கொள்ளவில்லை! அந்தப் படத்தின் மேல் தனக்குள்ள காழ்ப்புணர்ச்சியை அப்படித்தான் அவர் எல்லோருக்கும் உணர்த்தினார்.

* எந்திரன் என்கிற ஏகாபத்தியன் என்று தினமணியில் வந்த ஒரு கட்டுரையை காப்பி பேஸ்ட் பண்ணிப் போட்டு தன் தளத்தின் தரத்தை வளர்த்தார்.

நினைப்பதெல்லாம் நடந்துவிட்டால்...

அவரும் பாவம் இமசைனு சொல்லிப்பார்த்தார், பலியாடுகளைக் கொன்றவர்கள் ரஜினி ரசிகர்னு பலிபோட்டு எந்திரனை கேவலப்படுத்திப் பார்த்தார். தினமணியில் வந்த கட்டுரையை வெட்டி ஒட்டிப் பார்த்தார். எந்திரன் வெளிவந்த நாள் முதாலாக தூக்கமிழந்து பாக்ஸ்ஆஃபிஸில் எந்திரன் படுத்திறாதா, விமர்சகர்களிடம் அடி வாங்கிவிடாதானு தூங்காமல் கஷ்டப்பட்டார். பாவம் அவர் நினைத்தபடி எதுவும் நடக்கவில்லை! அதைவிடக் கொடுமை என்னனா இவரைத்தவிர்த்து உலகத்தில் உள்ள அனைத்து விமர்சகர்களும் இந்தப்படத்தை பாராட்டிவிட்டார்கள். ஆக நிக்கலில் செய்த எந்திரனிடம் மோதி பிச்சைப் பாத்திரம் நொறுங்கியதுதான் மிச்சம்!

இப்போ 2010 படங்களை தரவரிசைப் படுத்தவும்..

தான் பார்க்காத எந்திரனைப் பற்றித்தான் முதன் முதலாக விமர்சிச்சுள்ளார். அதைவிடுங்க, அதாவது 2010ல் வந்த படம்! 2002 ல் வெளிவந்த பாபாவையும் இங்கே கொண்டு வந்து எந்திரனையும் பாபாவையும் இணைத்த ஒரே மேதை நம்ம சுரேஷ் கண்ணன் அவர்கள்தான்.

எந்திரனுக்கு நிகரான பரபரப்பை சென்ற வருடங்களில் ஏற்படுத்தியது இதே நடிகரின் 'பாபா'. ஆனால் அதில் முன்வைக்கப்பட்ட போலித்தனமான ஆன்மீகம் காரணமாகவும் நம்பகத்தன்மையின்மை மற்றும் சுவாரசியமின்மை காரணமாகவும் 'பாபா' படுதோல்வியைத் தழுவியது.

என்னதான் எந்திரனை திட்டினாலும் அந்தப்படம் க்ரிட்டிகலாவும் கமர்சியலாகவும் வெற்றிவாகை சூடிவிட்டது! அதனால் ஒரு 8 வருடங்கள் முன்னால் சென்று சம்மந்தமே இல்லாத ஒரு தோல்விப்படத்தை எடுத்து 2010க்கு கொண்டு வந்து அவர் ஆசையைத் தீர்த்துக்கொண்டார்!

சன் டி வியின் தான் என்கிற அகம்பாவம் மோசமா இல்லை பதிவுலகில் சுரேஷ் கண்னனுடைய அகம்பாவம், திறந்த மனதில்லாத குணம் மோசமானு கேட்டால் அது பெரிய விதாத்துக்குரியது.

சரி, 2010 போய்விட்டது! மறப்போம் மன்னிப்போம்! 2011 லாவது தன் அனுகுமுறையை மாற்றி, தனிப்பட்ட தன் காழ்ப்புணர்ச்சியைத் தூக்கி ஓரமாக வைத்துவிட்டு ஒரு "ப்ரஃபெஷனலாக"ஒரு திறந்த கண்ணோட்டத்துடன் இவர் படங்களை விமர்சிப்பார் என்று நம்புவோம்!

வாழ்க சுரேஷ் கண்ணனின் கலைத்தொண்டு! அவருக்கு என் இனிய புத்தாண்டு வாழ்த்துக்கள்!