சாரு!! இதுக்குப்போயி அலட்டிக்கலாமா?!

"என்னண்ணே நம்ம சாருவின் இலக்கிய ஞானத்தைப் பத்தி குமுதம் கேள்வி பதில்ல கேவலப்படுத்திட்டாங்களாமே?"

"இளையராஜாவின் இசை ஞானத்தைப் பத்தி பேசமட்டும் இவருக்கு அருகதை இருக்காம். இவர் இலக்கிய ஞானத்தைப் பத்தி ஒரு பய கேலி பண்ணக்கூடாதா என்ன?"

"ஆமா, இலக்கியத்தில் சாரு பெரிய ஆளா, அண்ணே?"

"இருந்தாலும் இருக்கும். அதனால் என்ன? நோபல் பரிசு பெற்ற விஞ்ஞானியையும் இலக்கியவாதிகளியும்கூட க்ரிடிசைஸ் பண்ணத்தான் செய்வார்கள் சிலர். பேச்சுச் சுதந்திரம் மற்றும் எழுத்துச்சுதந்திரம் சாருக்கும் அவர் ஜால்ராக்களுக்கும் மட்டும்தான் உண்டா என்ன? "

"என்ன இருந்தாலும் சாரு நிவேதிதா தமிழ் இலக்கியத்தில் பெரிய ஆள் இல்லையா? அதான் பொங்கி எழுறாரு மனுஷன்"

"யார் சொன்னா?"

"அவரே நினைத்துக்கொள்றாருண்ணே. அப்புறம் அவர் ஜால்ராக்கள் சிலர் சொல்லிக்கிறாங்க! இல்லைனா எதுக்கு அவருக்கு இவ்ளோ கோபம் வருது சொல்லுங்கண்ணே. "டேய்" அது இதுனு திட்டுறாரு அண்ணே?"

"இதெல்லாம் தேவை இல்லாத அலட்டல். ஊர்ல உள்ளவனுக்கெல்லாம் ஒண்ணும் தெரியாதுனு இவர் கிழி கிழினு எல்லாரையும் கிழிப்பாரு. இவரைப்பத்தி ஒரு பய ஒண்ணும் சொல்லக்கூடாதா என்ன? இவரை தமிழ் இலக்கிய மேதைனு எல்லாரும் சொல்லனுமா என்ன?"

"அப்படியெல்லாம் அவர் சொல்லலண்ணே. அவருக்கு ரொம்ப கஷ்டமாப்போச்சு போல இதை படித்து"

"சாரு, இதுக்கெல்லாம் சின்னப்பிள்ளை மாதிரி அலட்டிக்கக்கூடாது! வேற எதுவும் எழுத விசயம் இல்லையோ என்னவோ போ!"

"அண்ணே! சாருவைப்பத்தி கேரளாவில் விசாரிக்கலாம்னு போனேன்"

"ஏன் தமிழ் இலக்கியம் மலையாளிகளுக்குத்தான் தெரியுமா? தமிழனுக்கு தெரியாதா என்ன?. ஏன்ப்பா தமிழனை கேவலப்படுத்துறீங்க??"

"இருங்க, நான் சொல்ல வந்ததை சொல்லிக்கிறேன்.. எனக்குத் தெரிந்த கேரலைட் ஒருவரிடம் கேட்டேன். அங்கேயும் இவர் எழுத்தைப்பிடிக்காதவர்க்ள் ஏகப்பட்டவர்கள் இருக்காங்களாம்"

"சாருட்ட உன் நண்பரை அறிமுகப்படுத்தி வையேன்!"

"நமக்கெதுக்குண்ணே வம்பு?"