வைகோவுக்கு அம்மா போடப்போகும் பிச்சை எவ்வளவு?

தன் தன்மானத்தைக்காக்க திமுகவிலிருந்து வெளியேறினார் மறுமலர்ச்சி இல்லை மங்கும் திமுக தலைவர் வைகோ! திராவிடத்தலைவனாக இருக்க வேண்டிய கலைஞர் கருணாநிதி திராவிடர்களை பதவிக்காக பரிதவிக்கவிட்டுவிட்டதால் திராவிடரல்லாத பார்ப்பணவகுப்பைச் சேர்ந்த ஜெயலலிதாதான் தன் தலைவி என்று முழுமனதாக ஏற்றுக்கொண்டு, 2006 சட்டமன்றதேர்தலில் 35 தொகுதிகளை தன் பங்குக்குப் பெற்று மரண அடிவாங்கினார், வைகோ!

ஆனால் என்ன அடி வாங்கினால் என்ன? அம்மாதான் தன் தலைவினு இன்னும் பின்னாலேயே திரிகிறார்! சரி, என்னைக்குமே இன்றைய ஆளுங்கட்சி அடுத்த தேர்தலில் தோற்பதுதான் வழக்கம்! அதே கணக்குப்படிப் பார்த்தால் கடந்தமுறை வைகோ அடிவாங்கியது ஒண்ணும் பெரிய விசயமில்லை! அந்தக்கணக்குப்படிப் இந்த சட்டமன்ற தேர்தல் முடிவு பற்றிப்பார்த்தால் இன்னைக்கு அ இஅதிமுக அணிதான் வெற்றிவாகை சூடம் நிலையில் உள்ளது! ஆனால் என்ன பிரயோசனம்? தன்மானசிங்கம் வைகோவிற்கு ஜெயா போடப்போகும் பிச்சை (தொகுதிகள் ), 18க்கு மேல் தேறாது என்கிறார்கள்.

ஏன் இப்படி? அரசியல்னா என்னனு தெரியாத ஒரு கேவலம் ஒரு நடிகன் விசயகாந்துக்கு உள்ள மரியாதை நம்ம தன்மானசிங்கம் வைகோவுக்கு இல்லை! இதே விஜய்காந்து காங்கிரஸ் கூட்டணிக்கு எந்த நிமிடமும் தாவலாம் என்பதும் எல்லோருக்கும் தெரியும்!

இன்னைக்கு நிலைமையில் வைகோ கொடுத்ததை வாங்கிட்டு போற நிலவரம் ஆயிப்போச்சு! ஜெயலலிதாவுக்குத்தெரியும், வைகோவை இப்போ (போடுற பிச்சையில்) கவுத்தினால் திருடனுக்கு தேள் கொட்டியதுபோல பொத்திக்கிட்டு இருப்பாருனு! ஆக, ஜெயலலிதா கொடுத்ததை வாயைமூடிக்கொண்டு வாங்கிட்டுப் போகப்போறார் தன்மானசிங்கம்!

வைகோ பெரிய அரசியல்வாதிதான். கலைஞரையே எதிர்த்து வந்தவர்தான். ஈழத்தமிழர்களுக்காக உண்மையிலேயே தன் உயிரைக்கொடுப்பவர்தான்! ஆனால் இன்னைக்கு அம்மாவை தலைவியாக ஏற்றுக்கொண்டு செத்த பாம்பாகி நிற்கிறார்! நேத்துவந்த விஜயகாந்தால் ஏற்பட்டதுதான் இந்த அடினு சொல்லலாம்! பாவம் வைகோ, சிலர் சிரிப்பார், சிலர் அழுவார், வைகோ அழுதுகொண்டே சிரிக்கிறார்.