கமலால் "பேரிழந்த" இயக்குனர்கள்!

"அண்ணே, சாருவைப் பாராட்ட கமல் தேடினாராம்! ஆனா சாரு அதை டேர்ன் டவ்ன் பண்ணிட்டாராம்."

"எதுக்குப் பாராட்டத் தேடினாராம்?"

"மஹாநதி படத்துக்கு நல்ல விமர்சனம் எழுதயதற்காம். அந்தக்காலத்தில்!"

"மஹாநதி யார் படம்ப்பா? கமல்தான் இயக்குனரா?"

"இல்லண்ணே, அது கமல் படம் அதனால அதுல எல்லாக் க்ரிடிட்டும் கமலுக்குதானே பொதுவா கொடுக்கப்படும்?"

"அப்போ நாயகன் , இந்தியன், வேட்டையாடு விளையாடு போன்ற படங்களுக்கும் அப்படியா? கமல் படமா இதெல்லாம்?"

"அதெப்படிண்ணே? நாயகன், மணிரத்னம் படம். இந்தியன் சங்கர் படம்! வேட்டையாடு விளையாடு கெளதம் படம் இல்லையா?"

"என்ன இது அநியாயமா இருக்கு! அப்போ மஹாநதி , குணா எல்லாம் சந்தானபாரதி படம் இல்லையா?" சாரு, சந்தானபாரதியை இல்லை பாராட்டனும்! சுப்ரமணியபுரம், பருத்திவீரன் போன்ற பட்ங்களுக்கும் இயக்குனருக்குத்தானே க்ரிடிட்? மஹாநதிக்கு மட்டும் ஏன் கமலுக்கு க்ரிடிட்?"

"அதென்னனு தெரியலைண்ணே, ஒருவேளை நடிப்பைப் பாராட்டி எழுதி இருப்பாரோ என்னவோ.. சந்தான பாரதி மஹாநதி இயக்குனர்னு நீங்க சொல்லித்தான் எனக்குத் தெரியும்!"

"குணாவும் சந்தான பாரதி படம் தான். ஆனா விமர்சகர் உலகம் எல்லாம் கமல் இயக்குனர்போலதான் எழுதுறாங்க!"

"தசாவதாரம், யாருண்ணே இயக்கினா?"

"கே எஸ் ரவிக்குமார்! ஆனால் அதுவும் கமல் இயக்குனர் போலதான் பேசப்படுது."

"திரைக்கதை கமல் என்பதால் அவர் படம் மாதிரித்தான் எல்ல்லோரும் பேசுராங்கண்ணே!"

"சந்தான பாரதி, கே எஸ் ரவிக்குமார் போன்றவர்கள் இயக்கினால் அவர்கள் பெயர் மறைந்து க்ரிடிட் கமலஹாசனுக்கு போயிடுது. அதே சமயம் மணி, கெளதம், ஷங்கர் போன்றவர்கள் இயக்கினால், அவர்களுக்கு ஒழுங்கா க்ரிடிட் போகும்!'

"பாவம்ண்ணே சந்தான பாரதியும், கே எஸ் ரவிக்குமாரும். அவங்க படமெல்லாம் கமல் இயக்கியதுபோல கமலுக்குத்த்தான் க்ரிடிட் கொடுக்கிறது இந்த விமர்சக உலகம்!"

"அன்பே சிவம், யாரு படம் தெரியுமில்ல?"

"கமல்தான அண்ணே இயக்குனர்?"

"சுந்தர் சி. நம்ம குஷ்புவுடைய ஆத்துக்காரர்!"

"ஆனா விமர்சகர்கள் க்ரிடிட் கொடுத்தது கமலுக்குத்தாண்ணே!"

"கமலால் "பேரிழந்த" இயக்குனர்கள்ல சந்தான பாரதிக்கு முதல் இடம். அடுத்து சுந்தர் சி, அடுத்து நம்ம கே எஸ் ரவிக்குமார்! இதில் கமல் மேலே எந்த தப்பும் இல்லை! இந்தப்பாழாப்போன விமர்சகர் உலகம்தான் இந்த இயக்குனர்களுக்கு க்ரிடிட் கொடுக்காமல் விடுவது!"