ரஜினி விசிறிகளுக்கு எரிச்சலூட்டும் தமிழ்ப்படம்

ஓம் சாந்தி ஓம் படத்தின் ரீமேக் அல்லது அதை தழுவிய படம்தான் இப்போ வந்திருக்கிற "தமிழ்ப்படம்". இந்த காமெடிப்படத்தில் சூப்பர் ஸ்டார் ரஜினி மற்றும் இளையதளபதி விஜய் படங்களை நக்கலடிப்பதுபோல எடுத்துள்ளதால், ரஜினி/விஜய் ரசிகர்கள் இந்தப்படத்தை ரசிக்கவில்லையாம். மாறாக பயங்கர கடுப்பாகி விட்டார்களாம். என்ன எங்க தலைவரை வச்சு காமெடி பண்ணூறானுகனு கோபத்தில் ரஜினி/விஜய் ரசிகர்கள்/விசிறிகள் இந்தப்படத்தை முழுமையாகப் புறக்கணித்தால் படம் ஃப்ளாபாகிவிடக்கூடும் என்ற பயத்தில் இருக்கிறதாம் படத்தயாரிப்புக்கூட்டம். ரசிகர்களை விடுங்க, ரஜினியும் விஜய்யும் இந்தப் படத்தை ரசிப்பார்களா? என்பது மில்லியன் டாலர் கேள்வி!

சிரிப்புப்படம் எல்லாம் நல்லாத்தான் இருக்கும். உங்களை கேலிபண்ணி காமெடிபண்ணி சிரிக்காத வரைக்கும். கடவுளுக்கே அவரை கேலி பண்ணினால் அவரால் ரசிக்க முடியாதாம், பிடிக்காதாம்! அப்படியிருக்கும்போது ரஜினியும் விஜய்யும் மனுஷங்கதானே? இதில் பாதிக்கப்படாத நடிகர்களின் விசிறிகள் இந்தப்படத்தை ரசிக்க வாய்ப்புகள் அதிகமாம்!