Monday, February 15, 2010

விஷாலின் தேராத விளையாட்டுப்பிள்ளை?!


விஷால் ஆந்திராவை சேர்ந்த ரெட்டி வைகையறாவாக இருந்தாலும், அந்த “கொல்ட்டி முகம்” இல்லாமல், தமிழனுக்கு உள்ள முகமும், தமிழின கருப்பு நிறத்துடன், தமிழனுக்குள்ள உடல்வாகுடனும் இருப்பதால் தென் மாவட்டங்களில் இருந்து வந்த பச்சைத்தமிழன் ரோலுக்கு அழகா ஃபிட் ஆனார். சண்டைக்கோழியிலும் சரி, தாமிரபரணியிலும் சரி, அந்தந்த தென் தமிழ்னாட்டு கம்யுனிட்டியிலிருந்து வந்தவர்போலவே இருந்தார்.

செல்லமே, சண்டைக்கோழி, திமிரு, சிவப்பதிகாரம், தாமிரபரணி நு வழுக்கிவிழாமல் வெற்றிப்பாதையில் இவர் வண்டி ஓடிக்கொண்டிருந்தது என்னவோ உண்மைதான். திடீர்னு என்ன ஆச்சுனு தெரியலை, அதிர்ஷ்ட தேவதை இவரை கைவிட்டுவிட்டாள். வெற்றிப் பாதையிலிருந்து தடம் மாறி தடுமாறி தொடர்ந்து தோல்விகளை தழுவிக்கொண்டே இருக்கிறார். மலைக்கோட்டை, சத்யம், தோரணை எல்லாமே தோல்விப்படங்கள்!

இப்போ தீராத விளையாட்டுப்பிள்ளை வந்திருக்கு. இது விஷால் அண்ணனுடைய தயாரிப்பு! சம்பளம் வாங்காமலே நடித்து இருக்கலாம்! இப்போ சன் பிக்ச்சர்ஸுடன் இணைந்து இவருடைய தீராத விளையாட்டுப்பிள்ளை வெளிவந்துள்ளது. அதனால் கமர்ஷிலுக்குப் பஞ்சம் இருக்காது.

இந்தப்படத்தில் விஷால், வழக்கம்போல் இல்லாமல் கொஞ்சம் வித்தியாசமான ரோல் முயன்றிருக்கிறார். கதை என்னனா இவர் பழகி, காதலிச்சுப் பார்த்து, பிடிக்குதானு பார்த்துட்டு, அடுத்த ஸ்டேஜ்க்கு ரிலேஷன்ஷிப்பை எடுத்துட்டுப் போகலாம்ங்கிற மாதிரி ஒரு “விளையாட்டுப் பிள்ளை”. படத்தில் ஒரு மூன்று பெண்களை பார்த்து இம்ப்ரெஸ் பண்ணி பழகிப்பார்த்து அதில் ஒண்ணை தேத்தலாம்னு ஒரு ஸ்ட்ரேடஜி போட்டு அவர்களை தன் வலையில் விழ வைப்பதுதான் பாதிக்குமேலே படம். நம்ம தமிழ்ப்படம்தானே? அவங்களும் விழுந்து விடுவார்கள். அப்புறம் அதில் இருவரை டம்ப் பண்ணிட்டு ஒருவரை அடுத்த ஸ்டேஜ்க்கு எடுத்துப்போகும்போது...மத்ததை வெள்ளித்திரையில் பாருங்க!

Sify: என்ன சொல்றாங்கனா இது ஒரு சுமாரான பொழுதுபோக்குப் படம். நீளம் கொஞ்சம் ஜாஸ்தி (ரெண்டே முக்கா மணி நேரம்). ரொம்ப எதிர்பார்க்காமல் போனால் ஓரளவுக்கு ஜாலியாக இருக்கும். அப்புறம் சந்தானத்தின் காமெடி நல்லாயிருக்குனு சொல்றாங்க.

Indiaglitz: இவர்களும் அதேபோல்தான் சந்தானம் காமெடி நல்லாயிருக்குனு சொல்லி இருக்காங்க. யுவன் சங்கர் ராஜா இசை சுமார்தான் என்கிறார்கள்!

இந்த ரெண்டு விமர்சனங்கள் படிப் பார்த்தால் படம் சுமார்தான். இது தவிர எந்த விமர்சகர்களும் இது நல்லாயிருக்குனு முழுமனதாய் சொல்லல. சன் பிக்ச்சர்ஸ் அவங்க திறமையைக் காட்டி படத்தை வெற்றிப்படமாக்க வாய்ப்பிருக்கு! அதுவும் அவ்வ்ளவு எளிதல்ல!

எனக்கென்னவோ இந்தப்படம் தேறும்னு தோனலைப்பா!

விஷால்! பெட்டர்லக் நெக்ஸ்ட் டைம்!

No comments: