அஜீத்துக்கு ரஜினிமட்டும் கைதட்டி பாராட்டு!!

அஜீத்தின் சமீபத்திய மேடைப்பேச்சுக்கு காரணம்? சிகரெட் விசயத்தை பெரிதுபடுத்திய அன்புமணி மேல் உள்ள எரிச்சலா? அப்படித்தான் இருக்கனும். அவரவர் படத்திற்கு பிரச்சினை வரும்போது அவரவர் உணர்ச்சிவசப்படுறாங்க!

அதே சமயத்தில் அதற்கு ரஜினியின் கைதட்டுக்கு காரணம்? சிகரெட்டு பிரச்சினையால் பாதிக்கப்பட்டவர் ரஜினியும்கூட என்று சொல்லலாமா? அதெல்லாம் இல்லையா? அஜீத்தின் பேச்சு ஓரளவுக்கு அர்த்தமுள்ள கோபம்தான். அவர் சிகரெட் குடிப்பேன்னு சொன்னதை நான் சொல்லவில்லை! நடிகன், ஒரு ரோல் மாடலாக இருக்கிறார்கள் என்பதே அவர்கள் சிகரெட் குடிக்ககூடாது என்று சொல்வதற்கு காரணம். அதே சமயத்தில் நடிகன்னா நடிப்புத் தொழிலைப் பார்த்துட்டு போயிக்கிட்டே இருக்கனும்னு சிலர் விமர்சனம் பண்றாங்க. அதே நடிகன் தமிழர் பிரச்சினையில் வந்து கலந்துக்கலைனா நடக்கிறதே வேற என்பதுபோல் ஒரு சில சூழ்நிலைகளும் உருவாக்கப்படுகிறது.

நடிகன், ஒரு ரோல் மாடல் என்றால், மக்கள் நன்மைக்காக பல பிரச்சினைகளிலும் போராட்டாங்களிலும் கலந்துக்கனும்னு நினைத்தால், அவர்கள் அரசியல் பிரவேசம் தவிர்க்க முடியாத ஒண்ணு என்பதுபோலதான் சொல்லியுள்ளார் அஜீத். அதில் எதுவும் தப்பில்லைனுதான் தோனுது.

நடிகர்களை இவர்கள் இஷ்டபடி இப்படித்தான் வாழனும்னு சொல்ல எவருக்கும் அருகதை இல்லை என்பதே அஜீத்துடைய பேச்சு. என்னைக்கேட்டால் அஜீத்துக்கு ரஜினி மட்டுமல்ல, எல்லா நடிகர்களும் கைதட்டி இருக்கனும். ஆனால் ஏன் மற்ற நடிகர்கள் ஒருவரும் கைதட்டலைனு தெரியலை! நம்ம கைதட்டி அஜீத் பெரியாளாகிவிடுவார்னு அரசியலா? இல்லைனா வேற எதுவும் புரியாத அரசியல்லானு தெரியலை!