அம்மா, அப்பா என்னும் அரக்கர்கள்!

அப்பா, அம்மா என்பவர்கள் பிள்ளைங்களுக்கு நல்லதுக்குத்தான் செய்றோம்னு அடாவடியா நடந்துக்கிறது எல்லாம் அநியாயம். சமீபத்தில் ஒரு விவாதம் விஜய் டி வி ல பார்க்க நேர்ந்தது. வேறென்ன நம்ம கோபிநாத்தோட நீயா நானாதான்.

ஒரு சில அப்பாமார்கள் எல்லாம் பெரிய ஹிட்லர்க மாதிரி பொது இடத்திலேயே நடந்துக்கிறாங்க!! அவங்க பேசுற தினுஷைப் பார்க்கவே ரொம்ப பயம்மா இருந்துச்சு! தங்கள் பிள்ளைங்க, ஹார்மோன்கள் சுரந்து குழப்படி செய்யும் அறியாத வயதில் இருக்கதால அவங்க ரூம் கதவை அடச்சா குத்தம், பசங்களோட பேசினால் குத்தம், முகநூல் வச்சுக்கிட்டா குத்தம்னு ஒரே சட்ட திட்டங்கள்தான்.

நான் கவனிச்சவரைக்கும் பசங்க யாரும் தங்கள் கருத்தை, அப்பா அம்மா திட்டுவாங்கனு, உலகம் என்ன நினைக்குமோனு  பயந்துகொண்டு சரியாக சொன்ன மாதிரி தெரியவில்லை.

ப்ரைவசி எதுக்குனா? இதெல்லாம் தெரியாதா? நான் ஒரு இன்ஸ்ட்ருமெண்ட் பயன்படுத்தும்போதுகூட, எனக்கு அடுத்து பயன்படுத்துபவர், 5 நிமிடங்கள் முன்பே வந்து, அருகில் அமர்வது சுத்தமாகப் பிடிக்காது! நான் தப்பு எதுவும் செய்யலை, என் வேலையை என் நேரத்தில், நான் திட்டமிட்டபடி செய்றேன். அடுத்தவர் அருகில் என்னை வேடிக்கை பார்த்தால் என்னால காண்ச்செண்ட்ரேட் செய்ய இயலாது. இதுக்கே எனக்கு "ப்ரைவசி" தேவைப்படுது. ஒரு சில சமயம் நான் சொல்லிடுவேன், "ப்ளீஸ், போயிட்டு 5 நிமிடம் சென்று வா. அப்போத்தான் உன் நேரம் ஆரம்பிக்குது"னு.

நம்ம பெற்றோர்கள் தெரிந்து கொள்ள வேண்டியது!

ப்ரைவசினா, செக்ஸ் (உடலுறவு) வச்சுக்கிறதுக்கும், மாஸ்டர்பேட் (சுய இன்பம்) செய்துக்கிறதுக்கும், திருட்டுத்தனம் செய்ய மட்டும்தான் தேவைனு இல்லை. பல நேரங்களில் சிந்திக்கக்கூட, ஒரு வேலையை ஒழுங்கா செய்யக்கூட "ப்ரைவசி" தேவைப்படுது. படிக்கவும்தான். ஒருசில அம்மா அப்பா மார்களுக்கு இவ்ளோ வயதாகியும் கொஞ்சம்கூட கூறே இல்லை! என்னவோ இவங்க பக்கத்தில் இருந்தால் தன் பிள்ளைகளை கட்டுப்படுத்திவிடலாம்னு நினைக்கிற முட்டாள்களா இருக்காங்க.

ஒரு  மனசை யாருமே கட்டுப்படுத்த முடியாதுங்க! இது தெரியாதா இவர்களுக்கு?

கற்றுக்கென்ன வேலி? கடலுக்கென்ன மூடி?
கங்கை வெள்ளம் சங்குக்குள்ளே அடங்கிவிடாது 
மங்கை நெஞ்சம் பொங்கும் போது விலங்குகள் ஏது?

-கண்ணதாசன்

இதெல்லாம்  புரியாதா இந்த ஹிட்லர்களுக்கு? புரிஞ்சுக்கோங்கப்பா!