நடிகவேள் vs சத்யராசு!

பகுத்தறிவுவாதிகளில் எம் ஆர் ராதா ஒரு தனித்துவம் வாய்ந்தவர்தான். திராவிட பாரம்பரீகத்தில் வந்த எம் ஜி ஆர் தாய் மூகாம்பிகா பக்தர் மற்றும் இன்றைய முதல்வர் கருணாநிதிகூட சாய்பாபாவிடம் நட்பு பாராட்டுகிறவர் மற்றும் நாத்தீகவாதிகள் ஒதுக்கும் மஞ்சள் கலரை ஏற்றுக்கொண்டு தழுவிக்கொள்பவர் என குற்றச்சாட்டுகளை அடுக்கலாம். ஆனால் நடிகவேள் எம் ஆர் ராதா நாத்தீகவாதிகளில் இதுபோல் எதுவும் குறை சொல்ல முடியாதவர்.

இவர் நடித்த ரத்தக்கண்ணீர் இதற்கு ஒரு நல்ல எடுத்துக்காட்டு! மேலும் தனிப்பட்ட தன் சொந்தப்பிரச்சினையில் எம் ஜி ஆரையே எதிர்த்து சுடுகிற அளவுக்கு ஒரு தைரியமான ஆள். ஊருக்காக வாழ்ந்தவனல்ல எம் ஆர் ராதா. அவருக்கு நிறைய கேர்ள் ஃப்ரெண்டுகளும் இருந்தார்கள் என்பது உலகமறியும். அதை என்றுமே மறுத்ததும் இல்லை!

எம் ஆர் ராதா கடவுள் பக்தராக நடித்த "ஆளவந்தான்" (பாவ மன்னிப்பு) போன்ற ரோல்களிலும் அவர் கடவுளை கேலிபண்ணுவது போல்தான் இருக்கும். கடவுள் பேரைச்சொல்லி ஊரை ஏமாற்றும் ஒரு கேரக்டராகத்தான் நடித்தார். He was always himself- னு சொல்லாம். அவர் கடவுளை வணங்குவது கூட கேலி பண்ணுவதுபோல்தான் இருக்கும்.

நடிகர்களில் இப்போ நம்ம பார்க்கிற பகுத்தறிவுவாதி சத்யராஜ், கமலஹாஷன் எல்லாம் எம் ஆர் ராதா பக்கத்தில்கூட நிற்கமுடியாது! நடிப்பும் சரி, ஒரிஜினாலிட்டியும் சரி, தன் பகுத்தறிவு எண்ணங்களை தைரியமாக சொல்வதிலும் சரி.

நடிகவேளுக்கும் சத்யராஜுக்கும் பெரிய வித்தியாசம் ஒண்ணு இருக்கு. அது என்னனா நடிகவேள், எம் ஜி ஆருக்கு ஒரு நாளும் ஜால்ரா அடித்ததில்லை. சத்யராஜ், எம் ஜி ஆருக்கு ஜால்ரா அடிக்காமல் இருந்த நாளில்லை!