பின்னூட்டப் பிரச்சினைகள்! கலகலப்ரியாவின் பதிவு!

நான் இப்போ கமெண்ட் மாடெரேசன் செய்ற பதிவர்களிடம் போயி ரொம்ப மெனக்கட்டு என் கருத்தை சொல்லிப்புட்டு, அவங்க வெளியிடுறாங்களா? இல்லையா? னு எட்டிப் பார்க்கிறது இல்லை. கெடைக்கிற நேரத்தில் ஏதாவது திறந்து போட்டுருக்க பெட்டியிலேதான் போயி எதையாவது சொல்றது.

ஆனால் பதிவர்கள் காமெண்ட் மாடெரேசன் செய்து வெளியிடுவது தப்புனு நான் ஒரு போதும் சொல்ல மாட்டேன்.

பல பாடங்களுக்குப் பிறகு, தேவையில்லாமல், அவமானப்படுவதை தவிர்க்க பல தரமான பதிவர்கள்தான் கமெண்ட் மாடெரேசன் செஞ்சி காமெண்ட்ஸை வெளியிடுறாங்க.

எதுக்கு பதிவெழுதி நம்மை நாமே அவமானப்படுத்திக்கனும்? தவறில்லை.

ஆனால் பதிவு விவாதம் செய்ய வேண்டிய ஒண்ணாயிருந்தால்?
அப்படியிருக்கும்போது, விவாதம் செய்ய இலகுவாக இல்லை என்ற குறைபாட்டை யாரும் இல்லைனு சொல்ல முடியாது!

நான், "ஜெயமோகனும் பிச்சைக்காரர்களும்" காரசாரமான ஒரு பதிவு போட்டேன். நான் கடவுள் படத்தில் பிச்சைக்காரர்கள் வாழ்க்கையை ரசித்து ரசித்து எடுத்து, அஹோரிகளை என்னவோ பெரிய இவனுகள் என்பதுபோல காட்டி..

சுத்தமாகப் பிடிக்கலை.. பிச்சைக்காரர்களே இருக்கக்கூடாதுனு நெனைக்கிறவன் நான்.

அந்தப் பதிவில்  "முத்து" என்பவரிடம் இருந்து வந்த பின்னூட்டம் இது, (இதை ஏற்கனவே எழுதியிருக்கேன்)

Muthu said...

ஏதோ கடலை கார்னர் போட்டோமா, பதிவுலக பரபரப்பான விஷயத்தை பத்தி ரெண்டு மூணு பதிவு எழுதினோமா-னு இல்லாம நமக்கெதுக்குங்க ஜெயமோகன் பத்தில்லாம் ?

15 June 2010 8:20 PM

இந்தப் பின்னூட்டத்தில் அசிங்கமான வார்த்தை எதுவும் இல்லை! இதை ஒரு சாதாரண பின்னூட்டமாக எடுத்துக்கவும் செய்யலாம். ஒரு சிலர் செய்வாங்க. ஆனால் என்ன காரணம்னு தெரியாது, கெட்ட வார்த்தையில்லாத இந்தப் பின்னூட்டம், எனக்கு பயங்கர எரிச்சலையும் கோபத்தையும் கொடுத்தது. It touched my EGO, I should say!

 நான் காமெண்ட்களை மாடெரேசன் செய்து வெளியிடுவதில்லை என்பதால், யாரு இந்த "முத்து"னு கொஞ்சம் தேடிப் பார்த்தேன். நான் கண்டுபிடிச்சது அவரு யாராயிருந்தாலும், ஒரு சுமாரான "அனானிமஸ்" ப்ளாகர். 

சரி நம்மள இப்படி விமர்சிக்கிறாரே இவரு மட்டும் பெரிய கொம்பனா என்னனு தெரிஞ்சிக்க, "முத்து" எதுவும் "முத்து" என்கிற ஐ டியிலே உயர் தரமான பதிவு எழுதியிருக்காரா?னு போயிப் பார்த்தால், "முத்து" என்கிற பேரில் ஒண்ணுமே எழுதவில்லை!

யாருடா இது? நம்ம தளத்துக்கு வந்து, நம்ம தகுதியை இவரே எடைபோட்டு, இவரே முடிவு செய்து, ஜெயமோகனைப் பத்தி விமர்சிக்க நீ தகுதியில்லாதவன்னு இந்தாளு எப்படி என் தளத்தில் வந்து சொல்லலாம்?

ஆமா, ஏன் இப்படி வரிந்துகட்டிக்கொண்டு "ஜெயமோஹன்"க்கு வக்காலத்து?  
இந்த முத்து ஒரு சாதாரண ஜெயமோஹன் ஜால்ராவா? இல்லைனா ஒருவேளை இது மாறுவேடத்தில் வந்திருக்கும் "பெரிய பிரபலமா" இருக்குமோ? என்ற கேள்விகள் என்னுள் எழாமல் இல்லை!

 இப்படியெல்லாம் யோசிச்சு பார்த்துப்புட்டு, யாராயிருந்தால் என்ன?

" உனக்கு செயமோஹன் பெரிய ஆள்னா அவர் தளத்தில் போயி அவருக்கு ஆராதணை செஞ்சுக்கோ! நான் யாருடைய படைப்பையும் எப்படி வேணா என் தளத்தில் விமர்சிப்பேன்" னு சண்டை ஆரம்பிச்சு, ரெண்டு பேரும் கட்டிக்கிட்டு உருண்டோம் (ஒரு 30 பின்னூட்டங்கள்). 

இப்போது அந்த பின்னூட்டங்கள் எல்லாம் இன்னும் வெளிக்காட்டாமல் மறைந்து இருக்கு.

அப்புறம் கொஞ்ச நாளானதுக்கு அப்புறம்.. இந்த எண்ணத்தை சரி என்பதுபோல, கலகலப்ரியா தளத்தில், கலகலப்ரியா ஜெயமோஹனை விமர்சனம் செய்தபோது (அங்கே காமெண்ட் மாடெரேசன் உண்டு!, அதனால இஷ்டத்துக்கு எழுத முடியாது),

இதே முத்து ஜெயமோஹன் விமர்சனத்துக்கு அப்பாற்ப்பட்டவர் என்பதுபோல தொடர்ந்து வாதாடினார், .. கலகலப் ப்ரியா தளத்திலிருந்து சில பின்னூட்டங்கள்..


////Muthu said... அரவிந்தன் கன்னையன் என்பவருக்கு (அவருடையதை நேர்மையான விமர்சனம் என்று வேறு சொல்கிறீர்கள் பாருங்கள் ... அடடா ....) அளித்த பெரும் விளக்கக் கட்டுரையிலேயே உங்களது கேள்விகள் பெரும்பாலானவற்றுக்கு தெளிவான பதில் இருக்கிறது. அதை படித்த பிறகும் இப்படி ஒரு பதிவா என்று சற்று வியப்பாகவே இருக்கிறது.

அன்புடன் முத்துக்குமார்//// -------------------

///சமூகம் ஏற்றுக்கொண்டபடியே ஒரு உறவுக்கான ஒப்பந்தம் புரிந்து அந்த உறவை (பாலியல் சார்ந்த என்பது முக்கியமானது) வெளிப்படையாக பேணிகொண்டிருக்கும்போதே சமூகம் ஏற்றுக்கொள்ளாத - ரகசியமான - ஏற்கனவேயான ஒப்பந்தத்திற்கெதிராக கொள்ளும் ஒரு உறவை (இதுவும் பாலியல் சார்ந்த என்பது வெளிப்படை) கள்ள உறவென்று அழைக்காமல் வேறெப்படி அழைப்பது ? உமது உடமையை உமக்குத்தெரியாமல் அபகரிப்பதை கள்ளம் / திருட்டு என்ற வார்த்தைகளில்தானே அழைப்பீர்கள் ? உங்கள் அகராதியில் இல்லை - உங்களுக்கு உவப்பாக இல்லை என்பதற்காக அந்த வார்த்தையை நீக்கி விட முடியுமா என்ன ? அந்த கள்ள உறவு விவகாரத்தை ஏன் குறிப்பிட நேர்ந்தது என்பதற்கும் முன் சொன்ன கட்டுரையிலேயே விளக்கம் உள்ளது. அயன் ராண்ட்-ஐ மட்டம் தட்டவோ கீழ்மைப்படுத்தவோ அல்ல என்பது முக்கியமாக குறிப்பிடப்படவேண்டியது. கள்ள உறவு என்ற பதம் உங்களுக்கு அசூயையை ஏற்படுத்தினால் நேர்மையற்ற உறவு, நெறியற்ற உறவு, முறையற்ற உறவு என்றெல்லாம் கூட பாலிஷாக சொல்லிக்கொள்ளலாம். விஷயம் என்னவோ ஒன்றுதான்.

அன்புடன் முத்துக்குமார்////
----------------------

இந்த முத்து யாரு என்பது இங்கே முக்கியமல்ல! ஒருவேளை என் பதிவில்  நான் கமண்ட் மாடெரேசன் வச்சிருந்தால் இந்தத் தொல்லையே வந்திருக்காது என்பதை கருத்தில் கொள்ளனும்.

நான் பின்னூட்டங்களை மாடெரேசன் செய்து வெளியிட்டு இருந்தால் கப்பு சிப்புனு இந்த முத்து என்கிற மேதாவியுடைய பின்னூட்டத்தை டெலீட் செஞ்சுட்டு ரொம்ப நல்லவனாவே இருந்து இருக்கலாம். அதுக்கப்புறம் முத்து எங்கேயாவது போயி முட்டிக்க வேண்டியதுதான். இல்லைனா, அவர் "தளத்தில்" என் பதிவையும் என்னையும் விமர்சிக்கலாம்! அந்த உரிமை அவருக்கு நிச்சயம் உண்டு!

அதனால காமெண்ட் மாடெரேசன் செய்றவங்க எல்லாம் செய்றது தப்பு , ஜால்ரா பின்னூட்டங்கள்தான் வெளியிடுறாங்க  என்பதுபோல் வாதம் செய்வதும் ஒரு தவறான ஒரு புரிதல்தான்.