ஐயோ! தமிழ் பதிவுலகம் ஜோஸியர்களின் மடமாகிறது!

தமிழனுக்கு உள்ள ஒரே பெருமை என்னனா தமிழன் எதை அவனிடம் சொன்னாலும் தலையை ஆட்டமாட்டான். உண்மையா இருந்தாலும் ஜோடிச்ச உண்மையா இருந்தாலும் எதைச் சொன்னாலும் வாதம், சர்ச்சை இல்லைனா விதண்டாவாதம் பண்ணுவான் தமிழன். இல்லைனா கூந்தல்ல மணம் இருக்கானு ஆராச்சி பண்ணி இருப்பானா? இதுதான் தமிழனுக்குள்ள தனித்துவம்! அதனால்தான் தமிழன் "பகுத்தறிவுவாதி"னு தன்னை பெருமையாகச் சொல்லிக்கொள்கிறான். "ஏன் எதற்கு எப்படி" என்கிற சிந்தனைகளை வளர்ப்பதால்தான் தந்தை பெரியார் போல சிந்தனையாளர்கள் தமிழ்நாட்டில் மட்டும் உருவானார்கள்!

ஜோசியம்கிறது என்னங்க? அதை நம்புவறன் யாரு? ஜோஸியம் சொல்லி பொழைப்பு நடத்துறவன் யாரு? அதில் லாஜிக் ஏது? ஜோஸியத்தில் எதையாவது ஏன் எதற்குனு கொடஞ்சு கொடஞ்சு கேள்வி கேக்க முடியுமா? ஜோசியம் என்பது விஞ்ஞானம் அல்லது அறிவியல் அல்லனு நான்தான் எல்லாருக்கும் சொல்லனுமா என்ன? உலகிலேயே சாமியாரை கட்டிக்கொண்டு அழுவதுபோல் ஜோசியத்தை கட்டிக்கொண்டு அழுபவனுகள் இந்தியர்கள் மட்டுமே!

சரி, படிப்பறிவு இல்லாதவன் சுய சிந்தனை இல்லாதவந்தான் ஜோசியத்தை நம்புவான். அதுபோல் நெறைய முட்டாத்தமிழர்கள் இருக்கத்தான் செய்கிறார்கள். இருந்துட்டுப் போகட்டும்!

ஆனால் இப்போ சிந்தனையைத்தூண்டும் கருத்துக்களைப் பரிமாற வேண்டிய ஒரு இடமான தமிழ்ப் பதிவுலகே ஒரே ஜோசியமயமாகிக் கொண்டு போகுது! போற போக்கபார்த்தால் பதிவுலகம் முழுவதும் பிரபல ஜோசியக்காரனுக எதையாவது ராகு, கேது னு எதாவது சனியனை எழுதி ஒப்பேத்துற இடமாகிப்போயிடும் போல! அப்புறம் ஏன் பதிவுலகம் "டல்" அடிக்காது??

தமிழ்மணத்தில் முகப்பில் இருந்து சினிமா பதிவுகளைத் தனியாக பிரிச்சோம்! ஈழம் சமமந்தப்பட்டப் பதிவுகளை தனியாக பிரித்தோம்! இந்த வீணாப்போன ஜோசியப்பதிவுகளையும் பிரிச்சு ஜோசியக்காரர்களையும், ஜோஸியத்தை நம்புகிறவர்களையும் தனியா ஒரு பக்கம் அனுப்பினால் என்ன? ஏன் சொல்றேன்னா போற போக்கப்பார்த்தால் இந்த பதிவுலகில் பிரபல ஜோசியக்காரங்க பதிவெழுதி எழவைக்கூட்டுற அக்கப்போர் தாங்கமுடியாது போல!