தமிழ் புத்தாண்டு தினத்தில் ஆயிரத்தில் ஒருவன்!

“அண்ணே! நம்ம கார்த்தியோட ஆயிரத்தில் ஒருவன் பொங்கலுக்காம்!”

“பாவம் கார்த்தி!”

“என்னண்ணே இப்படி சொல்றீங்க?”

“இது அந்த சைக்கோ டைரக்டர் செல்வராகவன் படமாச்சே!”

“என்னண்ணே சைக்கோ அது இதுனு சொல்றீங்க?”

“செல்வ ராகவன் படம் எல்லாமே ஒரு மாதிரி தமிழ் கலாச்சாரத்தை, தமிழனைக் கேவலப்படுத்துறாப்பிலேதான் இருக்கு. அதுலயும் அந்தக் கடைசிப்படம் புதுப்பேட்டை கேக்கவே வேணாம். அவர் உருவாக்கிற ஹீரோ எல்லாம் ஏதாவது மனவியாதி உள்ளவனாத்தான் இருப்பான்.”

“ஏண்ணே நான் தெரியாமத்தான் கேக்கிறேன். சினிமாங்கிறது ஒரு ஃபிக்சன் தானே? அதுல ஏன் கலாச்சாரத்தை காக்கனும்னு சொல்றீங்க? எண்ணே சும்மா நம்ம அய்யா ராமதாசு மாதிரி பேசுறீங்க?”

“கலாச்சாரம்னு ஒண்ணு நம்மகிட்ட இல்லைனா தென் ஆப்பிரிக்கா மாதிரி 20% எயிட்ஸ் நோயாளிகளாத்தான் இருப்போம். கலாச்சாரம் கட்டுப்பாடெல்லாம் தேவையில்லைனு சொல்ல முடியாது.”

“அவர் ஏதோ புதுமையா சைக்கோ ஹீரோவா வச்சு எடுக்கிறாரு போல.”

“புதுமையா எடுக்கிறேன்னு எதையாவது லூசுத்தனமா எடுக்கக்கூடாது. பார்க்கலாம் ஆயிரத்தில் ஒருவன்ல என்னத்த புதுமையை புகுத்துறாருன்னு.”

“ஒருவேளை, பருத்திவீரன் மாதிரி நல்லா இருந்தாலும் இருக்கும்.”

“எனக்கென்னவோ செல்வராகவன் மேலே பெருசா எதுவும் நம்பிக்கை இல்லை. இருந்தாலும் பார்க்கலாம். ஐ விஷ் ஐ ஆம் ராங்.”

“பொங்கலுக்குண்ணே! இல்லை இல்லை, தமிழ் வருடப்பிறப்புக்கு!”

“எனிவே, பெஸ்ட் ஆஃப் லக் டு கார்த்தி!”