எடப்பாடிக்குத் தேவையா இது?!

ஏற்கனவே அ தி மு க வில் சரியான தலைமை இல்லை என்று பலவித விமர்சனங்கள் வந்து கொண்டு இருக்கு. ஸ்டெர்லைட் பிரச்சினை துப்பாக்கி சூடு வேற. ஸ்டாலின் வந்து கலைஞரை மெரினாவில் அடக்கம் செய்ய அனுமதி கேட்டவுடனே சரினு சொல்லி இருக்கணும். அதுதான் சரியான அரசியல்..

இப்போ அதை மறுத்து, ஹைக்கோர்ட் சரினு சொல்லி மூஞ்சுல கரி பூசிக்கொண்டு அலைய வேண்டியாதாகிவிட்டது. இதனால் அனுதாப அலை திமுக பக்கம்தான் அடிக்கும்.

இதுமாதிரி கூறுகெட்டதனமா அரசியல் செய்தால், உங்களை எல்லாம் யாரும் காப்பாத்த முடியாது.

என்னப்பா எனக்குத் தெரிந்த அரசியல் தந்திரம்கூட உங்களுக்குத் தெரியலை! :(

உளறலா? இல்லை ராஜதந்திரமா இது, கலைஞரே?!

முதல்வர் கலைஞர் கருணாநிதி, பிரபாகரனை மனிதாபிமான அடிப்படையில் "தன் நண்பர்" என்பதுபோல் சொல்லியுள்ளார். இது போல் அவர் சொன்னது, பெரிய சர்ச்சையை கிளப்பியுள்ளது. இப்போது அவர் சொன்னதை சரி செய்து திரும்ப வேறுமாதிரி சொல்கிறார் என்கிறார்கள்.

சிலர் நினைக்கிறார்கள் இது (இந்த ஸ்டேட்மெண்ட்), திரு. கருணாநிதியின் உளறல் என்று. அதாவது பிரபாகரனை அவர் நண்பர் என்று தேவை இல்லாமல் சொல்லியுள்ளார் என்று. இது காங்கிரஸ் கட்சிக்காரர்களுக்கு கோபத்தையும் எரிச்சலையும் உண்டுபண்ணலாம்.

ஆனால்...

என்ன ஆனால்?

கவனித்துப்பார்த்தால் இது ஒரு கலைஞரின் ராஜதந்திரமாகக்கூட இருக்கலாம்.

* காங்கிரஸ் இதை எதிர்த்து அரசியல் செய்யும் நிலையில் இன்று இல்லை! அவர்கள் கவனமாக இருக்க வேண்டும்.

* இது நிச்சயம் ஈழத்தமிழர்களையும் ஈழத்தமிழர் அபிமானிகளையும் மறைமுகமாக திருப்திப்படுத்தித்தான் இருக்கும்- உளறலாக இருந்தால்கூட.

* ஈழத்தமிழர் பிரச்சினனயை வைத்து அரசியல் செய்துகொண்டிருக்கும், வை கோ வோ, ராமதாஸோ, ஜெயலலிதாவோ இதை வைத்து, இதை க்ரிடிசைஸ் செய்து அரசியல் செய்தால், விபரீதமாக முடிய வாய்ப்புள்ளது.

கவனமா இருங்கப்பா! ஒண்ணு கெடக்க ஒண்ணாகிடறப்போது! :-)))