அன்னா ஹாசாரேயும் விஜயும்!

அன்னா: "வாங்க விஜய்ஜி! எளிமையான என் உண்ணாவிரதத்துக்கு ஆதரவு கொடுக்கிறதுக்காக இப்படி ஏரோப்ளேன்ல ஏறி இவ்ளோ காசு செலவழிச்சு அதும் 4 ரசிகர்களையும் இழுத்துட்டு வந்திருக்கீங்க? அங்கேயே இருந்து ஆதரவு கொடுத்து இருக்கலாமே?"

விசய்: "தல" தப்பா நெனச்சுக்கதீங்க. நம்ம அப்புச்சிதான் என்னை எப்படியாவது முதல்வராக்கனும்னு ஒரு முடிவோட இருக்கு. இப்படி ஏதாவது டெல்லிக்கு வந்து உங்களை பாராட்டுறாப்பில செஞ்சாத்தானே நாளைக்கு நம்ம அப்புச்சி கனவு நனவாகும்? அங்கேயே எல்லா நடிகரோட நடிகரா நானும் நின்னா எப்படி என் மக்களை கவர்றது?"

அன்னா: "உண்ணாவிரதத்தில் கலந்து கொண்டதில் சந்தோசம். ஆமா, நீங்க வாங்கிற சம்பளம் 20 கோடினு சொல்றாங்க. எல்லாம் வெள்ளையாத்தானே வாங்குறீங்க?"

விசய்: இல்ல தல, வெக்கத்தை விட்டு சொல்லுறேன் பாதிக்குமேலே கறுப்பாதான் தருவேங்கிறான். நான் கறுப்பு வேண்டாம் வேண்டாம் அன்னா கோவிச்சுக்குவாருனு சொன்னால் எவன் கேக்கிறான்? அப்போ வெள்ளையா ரெண்டு கோடி மட்டும் தர்றேன், அதை வச்சு நடிச்சுட்டுப் போங்கிறான்.அதை வச்சு என்ன பண்றது தல? நீங்க இப்படி ஏதாவது "மசோதாவை" அமல்ப்படுத்தினால்தான் எல்லாத்தையும் வெள்ளையா வாங்க முடியும்."

அன்னா: " Jan Lokpal Bill பத்தி, லோக்பால் பில் பத்தியெல்லாம் உங்களுக்கு எல்லாம் தெரியும்தானே?"

விசய்: அய்யோ தல, லோக்பாலாவது, பில்லாவது! நண்பன், வேலாயுதம்னு ரொம்ப பிஸியாயிருக்கேன் தல. அதான் பல்லு பில்லெல்லாம் கரைத்துக்குடித்த நீங்க "லஞ்சம், ஊழல் ஒழிப்பு"னு என்ன செஞ்சாலும் சரியாத்தான் இருக்கும், தல.

அன்னா: "உங்களை அனுப்பி வச்ச உங்கப்பாவுக்காவது தெரியுமா?"

விசய்: நம்ம அப்புச்சியோட ஒரே மூச்சு என்னை எப்படியாவது முதல்வராக்கிப்புடனும்." Jan Lokpal Bill பத்தி அதுக்கென்ன தெரியப்போவுது? அப்புறம் வேலாயுதம் கட்டாயம் பாருங்க. அதுவும் லஞ்சம் ஊழல் ஒழிப்பு சம்மந்தமான படம்தான். வரட்டா தல!

அன்னா: பார்க்கலாம் விஜய்ஜீ!