உங்க எதிரிகளை உருவாக்க ஒரு அழகான வழி!

நீங்க இணைய தளத்துல போயி உங்க கருத்தை "உண்மையா", ஆமா "ஆனஸ்ட்டா" பின்னூட்டத்திலே சொல்றீகளா? என்ன நீங்களும் குறையில்லாத மனிதர் இல்லையா? யாருங்க இந்த  ஒலகத்துல குறையில்லாத வெங்காயம்? அதாவது நீங்க ஒருவர் பதிவில் உள்ள குறைகளை, தெரிந்தவர், தெரியாதவர், பெரியவர், சிறியவர் என்றெல்லாம் பார்க்காமல், கருத்து வேற்றுமையால் எதிர் கருத்தை அங்க போயி பின்னூட்டத்துல சொல்றீங்க!  அவ்வளவுதானா? அதைத்தான் சொல்றேன். அந்தப் பதிவரின் பின்புலத்தைப் பொறுத்து நீங்க உங்களுக்கு, ஒரு அல்லது  பல எதிரிகளை உருவாக்குறீங்க. 

நீங்க தனி நபரா?  நீங்க ஏங்க "ஆனஸ்ட்டா" ஒருத்தன் தப்பை, குறையை எல்லாம் உலகறியப்போயி பெரிய யோக்கியசிகாமணி மாதிரி சொல்லிக்கிட்டு? பேசாமல், த ம #7 னு ஓட்டைப்போட்டு விட்டு நல்ல பதிவுனு சொல்லிடுங்க. என்ன  இப்போ? ஒரு சில வரியை எடுத்துக்காட்டி "ரசித்தேன்"னு உண்மையோ பொய்யோ சொல்லுங்க! உங்க நண்பர்கள் பெருகுவாங்க! உங்க மொக்கைப்பதிவுக்கும்  4 அல்லது அஞ்சு மதிப்பெண்கள் கிடைக்கும். அதெல்லாம் முடியாதா?

இந்த உலகமே திருட்டுப்பயலுக நெறைந்த  உலகம். என்ன இப்படி சொல்றியா? எவன் எவனோட கூட்டுக்களவானினு இந்த "உலகில்" கண்டு பிடிக்கனும்னா நீங்க வேலையை ராஜினாமா பண்ணிட்டு முழுநேர இணையதள ஆராச்சில இறங்க வேண்டியதுதான்- இந்த வீணாப்போனவனுகளை தோண்டிக்கிட்டு. நீங்க இதுக்கு தயாரா? இல்லையா?

 நீங்க பின்னூட்டதிலே சொன்னது உண்மையா இருந்தாலும், நீங்க அடுத்து ஒரு பொதுநலப்பதிவு எழுதினாலும், உங்கட்ட அடி வாங்கியவர்கள் எந்த அனானிகளோடையும் கூட்டு சேருவார்கள் ! யாரு? அதான் உங்களால் எதிர் விமர்சனம் செய்யப்பட்ட பதிவை எழுதிய பதிவர்கள். பழிக்குப்பழி! அம்புட்டுத்தான்!

என்ன பண்ணுவாங்கனா, கரெக்ட்டா உங்க பதிவுக்கு முதல் வேலையாக வந்து, உங்களை, நீங்க செய்த அதே விமர்சன்ம்போல. ஒரு பொய்யை ஜோடிச்சு உண்மை போலவே எதையாவது சொல்லி உங்களை பழி வாங்குவாங்க. இப்படி நீங்க பதிவுலகில் ஏகப்பட்ட எதிரியை உருவாக்கலாம்! உருவாக்கிட்டீங்களா? இது எல்லாருக்கும் நடக்கிறதுதான். ஆனால்..

தெரிஞ்சுக்கோங்க, பல சமயங்களில், உங்க பின்னூட்டக்கருத்து ஒரு கருத்து ஒரு குழுமத்தையே தூண்டி விடுதுங்க.

நீங்க என்ன குறையில்லாமலா பதிவு போடுவீங்க? உங்க பதிவில், எழுத்துப் பிழை, கருத்துப்பிழை எல்லா எழவும் இருக்கத்தான செய்யும்? அதை இதுவரை கண்டுக்காமல் போனவங்க எல்லாம் இப்போ குழுமமாக ஒண்ணுகூடி வந்து, "உங்களுக்கு நல்லது செய்வதுபோல" பொறுப்பா எதாவது பின்னூட்டமிடுவாங்க!

 ****

சொல்லுங்க, சார்! உங்க இன்றைய நிலைமை என்ன??

என்னது? ரொம்ப எதிரிய உருவாகிட்டீங்களா? உண்மையை, மனசுல தோன்றியதை எல்லாம் பெரிய இவன்மாரி பின்னூட்டதுல சொல்லி? இப்போ நான் என்ன பண்ணுறதா? 

* 1) பேசாமல் பின்னூட்டப் பெட்டியை மூடி வச்சுட்டா?

நல்ல அறிவுரைதான் ஆனால்..எதுக்கு அப்படி செய்யனும்? பிடிக்கலை..

* 2) மூடி வச்சுட்டு மாடெரேட் பண்ணுறேன்னு பழிவாங்க வர்றவனையெல்லாம் கப்பு சுப்புனு ஒழிச்சுட்டா?

ஆமா, அடுத்தமுறை உங்க பதிவில் பின்னூட்டமிட மாட்டாங்க! ஆனால்...எதுக்கு அப்படி செய்யனும்? இதுவும் பிடிக்கலை..

* 3) இதுக்கெல்லாம் பயந்தா வாழவே முடியாது! செய்றதை செஞ்சுக்கோ! எனக்கு சரியா  தோணுச்சுனா உன் பின்னூட்டம் தெரியும். இல்லைனா அகற்றிவிடுவேன்னு திறந்து வைக்க போறீங்களா?

இந்த 3) வது ஐடியா ரொம்ப நல்லாயிருக்கே! அதைத்தான் நானும் செய்வேன்!

என்ன?  நீங்க அகற்றினால், உங்களைப்பத்தி, மேலும் நீங்க அகற்றிய பின்னூட்டம், மேலும் நீங்க காரசார விவாதத்தில் போட்ட பின்னூட்டத்தை யெல்லாம் இஷ்டத்துக்கு ஜோடிச்சு, ஏதாவது கதை கட்டி, ஒரு பதிவு போடப்போறாங்களா?

இது நல்ல ஐடியாவாத் தெரியலையே.  உங்களை ரொம்ப பாப்புளர் ஆக்கிப்புடுவாக போலயிருக்கே! :) எனக்கு உங்க மேலே பொறாமையா இருக்குங்க! :)